gujarat illegal affair: అక్కతోనే ఉండమన్నందుకు.. బావమరిదిని పొడిచేసిన బావ – man stabs brother-in-law for giving advice in ahmedabad


బావ వివాహేతర సంబంధం బావమరిది చావుకొచ్చింది. కోపంతో బావ స్క్రూడ్రైవర్‌తో పొడిచేయడంతో ఆస్పత్రి పాలయ్యాడు. ఈ దారుణ ఘటన గుజరాత్‌లోని అహ్మదాబాద్‌లో చోటుచేసుకుంది. నగరంలోని ఫతేవాడి ఏరియాకి చెందిన ఇమ్రాన్‌ ఖాన్‌కి సమీనాబానుతో 16 ఏళ్ల కిందట వివాహమైంది. వారికి ఇద్దరు కొడుకులు సంతానం. పెళ్లైన కొత్తలో ఇమ్రాన్ కుటుంబం పట్ల బాధ్యతగానే ఉండేవాడు. మూడేళ్ల పాటు కాపురం సాఫీగా సాగిపోయింది. అనంతరం కలహాలు మొదలయ్యాయి.

ఇమ్రాన్ మరో మహిళతో వివాహేతర సంబంధం పెట్టుకున్నాడు. అది భార్య సమీనాకి తెలిసిపోవడంతో ఇద్దరి మధ్య గొడవలు మొదలయ్యాయి. దీంతో ఇమ్రాన్ తరచూ భార్యని కొడుతూ ఉండేవాడు. మౌనంగా భరించిన సమీనా.. భర్త వేధింపులు ఎక్కువవడంతో భరించలేకపోయింది. నీతో వేగలేనని తెగేసి చెప్పి కొద్దిరోజుల కిందట పుట్టింటికి వెళ్లిపోయింది.

అలిగి వెళ్లిపోయిన భార్యను వెనక్కి తెచ్చుకునేందుకు ఇమ్రాన్ ఆమె పుట్టింటికి వెళ్లాడు. అక్కడ కూడా భార్యాభర్తల గొడవపడ్డారు. అక్క, బావ ఘర్షణ పడుతుండడంతో సమీనా సోదరుడు జుబేర్ కల్పించుకున్నాడు. వివాహేతర సంబంధం వదిలేయాలని బావకు నచ్చజెప్పే ప్రయత్నం చేశాడు. దీంతో బావమరిదిపై ఆగ్రహంతో ఊగిపోతూ స్క్రూడ్రైవర్ తీసుకుని పొట్టలో పొడిచేశాడు.

Also Read: గోడతొలుస్తూ గొంతు కోసేసిన కట్టర్.. ఆర్టీసీ డ్రైవర్ మృతి.. చిత్తూరులో విషాదం

జుబేర్‌కి తీవ్రగాయాలు కావడంతో వెంటనే కుటుంబ సభ్యులు ఆస్పత్రికి తరలించారు. ప్రస్తుతం చికిత్స పొందుతున్నాడు. భార్య సమీనా ఫిర్యాదు మేరకు పోలీసులు కేసు నమోదు చేశారు. గృహ హింస కేసుతో పాటు దాడి కేసు నమోదు చేసి దర్యాప్తు చేపట్టారు. నిందితుడిని అరెస్టు చేసి కటకటాల వెనక్కినెట్టారు.

Read Also: ఎస్సైపై చేయిచేసుకుని.. గుంటూరులో స్థానికుల వీరంగం



Source link

Leave a Reply

Your email address will not be published. Required fields are marked *