Hardik Pandya: రెండు సార్లు నా క్రికెట్ కెరీర్ ముగిసిందనుకున్నా: హార్దిక్ పాండ్య – two occasions when hardik felt his international career is over


ఆల్‌రౌండర్ హార్దిక్ పాండ్యా రాకతో టీమిండియాలో మంచి సమతూకం వచ్చింది. వన్డేలు, టీ20లతో పాటు.. టెస్టుల్లోనూ మెరుగ్గా బౌలింగ్ చేయగలుగుతున్న హార్దిక్.. ఒక అదనపు బ్యాట్స్‌మెన్‌ని తుది జట్టులోకి తీసుకునే సౌలభ్యాన్ని కెప్టెన్‌కి కల్పిస్తున్నాడు. అయితే.. ఓ రెండు సందర్బాల్లో మాత్రం తన అంతర్జాతీయ క్రికెట్ కెరీర్ ముగిసిపోయిందని హార్దిక్ పాండ్యా కంగారుపడ్డాడట. ఈ విషయాన్ని అతనే స్వయంగా ఓ ఇంటర్వ్యూలో వెల్లడించాడు.

2016, జనవరిలో ఆస్ట్రేలియాతో జరిగిన టీ20 సిరీస్‌తో అంతర్జాతీయ క్రికెట్‌లోకి ఎంట్రీ ఇచ్చిన హార్దిక్ పాండ్యా.. ఇప్పటి వరకూ 11 టెస్టులు, 54 వన్డేలు, 40 టీ20 మ్యాచ్‌లాడాడు. ఈ క్రమంలో ఇప్పటికే 1,799 పరుగులు, 109 వికెట్లు పడగొట్టిన ఈ ఆల్‌రౌండర్.. స్లాగ్ ఓవర్లలో స్కోరు బోర్డుని అమాంతం పెంచడంలో సిద్ధహస్తుడు.

‘‘ఆస్ట్రేలియాతో అరంగేట్రం మ్యాచ్‌లో తొలి 8 బంతుల్లోనే ఏకంగా 26 పరుగులిచ్చేశాను. దాంతో.. ఫస్ట్ మ్యాచ్‌లోనే నా కెరీర్ ముగిసిపోయిందని భయపడ్డా. మరీ ముఖ్యంగా.. వేసిన తొలి ఓవర్‌లోనే 105-110 మీటర్ల సిక్స్‌ని సమర్పించుకున్నాను. అయితే.. ఎట్టకేలకి ఆ మ్యాచ్‌‌‌లో రెండు వికెట్లు పడగొట్టి ఊపిరి పీల్చుకున్నా. ఆ తర్వాత 2018 ఆసియా కప్‌లో పాకిస్థాన్‌పై మ్యాచ్ ఆడుతూ వెన్నుకి గాయమైంది. కనీసం నిల్చోలేక పోవడంతో స్ట్రెచర్‌పై నన్ను మైదానం నుంచి వెలుపలికి తీసుకెళ్లారు. అప్పటి వరకూ అలా ఏ క్రికెటర్‌నీ తీసుకెళ్లడం నేను చూడలేదు. దాంతో.. ఆరోజు మళ్లీ నా కెరీర్ ముగిసింది.. ఇదే నా చివరి సిరీస్ అనుకున్నా’’ అని హార్దిక్ వెల్లడించాడు. గత ఏడాది వెన్ను గాయానికి సర్జరీ చేయించుకున్న హార్దిక్ ప్రస్తుతం పూర్తి స్థాయిలో ఫిట్‌నెస్ సాధించిన విషయం తెలిసిందే.



Source link

Leave a Reply

Your email address will not be published. Required fields are marked *