Harbhajan Singh Vs shahid afridi: ఆఫ్రిది లిమిట్స్‌‌లో ఉంటే మంచిది: హ‌ర్భ‌జ‌న్ ఫైర్‌ – indian spinner harbhajan singh fires on pakistan former captain shahid afridi


క‌శ్మీర్‌, భార‌త ప్ర‌ధాన‌మంత్రి న‌రేంద్ర మోదీపై అనుచిత వ్యాఖ్య‌లు చేసిన పాకిస్థాన్ మాజీ కెప్టెన్ షాహిద్ ఆఫ్రిది‌పై టీమిండియా సీనియ‌ర్ స్పిన్న‌ర్ హర్భ‌జ‌న్ సింగ్ ఫైర‌య్యాడు. ఆఫ్రిది లిమిట్స్‌లో ఉంటే మంచిద‌ని, భార‌త్‌పై చెత్త‌వాగుడు కట్టిపెట్టాలని భ‌జ్జీ ఆగ్ర‌హం వ్య‌క్తం చేశాడు. ఆఫ్రిది మాట‌లు తనను తీవ్రంగా అప్సెట్ చేశాయ‌ని అన్నాడు. ఇప్పటి నుంచి ఆఫ్రిదితో బంధాన్ని తెంచివేసుకుంటున్నట్లు పేర్కొన్నాడు. మ‌రోవైపు కరోనాపై సాయం చేయాల‌ని ఇటీవ‌లే ఆఫ్రిది కోర‌గా.. భ‌జ్జీతోపాటు యువ‌రాజ్ సింగ్ కూడా సాయం చేశారు. దీనిపై వారు విమ‌ర్శ‌ల‌కు సైతం గుర‌య్యారు.


అయితే క‌రోనా సంక్షోభం కార‌ణంగా ఇబ్బందిపడుతున్న‌వారిని ఆదుకునేందుకు మ‌తం, ప్రాంతం అనే బేధమ‌నేది లేకుండా సాయం చేస్తామ‌ని ఇటీవలే ప్ర‌ధాని చెప్పార‌ని భ‌జ్జీ గుర్తు చేశాడు. ఈ నేప‌థ్యంలో ఆఫ్రిది నుంచి ఇలాంటి ద్వేష‌పు మాట‌లు రావ‌డం ఎంత‌ మాత్రం ఆమోద‌యోగ్యం కాబోవ‌ని పేర్కొన్నాడు.


తాను ఈ దేశంలోనే పుట్టాన‌ని, ఈ దేశంలోనే మ‌ర‌ణిస్తాన‌ని భ‌జ్జీ ఎమోష‌నల్‌గా వ్యాఖ్యానించాడు. గ‌త 20 ఏళ్లుగా క్రికెట్ ఆడుతూ ఎన్నోసార్లు ఇండియా త‌ర‌పున మ్యాచ్‌లు గెలిపించాన‌ని గుర్తు చేశాడు. త‌న అవ‌స‌రం ఉంద‌నుకుంటే బార్డ‌ర్లో తుపాకి ప‌ట్టి దేశ‌సేవ చేస్తాన‌ని ఉద్వేగంగా మాట్లాడాడు. మ‌రో‌వైపు ఇటీవ‌ల పాక్ ఆక్ర‌మిత క‌శ్మీర్‌లో ప‌ర్య‌టించిన ఆఫ్రిది.. పాకిస్థాన్ సూప‌ర్ లీగ్ వ‌చ్చే ఎడిష‌న్‌లో పీఓకే నుంచి జ‌ట్టును తీసుకుంటామ‌ని వెల్ల‌డించాడు. దీనిపై భార‌త్ అంత‌టా నిర‌స‌న వ్య‌క్త‌మ‌వుతోంది. మ‌రోవైపు ఆఫ్రిది వ్యాఖ్య‌ల‌ను మాజీ క్రికెట‌ర్ క‌మ్ ఎంపీ గౌతం గంభీర్ త‌ప్పుప‌ట్టాడు. ఆఫ్రిదిని జోక‌ర్‌గా అభివ‌ర్ణించిన గంభీర్‌.. భార‌త్‌పై ఉద్దేశ‌పూర్వ‌కంగానే విష‌ప్ర‌చారం చేస్తున్నాడ‌ని విమ‌ర్శించాడు.



Source link

Leave a Reply

Your email address will not be published. Required fields are marked *