gujarat congress mla resign: కాంగ్రెస్ పార్టీలో కల్లోలం.. ఎన్నికల వేళ మరో ఎమ్మెల్యే రాజీనామా – one more congress party mla resigns amid of rajya sabha elections


రాబోయే రాజ్యసభ ఎన్నికల్లో కనీసం సిట్టింగ్‌ స్థానాల్లో అయినా గెలవాలని భావిస్తున్న కాంగ్రెస్ పార్టీకి గట్టి షాక్‌లు తగులుతున్నాయి. తొలుత మార్చిలో రాజ్యసభ ఎన్నికల ప్రకటన వెలువడిన వెంటనే ఐదుగురు గుజరాత్‌ కాంగ్రెస్‌ ఎమ్మెల్యేలు రాజీనామా చేయగా, తాజా ప్రకటన రాగానే మరో ఇద్దరు రాజీనామా సమర్పించారు. కాంగ్రెస్‌ ఎమ్మెల్యేలు ఆక్షయ్‌ పటేల్, జితు చౌధరి గురువారం తనకు రాజీనామా పత్రాలు ఇచ్చారని అసెంబ్లీ స్పీకర్‌ రాజేంద్ర త్రివేదీ ప్రకటించారు. ఈ షాక్‌ నుంచి తేరుకోకముందు హస్తం పార్టీకి మరో ఎమ్మెల్యే ఝలక్ ఇచ్చారు.

కాంగ్రెస్ పార్టీ సీనియర్‌ నేత బ్రిజేష్‌ మీర్జా రాజీనామా చేస్తున్నట్లు శుక్రవారం మధ్యాహ్నం ప్రకటించారు. దీంతో కాంగ్రెస్ పార్టీకి కోలుకోలేని దెబ్బ తగిలినట్లయింది. కాగా, గుజరాత్‌లో నాలుగు రాజ్యసభ స్థానాలకు ఈ నెల 19న ఎన్నికలు నిర్వహించనున్న విషయం తెలిసిందే. అసెంబ్లీలో మొత్తం సభ్యుల సంఖ్య 182 కాగా, అధికార బీజేపీకి 103 మంది ఎమ్మెల్యేలున్నారు. కాంగ్రెస్‌ పార్టీకి 73 ఎమ్మెల్యేలు ఉండగా, 8 మంది రాజీనామాతో ఆ సంఖ్య 65కి పడిపోయింది.

దీంతో నాలుగు స్థానాల్లో కనీసం రెండు రాజ్యసబ స్థానాలైనా గెలవాలని భావిస్తున్న కాంగ్రెస్‌ పార్టీ ప్రయత్నాలకు అధికార బీజేపీ గండికొట్టింది. తాజా పరిణామాలతో బీజేపీ మూడు స్థానాలను కైవసం చేసుకునే అవకాశం ఉంది. ముందస్తు ప్రణాళికలో భాగంగానే రాజ్యసభ ఎన్నికల్లో బీజేపీ ముగ్గురు అభ్యర్థులను నిలిపింది. కాగా, ఎమ్మెల్యేల రాజీనామాల వెనుక బీజేపీ నేతల ఒత్తిడి ఉందని ప్రతిపక్ష కాంగ్రెస్‌ పార్టీ ఆరోపిస్తోంది. రెండు స్థానాలు గెలిచే సంఖ్యా బలం తమకు ఉన్నా.. కుట్రపూరితంగానే తమ ఎమ్మెల్యేల చేత బలవంతంగా రాజీనామాలు చేయిస్తున్నారని ఆ పార్టీ నేతలు మండిపడుతున్నారు.



Source link

Leave a Reply

Your email address will not be published. Required fields are marked *