gujarat techie suicide: ఇంటి నుంచి పని భరించలేక ఉరేసుకున్న టెకీ – gujarat man hangs self to death due to work from home stress


రోనా సంక్షోభ కాలంలో తరచూ వినిపిస్తున్న మాట వర్క్ ఫ్రమ్ హోమ్. వైరస్ భయంతో ఆఫీస్‌కు వెళ్లే పరిస్థితి లేకపోయినా.. కంపెనీల ప్రొడక్టివిటీ ఏమాత్రం తగ్గకపోగా.. కొన్ని కంపెనీల ప్రొడక్టివిటీ మరింత పెరిగింది. అంతేకాకుండా వాటికి మెయింటెనెన్స్ ఖర్చులు కూడా బాగా తగ్గాయి. దీంతో Work From Home పొడిగిస్తూ చాలా సంస్థలు నిర్ణయం తీసుకుంటున్నాయి. అమెజాన్ తమ ఉద్యోగులకు 2021 జూన్ వరకు ఇంటి నుంచే పనిచేసే అవకాశం కల్పించింది. అయితే.. దీర్ఘకాలంగా ఇంటి నుంచి పనిచేయడం ఉద్యోగులపై ప్రతికూల ప్రభావం చూపే ప్రమాదం ఉన్నట్లు కనిపిస్తోంది. గుజరాత్‌లో జరిగిన ఘటన ఇలాంటి అనుమానాలకు తావిస్తోంది.

గుజరాత్‌లోని అదాజన్‌కు చెందిన జిగర్‌ గాంధీ అనే 32 ఏళ్ల యువకుడు తన ఇంట్లో ఉరేసుకొని ఆత్మహత్య చేసుకున్నాడు. అతడు నోయిడాలో ఓ ప్రముఖ కంపెనీలో మూడేళ్లుగా పని చేస్తున్నాడు. లాక్‌డౌన్ నేపథ్యంలో కొన్ని నెలలుగా ఇంటి నుంచే విధులు నిర్వహిస్తున్నాడు. మంగళవారం (అక్టోబర్ 20) రాత్రి అతడు ఆత్మహత్య చేసుకున్నాడు. దీంతో అతడి కుటుంబంలో తీవ్ర విషాదం నెలకొంది.

జిగర్ గాంధీ గత కొన్ని రోజులుగా వర్క్ ఫ్రమ్ హోమ్‌తో తీవ్ర ఒత్తిడికి గురవుతున్నాడని కుటుంబసభ్యులు తెలిపారు. పని ఒత్తిడి కారణంగా కొన్ని రోజులుగా ముభావంగా ఉంటున్నట్లు వారు తెలిపారు. ఈ ఒత్తిడి గురించి తమతో పలుమార్లు చర్చించాడని చెప్పారు. ఈ క్రమంలో మంగళవారం అతడు తన ఇంట్లో ఉరేసుకొని బలవన్మరణానికి పాల్పడ్డాడు. పై అంతస్తులోని తన గదికి వెళ్లే మెట్లా మార్గానికి ఉరేసుకొని ఆత్మహత్య చేసుకున్నట్లు కుటుంబ సభ్యులు తెలిపారు.

జిగర్ గాంధీకి వివాహం చేయాలని కుటుంబసభ్యులు భావిస్తున్నారు. ఓ అమ్మాయితో నిశ్చితార్థానికి కూడా నిర్ణయించారు. డిసెంబర్‌లో ఎంగేజ్‌మెంట్ జరగాల్సి ఉండగా ఈ విషాదం చోటు చేసుకుంది. ఘటనపై సమాచారం అందుకున్న పోలీసులు కేసు నమోదు చేసుకొని దర్యాప్తు చేస్తున్నారు.

వర్క్ ఫ్రమ్ హోమ్ ఎక్కువ రోజులు కొనసాగితే ప్రతికూల ప్రభావం చూపే ప్రమాదం ఉందని మానసిక నిపుణులు హెచ్చరిస్తున్నారు. అలాంటి ఉద్యోగులను గుర్తించి తగిన చర్యలు చేపట్టాలని సూచిస్తున్నారు. అయితే.. ఈ ఘటనలో బాధితుడు ఆత్మహత్య చేసుకోవడానికి ఇతర కారణాలు కూడా ఉండొచ్చునని మరి కొంత మంది వాదన.

Also Read:ఆక్స్‌ఫర్డ్ ట్రయల్స్: మరణించిన ఆ వాలంటీర్‌కు టీకా వేయలేదు!

Don’t Miss:కరోనాతో కంటిచూపు కోల్పోయిన అమ్మాయి.. దేశంలో తొలి కేసు

Also Read:ప్రభుత్వ ఉద్యోగులకు కేంద్రం దసరా గిఫ్ట్



Source link

Leave a Reply

Your email address will not be published. Required fields are marked *