Gout treatment: గౌట్ వ్యాధి ఎందుకు వస్తుంది.. ఎలా తగ్గించుకోవచ్చంటే.. – what is the main cause of gout know here symptoms and causes


మీకు గౌట్ ఉంటే కాలి బొటన వేలి వద్ద వాపూ, పాదాల జాయింట్స్ వద్ద నొప్పిగా ఉంటాయి. కాలి వేళ్ళ వద్ద హఠాత్తుగా వచ్చే నొప్పిని గౌట్ ఎటాక్ అంటారు. ఈ ఎటాక్స్ వచ్చినప్పుడు పాదం మండిపోతున్నట్టు ఉంటుంది.

లక్షణాలు

కొంత మందికి బ్లడ్ లో చాలా ఎక్కువ యూరిక్ ఆసిడ్ ఉన్నా కూడా ఎలాంటి లక్షణాలు కనపడవు. దాన్ని ఎసింప్టమాటిక్ గౌట్ అంటారు. జాయింట్స్‌లో యూరిక్ యాసిడ్ చేరిన తరువాత కనపడే లక్షణాలు మూడు నుంచి పది రోజుల వరకూ ఉంటాయి. జాయింట్స్ వెచ్చగా ఉండడంతో పాటూ భరించలేనంత నొప్పీ, వాపూ ఉంటాయి. ఈ గౌట్ ఎటాక్స్ మధ్యలో మళ్లీ ఎలాంటి లక్షణాలు కనిపించవు.

గౌట్‌ని త్వరగా ట్రీట్ చేయకపోతే అది క్రానిక్ గా మారుతుంది. ఆ తర్వాత టోఫస్ అనే గట్టిగా ఉండే గడ్డలు జాయింట్స్ దగ్గర ఏర్పడి వాటిని పర్మినెంట్ గా డామేజ్ చేస్తాయి. ఈ గౌటు వ్యాధి దీర్ఘకాలిక వ్యాధిగా మారకుండా ఉండేందుకు సరైన టైమ్‌లో చికిత్స అవసరం.

Also Read : గ్రీన్ టీ తాగితే బరువు తగ్గుతారా..

కారణాలు

మన ఆహారంలో ఉండే ప్యూరీన్స్ అనే పదార్ధం వల్ల యూరిక్ ఆసిడ్ బ్లడ్‌లో చేరుతుంది. మెటబాలిజం డిసార్డర్స్ వల్ల గానీ, డీహైడ్రేషన్ వల్ల గానీ శరీరం లో యూరిక్ ఆసిడ్ నిల్వలు ఏర్పడవచ్చు. కిడ్నీ ప్రాబ్లం గానీ, థైరాయిడ్ ప్రాబ్లం గానీ ఉంటే యూరిక్ ఆసిడ్‌ని బయటికి పంపించడం శరీరానికి కష్టమవుతుంది.

samayam telugu

muscle pain

ఎవరికీ వస్తుందంటే..

– మధ్య వయసు పురుషులు గానీ, మెనోపాజ్ దాటిన స్త్రీలకి
– మీ కుటుంబ సభ్యుల్లో ఎవరికైనా గౌట్ ఉంటే
– రెడ్ మీట్, ఆర్గన్ మీట్ లాంటి ప్యూరీన్ రిచ్ ఫుడ్స్ ఎక్కువ తీసుకుంటుంటే
– ఆల్కహాల్ అలవాటు ఎక్కువగా ఉంటే
– డైయురెటిక్స్ లాంటి కొన్ని మందుల వల్ల
– కిడ్నీ డిసీజ్, థైరాయిడ్, హైబీపీ, డయాబిటీస్ లాంటి సమస్యలు ఉంటే

ఎలా తెలుసుకోవచ్చంటే..

మీ లక్షణాల ద్వారా, మీ మెడికల్ హిస్టరీ ద్వారా, ఫిజికల్ ఎగ్జామ్‌తో మీ డాక్టర్ మీకు గౌట్ ఉందో లేదో నిర్ధారిస్తారు. యూరిక్ యాసిడ్ టెస్ట్, మీ జాయింట్ ఎక్స్-రే కూడా సాయం చేస్తాయి.

Also Read : భార్యలు సెక్స్ విషయంలో ఇవే ఎక్స్‌పెక్ట్ చేస్తారు

ట్రీట్‌మెంట్..

గౌట్ ని వెంటనే ట్రీట్ చేయకపోతే అది ఆర్థ్రైటిస్ గా మారుతుంది. దీని వల్ల జాయింట్స్ పర్మినెంట్‌గా డామేజ్ అయిపోతాయి. మీ గౌట్ లక్షణాలను బట్టీ, తీవ్రతను బట్టీ, మీ డాక్టర్ ట్రీట్‌మెంట్ చేస్తారు. దీని వల్ల ప్రస్తుతం వాపూ, నొప్పీ తగ్గడమే కాకుండా యూరిక్ ఆసిడ్ లెవెల్ తగ్గి ఫ్యూచర్ లో కూడా ఈ ఎటాక్స్ రాకుండా ఉంటాయి.

