Harbhajan singh About Greg Chappell: భారత క్రికెట్‌లో అదే చెత్త ద‌శ‌: హ‌ర్భ‌జ‌న్ సింగ్‌ – indian spinner harbhajan singh fires on former coach greg chappell


భార‌త సినియ‌ర్ స్పిన్న‌ర్ హ‌ర్భ‌జ‌న్ సింగ్‌.. మాజీ కోచ్ గ్రెగ్ చాపెల్‌పై సోష‌ల్ మీడియా వేదిక‌గా చుర‌కలు అంటించాడు. అత‌ను భార‌త జ‌ట్టు ప్ర‌ధాన కోచ్‌గా ప‌ని చేసిన 2005-07 నాటి కాలాన్ని అత్యంత చెత్త‌ద‌శ‌గా అభివ‌ర్ణించాడు. అంత‌కుముందు సోష‌ల్ మీడియా వేదిక‌గా భార‌త మాజీ కెప్టెన్ ఎంఎస్ ధోనీపై చాపెల్ ప్ర‌శంస‌ల వ‌ర్షం కురిపించాడు. త‌ను చూసిన ప‌వ‌‌ర్‌ఫుల్ బ్యాట్స్‌మ‌న్‌ ధోనీయేన‌ని వ్యాఖ్యానించాడు. గ‌తంలో అత‌నికి బ్యాటింగ్‌పై స‌ల‌హాలు ఇచ్చిన‌ట్లు తెలిపాడు.


ధోనీ.. త‌న కెరీర్ ఆరంభంలో ప్ర‌తి బంతిని బాదేవాడ‌ని, ఈ నేప‌థ్యంలో కాస్త స‌మ‌యోచితంగా బ్యాటింగ్ చేయ‌మ‌ని సూచించానని చాపెల్ పేర్కొన్నాడు. శ్రీలంక‌పై 183 ప‌రుగుల ఇన్నింగ్స్‌ను ప్ర‌త్యేకంగా పేర్కొన్న చాపెల్‌.. అప్ప‌ట్లో ధోనీని చూస్తే చాలా ఉత్సాహ‌క‌రంగా అన్పించేద‌ని తెలిపాడు. దీనిపై సోష‌ల్ మీడియా వేదిక‌గా భ‌జ్జీ ఘాటుగా స‌మాధాన‌మిచ్చాడు. అప్ప‌ట్లో ప్ర‌ధాన కోచ్ చాపెల్.. క్రికెట‌ర్లందరీని మైదానం ఆవ‌త‌లికి హిట్టింగ్ చేసేవాడ‌ని, త‌నో విభిన్న‌మైన గేమ్‌ప్లాన్‌తో వ‌చ్చాడ‌ని వ్యంగ్యంగా ట్వీట్ చేశాడు.


చాపెల్ కోచ్‌గా వ్య‌వ‌హ‌రించిన కాలం భార‌త క్రికెట్‌లోనే అత్యంత చెత్త ద‌శ అనే హ్యాష్‌ట్యాగ్‌ను భ‌జ్జీ జోడించాడు. మ‌రోవైపు చాపెల్ హ‌యాంలో భార‌త సీనియ‌ర్ క్రికెట‌ర్లు తీవ్ర ఇబ్బందుల‌కు గుర‌య్యారు. ముఖ్యంగా మాజీ కెప్టెన్, ప్రస్తుత బీసీసీఐ చీఫ్ సౌరవ్ గంగూలీతో చాపెల్‌కు చాలా బేధాభిప్రాయాలు వచ్చాయి. వివిధ ప్ర‌యోగాలు చేసి జ‌ట్టు ల‌య‌ను దెబ్బ‌తీశాడ‌ని చాలామంది ఇప్ప‌టికీ చాపెల్‌పై ఆగ్ర‌హం వ్య‌క్తం చేస్తారు.



Source link

Leave a Reply

Your email address will not be published. Required fields are marked *