gwalior fire accident: గ్వాలియర్: ఘోర అగ్ని ప్రమాదం.. ఒకే కుటుంబానికి చెందిన ఏడుగురు సజీవదహనం – seven form one family killed in fire at shop-cum-residential complex in madhya pradesh


మధ్యప్రదేశ్‌లో సోమవారం ఘోర అగ్ని ప్రమాదం చోటుచేసుకుంది. గ్వాలియన్ నగరంలో షాప్ కమ్ రెసిడెన్సియల్ కాంప్లెక్స్‌లో మంటలు చెలరేగి ఏడుగురు మృతిచెందారు. వీరిలో నలుగురు చిన్నారులు, ముగ్గురు మహిళలు ఉన్నారు. ఈ ప్రమాదంలో మరో నలుగురు గాయపడ్డారు. వీరంతా ఒకే కుటుంబానికి చెందినవారిగా గుర్తించారు. రోషినిగఢ్ రోడ్డులోని ఇందేర్‌గంజ్ ప్రాంతంలో ఈ ప్రమాదం సంభవించింది. ఉదయం 10 గంటల ప్రాంతంలో తొలుత ఓ పెయింట్ షాప్‌లో మంటలు చెలరేగి, చుట్టుపక్కల ప్రాంతాలకు వ్యాపించినట్టు ఎస్పీ సత్యేంద్ర సింగ్ తోమర్ తెలిపారు.

Read Also: ఒబామా ఓ అసమర్ధ అధ్యక్షుడు.. అంతకన్నా ఏం చెప్పలేను: ట్రంప్ సంచలన వ్యాఖ్యలు

పెయింట్స్ వల్ల మంటల వేగంగా వ్యాపించినట్టు అధికారులు తెలిపారు. మంటలు కింది అంతస్థులో మొదలై రెండో అంతస్థులోకి వ్యాపించి, అందులో ఉన్న రెండు కుటుంబాలకు చెందిన వ్యక్తులు తీవ్రంగా గాయపడ్డారు. వీరిలో ఏడుగురు ప్రాణాలు కోల్పోయారని అధికారులు పేర్కొన్నారు. గాయపడిన మరో నలుగురి పరిస్థితి విషమంగా ఉందని వివరించారు.

Read Also: మరింత భయపెడుతున్న అంఫన్.. నేటి సాయంత్రం సూపర్ సైక్లోన్‌గా
జగ్‌మోహన్ గోయల్, జైకిషన్ గోయల్, హరిఓమ్ గోయల్ అనే ముగ్గురు అన్నదమ్ములు పెయింటింగ్ షాప్ నడుపుతున్నారని, బాధితులు కూడా వారి కుటుంబాలకు చెందిన వ్యక్తులేనని అధికారులు తెలిపారు. ప్రమాదం గురించి సమాచారం అందుకున్న అగ్నిమాపక సిబ్బంది ఘటనా స్థలికి చేరుకుని సహాయక చర్యలు చేపట్టారు. అగ్నిమాపక సిబ్బంది దాదాపు రెండు గంటల తీవ్రంగా శ్రమించి మంటలను అదుపులోకి తెచ్చారు. ప్రమాదం ఎలా జరిగిందో తెలిసిరాలేదని పోలీసులు తెలిపారు. అయితే, కేసు నమోదుచేసి ప్రమాదానికి గల కారణాలపై ఆరా తీస్తున్నామని తెలిపారు.

Read Also: Covid Origin Probe కరోనా పుట్టుకపై దర్యాప్తు.. ప్రపంచ దేశాల తీర్మానానికి భారత్ మద్దతు
మృతులను ఆర్యన్ (10), శుభి (13), ఆర్తి (37), శకుంతల (60), ఆరాధ్య (4), ప్రియాంక (35)లుగా గుర్తించారు. హాస్పిటల్‌లో చికిత్స పొందుతున్న హరిఓమ్ (50), సాకేత్ (36), గౌర్వీ (7) పరిస్థితి విషమంగా ఉంది. ప్రమాదం జరిగిన భవనంలో మొత్తం 25 మంది ఉన్నట్టు అధికారులు తెలిపారు. ఘటనా స్థలంలోనే ఐదుగురు ప్రాణాలు కోల్పోగా.. ఇద్దరు హాస్పిటల్‌లో చికిత్స పొందుతూ ప్రాణాలు కోల్పోయారని వెల్లడించారు. జిల్లా కలెక్టర్ కౌశలేంద్ర విక్రమ్ సింగ్, ఎస్పీ నవనీత్ బిషన్ ప్రమాదం జరిగిన ప్రాంతానికి చేరుకుని పరిస్థితిని సమీక్షిస్తున్నారు. మొత్తం పది అగ్నిమాపక యంత్రాల సాయంతో మంటలను అదుపుచేసినట్టు అధికారులు పేర్కొన్నారు.

samayam telugu



Source link

Leave a Reply

Your email address will not be published. Required fields are marked *