మందులతో పాటూ కొన్ని జీవనశైలి మార్పులు కూడా అవసరం అవుతాయి. అవి స్మోకింగ్ మానేయట, ఆల్కహాల్ తీసుకోవడం తగ్గించడం, బరువు తగ్గడం వంటివి.

గౌట్ ని కలిగించే ఆహార పదార్ధాలు

కొన్ని ఆహార పదార్ధాలలో ప్యూరీన్స్ ఎక్కువగా ఉంటాయి. కొంతమందికి వీటితో ప్రాబ్లం లేకపోయినా బాడీ యూరిక్ ఆసిడ్ ని బయటికి పంపించలేనప్పుడు ఈ ఫుడ్స్ హాని చేస్తాయి. రెడ్ మీట్, ఆర్గన్ మీట్, ఆల్కహాల్, కొన్ని రకాల సీ ఫుడ్స్, షుగర్ ఎక్కువున్న ఫుడ్స్ లాంటివి అవాయిడ్ చేయడం మంచిది.

హోం రెమిడీస్

మెగ్నీషియం అధికంగా ఉన్న ఆహార పదార్ధాలూ, అల్లం, యాపిల్ సైడర్ వెనిగర్, సెలెరీ, టార్ట్ చెర్రీస్ వంటి ఆహార పదార్ధాలు బాడీలో పేరుకున్న యూరిక్ ఆసిడ్ లెవెల్స్ని తగ్గిస్తాయి.

సర్జరీ అవసరమా?

గౌటు కి సాధారణంగా సర్జరీ అవసరం ఉండదు. కానీ, కొన్ని ఏళ్ళ తరవాత ఇది జాయింట్స్ ని డ్యామేజ్ చెయ్యవచ్చు. టోఫస్ ఏర్పడితే సర్జరీ ద్వారానే దాన్ని రిమూవ్ చేయాల్సి రావచ్చు.

సమస్యని తగ్గించొచ్చా..

జీవనశైలి లో కొన్ని మార్పుల వల్ల గౌట్ రాకుండా చూసుకోవచ్చు. అవి
– ఆల్కహాల్ తగ్గించడం
– ప్యూరీన్-రిచ్ ఫుడ్ తగ్గించడం
– ఆకుకూరలూ, కూరగాయలూ ఎక్కువ తీసుకోడం
– బరువు తగ్గడం
– స్మోకింగ్ అలవాటు పూర్తిగా మానేయడం
– రెగ్యులర్ గా ఎక్సర్సైజ్ చేయడం
– సరిపడా నీరు తీసుకోవడం

Also Read : ఏబీసీ జ్యూస్ అంటే తెలుసా.. దీని వల్ల కలిగే లాభాలు తెలిస్తే అస్సలు వదిలిపెట్టరు..

గౌట్ కి ఎస్సెన్షియల్ ఆయిల్స్ వాడచ్చా?

ఎస్సెన్షియల్ ఆయిల్స్ ని అరోమా థెరపీ లో వాడతారు. ఈ ఆయిల్స్ యాంటీ-ఇంఫ్లమేటరీ, యాంటీ-బాక్టిరియల్ గుణాలు కలిగి ఉంటాయంటారు. ఈ ఆయిల్స్ వాడకం వలన నొప్పి కూడా తగ్గుతుందని అంటారు. గౌట్‌ని ట్రీట్ చెయ్యడంలో వాడే ఎస్సెన్షియల్ ఆయిల్స్:
– లెమన్ గ్రాస్ ఆయిల్
– సెలెరీ సీడ్ ఆయిల్
– యారో ఐయిల్ ఎక్స్ట్రాక్ట్
– ఆలివ్ లీఫ్ ఎక్స్ట్రాక్ట్
– చైనీస్ సినమన్

ఈ ఆయిల్స్‌ని వాసన చూడచ్చు, కొంచెం డైల్యూట్ చేసి స్కిన్ మీద రాసుకోవచ్చు. వాటిని డైరెక్ట్ గా నోట్లో పెట్టుకోకూడదు. అది చాలా ప్రమాదకరం.

వీటిని వాడే ముందు ఒకసారి మీ డాక్టర్ ని సంప్రదించడం మంచిది.

వారసత్వం గా వస్తుందా?

గౌటు కొంత వరకైనా వారసత్వంగా వస్తుంది. కుటుంబం లో ఎవరికైనా గౌటు ఉంటే ఇంకొకరికి కూడా వచ్చే అవకాశం ఎక్కువ. అయితే, ఈ సమస్య కేవలం వారసత్వం వల్లే వస్తుంది అని కూడా అనలేం.



Source link

Leave a Reply

Your email address will not be published. Required fields are marked *