gudivada sister looty: గుడివాడలో దోపిడీ.. అన్నపై అసూయతో చెల్లెలి గ్యాంగ్.. – sister loots brother’s house with gang in krishna district


అన్న ఎదుగుదలను చూసి ఓర్వలేకపోయిన చెల్లెలు దారుణానికి ఒడిగట్టింది. అసూయతో సోదరుడి ఇంటికే కన్నమేసింది. ఆస్తి అమ్మగా వచ్చిన డబ్బును కొట్టేసి అన్న పతనం చూడాలనుకుని క్రిమినల్స్‌తో చేతులు కలిపింది. దొంగల ముఠాతో బెదిరించి మరీ దోపిడీ చేసింది. చివరికి పోలీసుల చేతికి చిక్కి జైలుపాలైంది. ఈ దారుణ ఘటన కృష్ణా జిల్లాలో చోటుచేసుకుంది.

జిల్లాలోని గుడివాడ, ధనియాలపేటకి చెందిన నాగరాజు ఇటీవల స్థలం అమ్మగా సుమారు పది లక్షలు నగదు వచ్చింది. ఆ డబ్బు ఇంట్లోనే ఉందని తెలియడంతో అతని పిన్ని కూతురు కుమారి కన్ను పడింది. అన్న ఎదుగుదలని చూసి ఓర్వలేని చెల్లెలు.. ఇంటికి కన్నం వేసేందుకు ప్లాన్ చేసింది. అన్న ఇంట్లో దోపిడీకి పాత నేరస్తులతో ముఠాను ఏర్పాటు చేసింది. అదనుచూసి అన్న ఇంటిపై విరుచుకుపడింది.

Also Read: పగబట్టిన ‘పండు’ని తల్లే రెచ్చగొట్టిందా? బెజవాడ్ గ్యాంగ్‌వార్‌లో తవ్వేకొద్దీ సంచలనాలు

తనను ఎవరూ గుర్తు పట్టకుండా దొంగల ముఠాతో కలసి అన్న ఇంటికెళ్లి కాలింగ్ బెల్ కొట్టి బయటికి పిలిచింది. అనంతరం ముఠా సభ్యులు ఒక్కసారిగా లోపలికి చొరబడి కుటుంబ సభ్యులను బెదిరించి దోపిడీకి పాల్పడ్డారు. ఇంట్లో ఉన్న పది లక్షల నగదుతో పాటు బంగారం అపహరించి పరారయ్యారు. ఈ ఘటనపై కేసు నమోదు చేసిన పోలీసులు సీసీ కెమెరాల ఆధారంగా నిందితులను గుర్తించి అదుపులోకి తీసుకున్నారు. చెల్లెలు కుమారితో సహా ఆరుగురు ముఠా సభ్యులను అరెస్టు చేసి విచారణ జరుపుతున్నారు.

Read Also: బావ కోసం పిచ్చెక్కిపోయిన అక్క.. సొంత తమ్ముడిపైనే దారుణం



Source link

Leave a Reply

Your email address will not be published. Required fields are marked *