Hardik Pandya : ఐపీఎల్‌లో హార్దిక్ పాండ్యా బెస్ట్ రికార్డ్.. ఫస్ట్ – indian all-rounder hardik pandya creates a unique record in ipl history


భారత సీనియర్ ఆల్‌రౌండర్ హార్దిక్ పాండ్యా ఈ ఏడాది ఐపీఎల్‌పై గంపెడాశలు పెట్టుకున్నాడు. గత ఏడాది సెప్టెంబరులో వెన్ను గాయానికి సర్జరీ చేయించుకున్న ఈ పవర్ హిట్టర్.. అప్పటి నుంచి టీమిండియాకి దూరంగా ఉంటున్నాడు. ఈ ఏడాది ముంబయిలో జరిగిన డీవై పాటిల్ టీ20 కప్‌లో వరుసగా సెంచరీలు బాది మళ్లీ ఫామ్ నిరూపించుకున్న హార్దిక్ పాండ్య.. మార్చి నెలలో దక్షిణాఫ్రికాతో జరగాల్సిన వన్డే సిరీస్‌కి ఎంపికయ్యాడు. కానీ.. కరోనా వైరస్ వ్యాప్తి కారణంగా ఈ సిరీస్ అర్ధాంతరంగా రద్దయింది.


Read More:
ఐపీఎల్‌పై ఫ్రాంఛైజీలకి బీసీసీఐ సమాచారం

ఆస్ట్రేలియా వేదికగా ఈ ఏడాది అక్టోబరులో టీ20 వరల్డ్‌కప్ జరగనుండగా.. ఐపీఎల్ 2020 సీజన్‌లో రాణించడం ద్వారా వరల్డ్‌కప్‌ టీమ్‌లోకి ఎంపికవ్వాలని హార్దిక్ పాండ్యా ఆశించాడు. కానీ.. ఐపీఎల్ 2020 నిరవధికంగా వాయిదాపడటం‌తో మళ్లీ ఈ ఆల్‌రౌండర్‌కి సెలక్టర్లు అవకాశమిస్తారా..? అనే సందేహాలు నెలకొన్నాయి. వాస్తవానికి టీమిండియా కంటే.. ఐపీఎల్‌లోనే హార్దిక్ పాండ్యాకి తిరుగులేని రికార్డ్‌లున్నాయి. ధోనీ తరహాలో స్లాగ్ ఓవర్లలో బ్యాటింగ్‌కి వచ్చే ఈ పవర్ హిట్టర్.. అమాంతం టీమ్ స్కోరుని పెంచడంలో సిద్ధహస్తుడు.

Read More:
ధోనీపై వేటు సమంజసం కాదు: మహ్మద్ కైఫ్

ఐపీఎల్ 2019 సీజన్‌లో హార్దిక్ పాండ్యా తిరుగులేని రికార్డ్ నెలకొల్పాడు. ముంబయి ఇండియన్స్ తరఫున గత ఏడాది 16 మ్యాచ్‌లాడిన హార్దిక్ 191.42 స్ట్రైక్‌రేట్‌తో 402 పరుగులు చేశాడు. ఇక బౌలింగ్‌లోనూ 14 వికెట్లు పడగొట్టాడు. మొత్తంగా ముంబయి టీమ్ ఐపీఎల్ 2019 సీజన్ టైటిల్ గెలవడంలో ఈ ఆల్‌రౌండర్‌ క్రియాశీలక పాత్ర పోషించాడు. 2008 నుంచి ఐపీఎల్ జరుగుతుండగా.. ఓ సీజన్‌లో అదీ భారత క్రికెటర్ 400పైచిలుకు పరుగులు, 10కిపైగా వికెట్లు పడగొట్టడం అదే తొలిసారి.





Source link

Leave a Reply

Your email address will not be published. Required fields are marked *