Harbhajan Singh: టీ20 వరల్డ్‌కప్ ఫైనల్లో 6, 6, 6.. భజ్జీ పశ్చాతాపం – 2007 t20 world cup final: harbhajan singh recalls moment when misbah-ul-haq smoked three sixes


దక్షిణాఫ్రికా వేదికగా జరిగిన 2007 టీ20 ప్రపంచకప్‌లో భారత్ జట్టు విజేతగా నిలిచింది. కానీ.. ఫైనల్లో పాకిస్థాన్ మిడిలార్డర్‌ బ్యాట్స్‌మెన్ మిస్బావుల్ హక్ కాసేపు భారత్‌కి చెమటలు పట్టించేశాడు. ముఖ్యంగా.. స్పిన్నర్ హర్భజన్ సింగ్ బౌలింగ్‌ని లక్ష్యంగా చేసుకున్న మిస్బావుల్ హక్ (43: 38 బంతుల్లో 4×6).. ఓకే ఓవర్‌లో మూడు సిక్సర్లు బాదేశాడు. దాంతో.. ఒక్కసారిగా పాకిస్థాన్ మ్యాచ్‌లోకిరాగా.. ఆఖరి ఓవర్‌లో సిక్స్ బాదే ప్రయత్నంలో మిస్బా ఔటవడంతో భారత్ 5 పరుగుల తేడాతో గెలిచి ఊపిరి పీల్చుకుంది.

Read More: భారత్ vs ఆస్ట్రేలియా సుదీర్ఘ సిరీస్ షెడ్యూల్ విడుదల

158 పరుగుల లక్ష్య ఛేదనలో పాకిస్థాన్ విజయానికి చివరి 24 బంతుల్లో 53 పరుగులు అవసరమయ్యాయి. ఆ దశలో బౌలింగ్‌కి వచ్చిన హర్భజన్ సింగ్.. లయ తప్పాడు. దాంతో.. ఆ ఓవర్‌లో మిస్బావుల్ హక్ మూడు సిక్సర్లు బాది 19 పరుగులు రాబట్టడంతో సమీకరణం ఒక్కసారిగా 18 బంతుల్లో 34 పరుగులుగా మారిపోయాయి. ఇక చివరి ఓవర్‌లో 12 పరుగులు అవసరమవగా.. ఆరంభంలోనే ఒక సిక్స్ సమర్పించుకున్న జోగిందర్ శర్మ.. నాలుగో బంతికి మిస్బాని ఔట్ చేశాడు.

Read More:
ఓకే ఓవర్‌లో మూడు సిక్సర్లు సమర్పించుకోవడంపై హర్భజన్ సింగ్ మాట్లాడుతూ ‘‘మిస్బా ఒక సిక్స్ కొట్టగానే నాపై ఒత్తిడి పెరిగింది. తర్వాత బంతిని ఎలా విసిరాలి..? అనేదానికంటే వేగంగా ఓవర్‌ని పూర్తి చేయాలని ఆశించా. ఆ క్రమంలో యార్కర్‌ బంతుల్ని కూడా సంధించాను. వాస్తవానికి అంతకముందు ఆస్ట్రేలియాతో జరిగిన మ్యాచ్‌లో ఓవర్‌లోని ఆరు బంతుల్నీ యార్కర్లుగా విసిరాను. దాంతో.. ఆ ప్లాన్‌నే పాక్‌పైనా అమలు చేశాను. కానీ.. అప్పుడు కొంచెం ఆలోచించి ఉండాల్సింది. మరింత శ్రద్ధతో బౌలింగ్ చేసుంటే బాగుండేది’’ అని హర్భజన్ సింగ్ వెల్లడించాడు.



Source link

Leave a Reply

Your email address will not be published. Required fields are marked *