guntur man suicide: గుంటూరులో దారుణం.. అద్దె కోసం వేధింపులు.. భరించలేక చిరువ్యాపారి.. – man commits suicide over house owner harassment for rent in guntur


ఏపీలోని గుంటూరు జిల్లాలో కరోనా పాజిటివ్ కేసులు భారీగా నమోదవుతున్నాయి. దాదాపుగా నగరంలోని చాలా ప్రాంతాలు కంటెన్మెంట్ జోన్‌లో ఉన్నాయి. మిగిలిన ప్రాంతాలను రెడ్‌జోన్‌‌గా ప్రకటించి అధికారులు కరోనా నియంత్రణకు కఠిన నిబంధనలు అమలు చేస్తున్నారు. లాక్‌డౌన్ కారణంగా సుమారు రెండు నెలలకు పైగానే నగరంలోని దుకాణాలు, చిరువ్యాపారాలు మూతపడ్డాయి. దీంతో చాలా మంది చిరువ్యాపారుల బతుకులు దుర్భరంగా మారాయి. కుటుంబం గడవని దారుణ పరిస్థితులు దాపురించాయి.

లాక్‌డౌన్ చిరువ్యాపారి పాలిట శాపంగా మారింది. నగరంలో కరోనా పాజిటివ్ కేసులు ఎక్కువగా ఉండడంతో వ్యాపారాలకు అనుమతి లేదు. దీంతో ఇంటి అద్దె కట్టలేకపోయిన ఓ వ్యాపారిని యజమాని వేధింపులకు గురిచేయడంతో ఆత్మహత్య చేసుకుని చనిపోయిన విషాద ఘటన చోటుచేసుకుంది. అరండల్‌పేట పరిధిలోని వెంగయ్య నగర్ ఒకటో లైనులో నివాసముంటున్న జాన్‌బాబు(29) కొత్తపేట ప్రాంతంలో నూడిల్స్ బండి పెట్టుకుని జీవనం సాగిస్తున్నాడు.

Also Read: కోవిడ్ ఆస్పత్రిలో కామపిశాచి.. లేడీ డాక్టర్ నోరుమూసి.. దారుణం

కరోనా లాక్‌డౌన్ కారణంగా సుమారు రెండున్నర నెలలుగా వ్యాపారం లేకపోవడంతో ఇంటి అద్దె చెల్లించలేకపోయాడు. అద్దె కట్టకపోతే ఇల్లు ఖాళీ చేయాలని యజమానులు ఒత్తిడి చేయడంతో మారుతీనగర్‌లో అత్తగారింటికి వెళ్లేందుకు సిద్ధమయ్యాడు. కొంతసామాను కూడా తరలించినట్లు తెలుస్తోంది. అయితే ఇంటి అద్దె తక్షణమే చెల్లించి ఖాళీ చేసి వెళ్లాలని యజమాని, అతని కుటుంబ సభ్యులు తీవ్రంగా దూషించడంతో జాన్‌బాబు మనస్థాపానికి గురయ్యాడు.

Read Also: వీఆర్‌ఏ భార్యపై కన్నేసిన వీఆర్వో.. కోరిక తీర్చాలంటూ.. కరీంనగర్‌లో కలకలం

ఉదయాన్నే భార్యని కూడా మారుతీనగర్‌లోని అత్తింట్లో వదిలిపెట్టి వచ్చాడు. అనంతరం ఇంట్లో చీరతో ఉరి వేసుకుని ఆత్మహత్య చేసుకున్నాడు. ఇంటి యజమాని వేధింపులతోనే ఆత్మహత్య చేసుకుంటున్నట్ల రాసి పెట్టిన సూసైడ్ నోట్‌ను పోలీసులు స్వాధీనం చేసుకున్నారు. ఇంటి యజమాని మోహనరావు, అతని తమ్ముడు బుజ్జి, చెల్లెలు నిర్మల అద్దె చెల్లించాలంటూ తీవ్రంగా దూషించారని.. మనస్థాపంతో ఆత్మహత్య చేసుకుంటున్నట్లు రాసినట్లు సమాచారం. అరండల్‌పేట పోలీసులు కేసు నమోదు చేసి దర్యాప్తు చేస్తున్నారు.

Also Read: మరిదితో వదిన రాసలీలలు.. భర్తకి దొరికిపోవడంతో..



Source link

Leave a Reply

Your email address will not be published. Required fields are marked *