gujarat woman harassed: ప్రియురాలిని ఇంటికి తెచ్చుకుంటానన్న భర్త.. భార్య ఒప్పుకోలేదని.. – husband forces wife to accept extramarital affair in gujarat


ప్రియురాలిని ఇంటి తెచ్చేందుకు నిరాకరించిందని కట్టుకున్న భార్యని దారుణంగా కొట్టి హింసించిన అమానుష ఘటన గుజరాత్‌లోని చోటుచేసుకుంది. ఖేదా జిల్లా మతర్ తాలూకా సిజ్వాడా గ్రామానికి చెందిన ఓ ప్రైవేట్ బ్యాంకు ఉద్యోగికి గతంలోనే వివాహమైంది. నడియాద్ పట్టణానికి చెందిన మరో మహిళతో వివాహేతర సంబంధం పెట్టుకున్న భర్త.. సవతిని ఏకంగా ఇంటికి తీసుకొచ్చేందుకు సిద్ధమయ్యాడు.

ప్రియురాలిని కూడా ఇంటికే తెస్తానని.. ముగ్గురం ఒకే ఇంట్లో ఉందామంటూ భర్త చెప్పడంతో షాక్‌కి గురైంది. తన ప్రియురాలితో ఫోన్‌లో మాట్లాడాలంటూ వేధింపులకు గురిచేశాడు. సవతి ఇంటికొచ్చేందుకు భార్య ససేమిరా ఒప్పుకోకపోవడంతో తీవ్ర ఆగ్రహం చెందిన భర్త ఆమెను దారుణంగా కొట్టి హింసించాడు. ప్రస్తుతం గర్భవతిగా ఉన్న భార్య కాన్పు కోసం పుట్టింటికి వెళ్లింది.

Also Read: ప్రేమపేరుతో పాస్టర్ పాడుపని.. యువతిని గర్భవతిని చేసి.. మోజు తీరాక..

రెగ్యులర్ చెకప్‌కి తీసుకెళ్లాలని భార్య కోరడంతో అత్తింటికి వెళ్లిన భర్త.. ఆమెను ఆస్పత్రికని చెప్పి మరోచోటకు తీసుకెళ్లాడు. అక్కడ తీవ్రంగా కొట్టి బలవంతంగా పేపర్ల మీద సంతకాలు చేయించుకున్నాడు. తన ప్రియురాలితో కలసి ఉండేందుకు అంగీకారపత్రంపై సంతకాలు చేయించాడు. అబార్షన్ చేయించుకోవాలని భార్యపై ఒత్తిడి చేశాడు.

భర్త వేధింపులు భరించలేకపోయిన భార్య పోలీసులను ఆశ్రయించడంతో విషయం వెలుగులోకి వచ్చింది. తన ప్రియురాలిని ఇంటికి తీసుకొస్తానని.. ఆమెను రానివ్వకపోతే ఆత్మహత్య చేసుకుంటానని బెదిరించేవాడని ఫిర్యాదులో పేర్కొంది. కేసు నమోదు చేసిన పోలీసులు విచారణ చేపట్టారు.

Read Also: వీడియో కాల్స్‌లో శృంగారం.. రూటుమార్చిన సెక్స్ వర్కర్లు



Source link

Leave a Reply

Your email address will not be published. Required fields are marked *