Hardik Pandya: నా ప్రేయసి ప్రెగ్నెంట్.. హార్దిక్‌ పాండ్య షాకింగ్ పోస్టు – cricketer hardik pandya surprises his fans announcing news of his ladylove natasa stankovic’s pregnancy


టీమిండియా ఆల్‌రౌండర్ హార్దిక్ పాండ్య తన అభిమానులను సర్‌ప్రైజ్ చేశాడు. తన ప్రేయసి నటాషా స్టాన్‌కోవిచ్‌ ప్రెగ్నెంట్ అని తెలిపాడు. ‘తనతో కలిసి సాగిస్తున్న జీవన ప్రయాణంలో కొత్త అనుభూతిని పొందుతున్నా’ అని తన ఇన్‌స్టాగ్రామ్‌ ఖాతాలో ఆదివారం (మే 31) సాయంత్రం పోస్ట్‌ చేశాడు. నటాషాతో కలిసి దిగిన ఫోటోను షేర్ చేశాడు. పాండ్య పోస్టు వైరల్‌గా మారింది. టీమిండియా సారథి విరాట్ కోహ్లీ, కోచ్ రవిశాస్త్రి సహా పలువురు క్రికెటర్లు పాండ్యకు శుభాకాంక్షలు తెలిపారు. పాండ్య అభిమానులు అతడికి కంగ్రాట్స్ చెబుతూ పోస్టులు చేస్తున్నారు.

ముంబైలో స్థిరపడ్డ సెర్బియా నటి, మోడల్‌ నటాషా స్టాన్‌కోవిచ్‌తో క్రికెటర్ హార్దిక్‌ పాండ్య కొంత కాలంగా ప్రేమలో ఉన్న విషయం తెలిసిందే. వీరిద్దరికీ ఇప్పటికే నిశ్చితార్థం జరిగింది. కొత్త సంవత్సరం వేడుకల్లో భాగంగా దుబాయ్‌లో వీరిద్దరు తమ నిశ్చితార్థం విషయాన్ని అధికారికంగా ప్రకటించి అభిమానులతో పాటు క్రికెట్ ప్రపంచాన్ని ఆశ్చర్యంలో ముంచెత్తారు.

నటాషా, నేను కలిసి అద్భుత ప్రయాణం సాగిస్తున్నాం. మా ప్రయాణం ఇక మరింత మధురం కానుంది. త్వరలో మా జీవితాల్లోకి కొత్త వ్యక్తిని ఆహ్వానించేందుకు చాలా ఉత్సాహంగా ఉన్నాం..

క్రికెటర్ హార్దిక్ పాండ్య

samayam telugu

Pandya With Natasa

హార్దిక్ పాండ్య, నటాషాకు త్వరలోనే వివాహం జరిపించడానికి పెద్దలు నిశ్చయించినట్లు తెలుస్తోంది. ఈలోగా పాండ్య తన అభిమానులకు గుడ్ న్యూస్ చెప్పాడు. ‘నటాషా, నేను కలిసి అద్భుత ప్రయాణం సాగిస్తున్నాం. మా ప్రయాణం ఇక మరింత మధురం కానుంది. త్వరలో మా జీవితాల్లోకి కొత్త వ్యక్తిని ఆహ్వానించేందుకు చాలా ఉత్సాహంగా ఉన్నాం. మా జీవితంలో కీలక దశలోకి చేరుకుంటున్నందుకు ఎంతో థ్రిల్లింగ్‌గా ఉంది. ఈ సమయంలో మీ ఆశీస్సులను కోరుతున్నాం..’ అని పాండ్య పోస్టు చేశాడు.


Also Read:కరోనా కేసుల్లో 8వ స్థానానికి ఎగబాకిన భారత్.. రికార్డు స్థాయిలో కేసులు
Must Read:అది సిగ్గుపడాల్సిన విషయం కాదు, అబ్బాయిలు కూడా తెలుసుకోవాలి: స్మృతి ఇరానీ





Source link

Leave a Reply

Your email address will not be published. Required fields are marked *