hair care tips: జుట్టు రాలుతోందా? ఈ టిప్స్ ప్రయత్నించండి – top 12 natural ways for great hair


క వయస్సు వచ్చిన తర్వాత జుట్టు.. ఊడిపోతూ మానసిక ఆందోళనకు గురిచేస్తుంది. ముఖ్యంగా పురుషుల్లో ఈ సమస్య ముందే పలకరిస్తుంది. దీంతో చాలా మందికి చిన్న వయస్సులోనే బట్టతల వచ్చేస్తోంది. జుట్టు రాలడానికి ఎన్నో కారణాలు ఉంటాయి. కాలుష్యం కావచ్చు, ఆరోగ్య సమస్యలు కావచ్చు.. అపరిశుభ్రత కావచ్చు.. లేదా మితిమీరిన ఫ్యాషన్ పోకడలు కావచ్చు.. ఇలా ఏదో ఒక కారణం జుట్టు రాలేందుకు దారి తీస్తాయి. జుట్టు రాలడాన్ని అరికట్టాలంటే మనం ఎంతో జాగ్రత్తగా ఉండాలి. ఈ నేపథ్యంలో ముంబయికి చెందిన హెయిర్ రిస్టోరేషన్ స్పెషలిస్ట్ స్కిన్ సర్జన్ డాక్టర్ సందీప్ చెప్పిన కొన్ని సహజ పద్ధతులను ప్రయత్నించి చూడండి. ఈ టిప్స్ వల్ల కొంతవరకైనా జుట్టు రాలే సమస్యను తగ్గించవచ్చు.

01. హెయిర్ ఎయిర్ డ్రై వద్దు: జుట్టు త్వరగా ఆరాలని చాలామంది బ్లో డ్రైయర్, హట్ రోలర్లను ఉపయోగిస్తున్నారు. దీనివల్ల జుట్టు పెళుసుగా మారుతుంది. వీటిని అత్యవసర పరిస్థితుల్లో మాత్రమే వాడండి. అదేపనిగా వాడితే జుట్టు పొడిబారిపోయి చింపిరిగా కనిపించవచ్చు.

02. బలమైన జుట్టు కావాలంటే..: మీ తలకు సరిపడేంత బాదం నూనెను గిన్నెలో తీసుకుని కాసేపు వేడి చేయండి. చల్లారిన తర్వాత జుట్టుకు రాసుకుని నెమ్మదిగా మర్దనా చేయండి. అరగంట తర్వాత చల్లటి నీరు, షాంపూ, కండీషనర్‌తో శుభ్రం చేయండి.

03. స్విమ్మింగ్ పూల్స్ దిగేప్పుడు..: స్విమ్మింగ్ పూల్‌లో ఎక్కువసేపు గడపడం కూడా జుట్టుకు హానికరమే. కాబట్టి.. ముందుగా జుట్టుకు కండీషనర్ రాసుకుని పూల్స్‌లోకి దిగండి.

04. జుట్టును బిగించి కట్టొద్దు: జుట్టును చాలా సుకుమారంగా చూసుకోవాలి. దాన్ని ఇష్టానుసారంగా బిగించి కడితే.. కుదళ్లు వదులుగా మారిపోయి హెయిర్ ఫాల్ తీవ్రం అవుతుంది. వదులుగా వదిలేయడమే మంచిది.

05. దువ్వేప్పుడు జాగ్రత్త: ఇటీవల ఎలక్ట్రికల్ కోంబ్స్ వాడేవారి సంఖ్య పెరిగింది. వీటికి దూరంగా ఉండటమే బెటర్. జుట్టు తడిగా ఉన్నప్పుడు అస్సలు దువ్వకూడదు. అలా చేస్తే కుచ్చులుగా ఊడిపోతుంది.

06. బీరుతో మాయిశ్చరైజేషన్: తడి జుట్టుపై కొంచెం బీర్ పోసి రుద్దండి. 20 నిమిషాలు తర్వాత బీర్ వాసన పోయే వరకు బాగా కడకండి. ఇలా చేయడం వల్ల మీ జుట్టు మృదువుగా మారవచ్చు.

