Guntur Quarantine Centre Attack: గుంటూరు: క్వారంటైన్ సెంటర్ తొలగించాలని పోలీసులపై రాళ్ల దాడి.. తీవ్ర ఉద్రిక్తత – villagers stone pelting on police due to demands remove to quarantine centre in village, high tension in guntur


గుంటూరు జిల్లా తాడేపల్లి మండలం గుండిమెడలో తీవ్ర ఉద్రిక్త పరిస్థితులు నెలకొన్నాయి. కరోనా వైరస్ బాధితుల కోసం గుండిమెడలో క్వారంటైన్‌ సెంటర్‌ ఏర్పాటు చేశారు. కరోనా లక్షణాలు ఉన్న 30 మందిని పోలీసులు క్వారంటైన్‌ సెంటర్‌కు తీసుకెళ్లారు. అయితే దీనిపై గ్రామస్తులు తీవ్ర అభ్యంతరం వ్యక్తం చేశారు. తమ ఊరిలో క్వారంటైన్‌ సెంటర్‌ వద్దని పోలీసులను అడ్డుకున్నారు. దీంతో పోలీసులు, గ్రామస్తుల మధ్య ఘర్షణ జరిగింది.

కోపోద్రిక్తులైన గ్రామస్తులు పోలీసులపై రాళ్ల దాడికి దిగారు. ఈ దాడిలో పోలీసులు, పలువురు కరోనా బాధితులకు గాయాలయ్యాయి. ఈ ఘటనతో గ్రామమంతా ఒక్కసారిగా వేడెక్కింది. విషయం తెలుసుకున్న ఉన్నతాధికారులు పరిస్థితిని సమీక్షిస్తున్నారు.

క్వారంటైన్‌ సెంటర్‌ను తొలగించాలని ఘర్షణకు దిగింది టీడీపీ కార్యకర్తలేనని అధికార వైసీపీ నేతలు ఆరోపిస్తున్నారు. టీడీపీ నేత కొమ్మారెడ్డి కిరణ్‌ ఆధ్వర్యంలో క్వారంటైన్‌ సెంటర్‌ను ముట్టడించారని పేర్కొన్నారు. అయితే ఈ ఘటనకు సంబంధించి పూర్తి వివరాలు తెలియాల్సి ఉంది.



Source link

Leave a Reply

Your email address will not be published. Required fields are marked *