Hardik Pandya: హార్దిక్ జెర్సీ నెంబ‌ర్ 228.. దాని వెన‌కున్న క‌థెమిటో తెలుసా..? – team india fans react to icc’s question behind hardik pandya’s previous jersey number 228


భార‌త స్టార్ ఆల్‌రౌండ‌ర్ విధ్వంస‌క ఆట‌తీరుకు పెట్టింది పేరు. లెజెండ‌రీ కెప్టెన్ క‌పిల్ దేవ్ త‌ర్వాత అంత‌టి ధాటి గల పేస్ ఆల్‌రౌండ‌ర్‌గా పాండ్యాను ప‌రిగ‌ణిస్తారు. మంచి పేస్‌తోపాటు, ధ‌నాధ‌న్ ఆట‌తీరుకు హార్దిక్ చిరునామా అన‌డంలో ఎలాంటి సందేహం లేదు. అయితే త‌ను టీమిండియాలోకి అడుగుపెట్టిన తొలి నాళ్ల‌లో 228 నెం. జెర్సీని ధ‌రించిన సంగ‌తి తెలిసిందే. తాజాగా ఈ జెర్సీని పాండ్యా ఎందుకు ధ‌రించాడో తెలుసా అంటూ సోష‌ల్ మీడియా వేదిక‌గా ఐసీసీ.. అభిమానుల‌కు ఓ ప్రశ్న‌ను సంధించింది. దీనికి ఫ్యాన్స్ త‌మదైన శైలిలో స‌మాధానాలు ఇచ్చారు.

2009లో విజ‌య్ మ‌ర్చంట్ అండ‌ర్ -16 టోర్నీలో భాగంగా ముంబై జ‌ట్టుతో జ‌రిగిన మ్యాచ్‌లో బ‌రోడా త‌ర‌పున బ‌రిలోకి దిగిన పాండ్యా అద‌ర‌గొట్టాడు. 60/4త‌తో పీక‌ల్లోతు క‌ష్టాల్లో ఉన్న ద‌శ‌లో పాండ్యా క్రీజులోకి చేరుకుని, 228 ప‌రుగులతో రాణించాడు. త‌న కెరీర్‌లో ఇప్ప‌టివ‌ర‌కు చేసిన ఏకైక డ‌బుల్ సెంచ‌రీ ఇదే కావ‌డం విశేషం. మరోవైపు టోర్నీలో ఇప్పటివరకు ఇదే అత్యధిక స్కోరు కావడం విశేషం.

ఇక ఇండియ‌న్ ప్రీమియ‌ర్ లీగ్‌లో ముంబై ఇండియ‌న్స్ త‌ర‌పున ఆడినప్పుడు పాండ్యా.. ఇదే నెంబ‌ర్ జెర్సీ ఉన్న ధ‌రించి బ‌రిలోకి దిగాడు. అలాగే భార‌త జ‌ట్టులోకి ప్రవేశించిన త‌ర్వాత కూడా ఇదే నెం. జెర్సీతో ఆడాడు. ఆరోజు తను ఆడిన ఇన్నింగ్స్ నుంచి స్ఫూర్తి పొందడానికి పాండ్యా ఆ నెంబ‌ర్ జెర్సీని ధరించాడ‌ని విశ్లేష‌కులు భావిస్తున్నారు.



Source link

Leave a Reply

Your email address will not be published. Required fields are marked *