07. గుడ్డుతో మీ జుట్టు గుడ్: మీ జుట్టు పొడిబారినట్లుగా అనిపిస్తున్నట్లయితే.. గుడ్డును ఉపయోగించి చూడండి. ఒక హాప్ కప్ నిండా గుడ్డులోని తెల్ల సొనను తీసుకుని జుట్టుకు రాసుకోండి. 20 నిమిషాల తర్వాత చల్లటి నీటితో శుభ్రం చేసుకోండి.

08. జుట్టును శుభ్రంగా ఉంచుకోవాలి: చుండ్రు, దురద సమస్యల వల్ల జుట్టు ఎక్కువగా రాలుతుంది. కాబట్టి.. జుట్టును ఎప్పడూ పరిశుభ్రంగా ఉంచుకోవాలి. దుమ్మూ, దూళి తగలకుండా జాగ్రత్త పడాలి. మురికి చేతులతో పట్టుకోకూడదు.

Read Also: చలికాలంలో సెక్స్ చేయొచ్చా? సంతానోత్పత్తికి ఏది బెస్ట్ సీజన్?

09. వేడి నీటితో తలస్నానం: జుట్టు బాగా పెరగాలంటే చన్నీళ్ల కంటే వేడి నీరే ఉత్తమం. శరీర ఉష్ణోగ్రత కంటే కొద్దిగా వెచ్చగా ఉండే నీటితో తలంటుకోండి.

10. జుట్టు బాగా మెరవాలంటే..: గోరు వెచ్చని నీటిలో ఆపిల్ సైడర్ వెనిగార్‌ను కలిపి జుట్టుకు రాయండి. 5 నిమిషాల తర్వాత తలను శుభ్రం చేసుకోండి.

Read Also: భోజనం తర్వాత శృంగారం చేయొచ్చా? ఎలాంటి సమస్యలు వస్తాయి?

11. తరచుగా తలస్నానం చేయొద్దు: చాలామంది రోజూ తలపై నుంచి స్నానం చేస్తుంటారు. అది మంచి అలవాటు కాదు. వారంలో 2 లేదా 3 సార్లు చేయడమే ఉత్తమం. రోజూ తలస్నానం చేస్తే జుట్టు రాలే సమస్య పెరిగిపోవచ్చు.

12. రసాయనాలు వద్దు.. మీరే కండీషనర్ తయారు చేసుకోండి: మార్కెట్లలో లభించే కండిషనర్లకు బదులు మీరే సహజ సిద్ధమైన కండీషనర్లు తయారు చేసుకోవచ్చు. గుడ్లు, పెరుగును బాగా కలిపి జుట్టు రాసి బాగా మర్దనా చేయండి. ఐదు నిమిషాల తర్వాత కడిగేయండి.

మంచి ఆహారమే.. జుట్టుకు బలం

మంచి ఆహారమే.. జుట్టుకు బలం: మీరు ఆరోగ్యం ఉంటేనే మీ శరీరం భాగాలు కూడా హెల్దీగా ఉంటాయి. కాబట్టి మంచి ఆహారాన్ని తీసుకోండి. మీ ఆహారంలోనే పోషకాలే జుట్టులోకి సైతం చేరుతుందని గుర్తుంచుకోండి.

గమనిక:నిపుణులు పేర్కొన్న వివరాలను ఈ ఆర్టికల్‌లో యథావిధిగా అందించామని గమనించగలరు. జుట్టు సమస్యలు తీవ్రంగా ఉన్నట్లయితే తప్పకుండా నిపుణులను సంప్రదించాలని మనవి. పైన పేర్కొన్న అంశాల్లో అన్నీ అందరికీ పడకపోవచ్చు. కొందరికి కొన్ని పదార్థాల వల్ల అలర్జీలు ఏర్పడుతుంటాయి. కాబట్టి.. అవి మీ శరీరానికి మంచిదో కాదో తెలుసుకుని మాత్రమే ప్రయత్నించాలి. అలాగే, పైన పేర్కొన్న చిట్కాలతో జుట్టు మెరుగవుతుందనే విషయాన్ని గ్యారంటీ ఇవ్వలేదు. ఇది వ్యక్తుల ఆరోగ్యం.. లైఫ్‌స్టైల్ మీద ఆధారపడి ఉంటుందని గమనించగలరు.



Source link

Leave a Reply

Your email address will not be published. Required fields are marked *