Hair growth tips: పిల్లల జుట్టు బాగా పెరగాలంటే ఇలా చేయండి.. – effective and natural tips for growing toddlers hair faster


పసిపిల్లల జుట్టు పెరుగుదల చాలా తక్కువగా ఉంటుంది. పుట్టిన తర్వాత కొన్ని నెలల వరకు జుట్టు పలుచగా ఉండి తల కనిపిస్తుంది. నెలలు గడిచే కొద్దీ జుట్టు బాగానే పెరుగుతున్నప్పటికీ, మీ శిశువు జుట్టు ఒత్తుగా, పొడవుగా ఉండటానికి మీరు కొన్ని చిట్కాలను ట్రై చెయ్యొచ్చు.

సున్నితంగా దువ్వడం..

పసిపిల్లలకు తక్కువ జుట్టు ఉండొచ్చు. కానీ, తల మీద రక్త ప్రసరణ బాగా జరగడం కోసం రోజూ దువ్వాలి. సున్నితమైన దువ్వెనను వాడండి. మీ శిశువు జుట్టును నెమ్మదిగా, సున్నితంగా దువ్వండి. ఇలా చేస్తే మీ పిల్లవాడి తల మీద రక్త ప్రసరణ బాగా జరిగి జుట్టు పెరుగుతుంది.

Also Read : బ్రతికి ఉన్నప్పుడే కళ్ళు దానం చేయొచ్చా..

కొబ్బరి నూనె

కొబ్బరి నూనె జుట్టుకు ఎక్కువ పోషణను ఇచ్చే తేలికపాటి నూనెలలో ఒకటి. ఇది తల మీద చర్మంను ఆరోగ్యంగా ఉండేటట్లు చేయడమే కాకుండా జుట్టు పెరుగుదలను ప్రోత్సహిస్తుంది. కొబ్బరి నూనెతో పిల్లల తలను క్రమం తప్పకుండా మసాజ్ చేయండి. దీనివల్ల వారి జుట్టు ఒత్తుగా, సిల్కీగా చేస్తుంది. మసాజ్ కోసం మీరు కొబ్బరి నూనెకి బదులు ఆముదంను కూడా వాడవచ్చు.

జడలు వద్దు..

చాలా మంది తల్లిదండ్రులు తమ పిల్లల జుట్టును చిన్న చిన్న పోనీటెయిల్స్‌ లాగా కడతారు. ఇలా వేస్తే వారు చాలా అందంగా కనిపిస్తారనడంలో సందేహం లేదు. పిల్లలు అందంగా కనిపించాలని రెడీ చేస్తారు కానీ ఇలా వారికి జడ వేయడం వలన పిల్లల జుట్టు డామేజ్ అవుతుంది. పిల్లల జుట్టు యొక్క మూలాలు బలహీనంగా ఉంటాయి. మీరు జడ వేయడం వల్ల జుట్టు పాడవుతుంది. అంతేకాక జుట్టు రాలిపోయే అవకాశం కూడా ఉంది.

విటమిన్ ఇ

విటమిన్ ఇ నూనెను కూడా మీ పిల్లల తల, జుట్టుకు చాలా అవసరమైన పోషకాలను అందించడానికి ఉపయోగించొచ్చు. కొన్ని చుక్కల విటమిన్ ఇ నూనెను కొబ్బరి నూనెలో కలిపి పిల్లల జుట్టుకు రాయండి. విటమిన్ ఇ నూనె తలలో కావాల్సినంత తేమను ఉంచుతుంది. ఆరోగ్యకరమైన జుట్టు పెరుగుదలను ప్రోత్సహిస్తుంది.

Also Read : మలేరియా వచ్చాక ఈ ఫుడ్ తింటే త్వరగా కోలుకుంటారట..

రెగ్యులర్‌గా తలస్నానం..

పిల్లల తల మీద మురికి పేరుకుపోతే తల మీద చర్మం పొడిబారిపోతుంది. ఇది జుట్టు పెరుగుదలను నియంత్రిస్తుంది. మీరు మీ పిల్లలకు రెగ్యులర్ గా తలస్నానం చేయిస్తే తల మీద ఉన్న మురికి పోయి తల మీద చర్మం ఆరోగ్యంగా ఉంటుంది. దీంతో జుట్టు బాగా పెరుగుతుంది. శుభ్రమైన చర్మం జుట్టు పెరుగుదలను మరింత పెంచుతుంది. మీ శిశువు యొక్క చర్మం యొక్క రకాన్ని బట్టి మీరు మీ శిశువుకు క్రమం తప్పకుండా తలస్నానం చేయించాలి. జుట్టు బాగా పెరగడం కోసం ఏ షాంపూ వాడాలో మీరు వైద్యుడిని సంప్రదించండి.

మృదువైన టవల్..

మీ శిశువు యొక్క తలను రఫ్‌గా ఉన్న టవల్‌తో తుడవడం వల్ల జుట్టు కుదుళ్లు దెబ్బతింటాయి. అంతేకాక జుట్టు రాలే అవకాశం ఉంది. మీ శిశువు యొక్క జుట్టుకు హాని కలిగకుండా ఉండటానికి తడి జుట్టును తుడవడానికి మృదువైన టవల్ ను ఉపయోగించండి. చాలా సున్నితంగా తుడవండి.

కలబంద..

జుట్టు బాగా పెరగడానికి సులభమైన మరియు సహజమైన మార్గం కలబందను ఉపయోగించడం. మీరు మొక్క నుండి తీసిన తాజా కలబందను అయినా లేదా షాపుల్లో కొన్న కలబందను అయినా ఉపయోగించవచ్చు. శిశువు యొక్క తలపై కలబంద జెల్ ను అప్లయ్ చేసి బాగా మసాజ్ చేయండి. 15-20 నిమిషాలు అలాగే ఉంచండి. ఆ తరువాత బాగా కడగండి.

Also Read : ఈ రాశి వారిని పెళ్ళి చేసుకుంటే ఎలాంటి గొడవలు రావట..

జెలటిన్

జెలటిన్ ప్రోలిన్ వంటి అమినో యాసిడ్స్ లతో నిండి ఉంది. ఇది మీ శిశువు యొక్క చర్మం పొడిబారకుండా చేసి జుట్టు పెరుగుదలను ప్రోత్సహిస్తుంది. మీరు దీనిని ఉపయోగించే ముందు ఒకసారి మీ వైద్యుడిని సంప్రదించండి.

గమనిక: ఆరోగ్య నిపుణులు, అధ్యయనాల ప్రకారం ఈ వివరాలను అందించాం. ఈ కథనం కేవలం మీ అవగాహన కోసమే. ఆరోగ్యానికి సంబంధించిన ఏ చిన్న సమస్య ఉన్నా వైద్యులను సంప్రదించడమే ఉత్తమ మార్గం. గమనించగలరు.



Source link

Leave a Reply

Your email address will not be published. Required fields are marked *