hardik pandya controversy: సెక్సీ కామెంట్స్ నావి.. కానీ మా నాన్నని తిట్టారు: హార్దిక్ పాండ్య – ‘people made a mockery of my father’ – hardik pandya


భారత స్టార్ ఆల్‌రౌండర్ హార్దిక్ పాండ్యా గత ఏడాది చాలా గడ్డు పరిస్థితుల్ని ఎదుర్కొన్నాడు. బాలీవుడ్ నిర్మాత కరణ్ జోహార్‌తో ‘కాఫీ విత్ కరణ్ టాక్ షో’కి కేఎల్ రాహుల్‌తో కలిసి హాజరైన హార్దిక్ పాండ్యా.. అమ్మాయిలపై అసభ్యకరరీతిలో కామెంట్స్ చేశాడు. పబ్‌, పార్టీల్లో అమ్మాయిల వేషధారణపై అతను మాట్లాడిన తీరుతో పెద్ద ఎత్తున విమర్శలు వెల్లువెత్తగా.. భారత క్రికెట్ నియంత్రణ మండలి (బీసీసీఐ) హార్దిక్ పాండ్యాతో పాటు రాహుల్‌ని అప్పట్లో సస్పెండ్ చేసింది. అయితే.. ఆ తర్వాత ఇద్దరు క్రికెటర్లు బహిరంగంగా క్షమాపణలు చెప్పడంతో బీసీసీఐ ఆ సస్పెన్షన్‌‌ని ఎత్తివేసింది. కానీ.. హార్దిక్, రాహుల్‌ కెరీర్‌లో అదొక మచ్చలా మిగిలిపోయింది.

Read More: నా లేడీలవ్ ప్రెగ్నెంట్.. హార్దిక్‌ పాండ్య షాకింగ్ పోస్టు

సస్పెన్షన్ సమయంలో కనీసం ఇంటి వెలుపలికి కూడా హార్దిక్ పాండ్యా రాలేదు. దాంతో.. అతని తండ్రి హిమాన్షు పాండ్యా మీడియా ముందు వచ్చి తన కొడుకు‌ని వెనుకేసుకొచ్చే ప్రయత్నం చేశాడు. ఆ క్రమంలో కొన్ని ఇంటర్వ్యూలను కూడా హిమాన్షు ఇచ్చాడు. వాటిల్లో హార్దిక్ చాలా మంచివాడని చెప్పుకొచ్చిన హిమాన్షు.. పేదరికం నుంచి అతను ఎదిగిన తీరుని వివరించాడు. కానీ.. తప్పు చేసిన హార్దిక్‌ని అతను అలా వెనుకేసుకురావడంతో హిమాన్షపైనా విమర్శలు వచ్చాయి.

Read More: కోహ్లీ నువ్వు ఇంకా పిల్లోడివి.. హార్దిక్‌ని చూడు పెళ్లికాకుండానే తండ్రి
‘‘నా ఫ్యామిలీని అప్పట్లో దూషించారు. మా నాన్న ఇంటర్వ్యూలు ఇవ్వడంతో చాలా మంది అతడ్ని తిట్టడంతో పాటు.. అతని వ్యాఖ్యల్ని అపహాస్యం చేశారు. నా కామెంట్స్ కారణంగా ఫ్యామిలీ‌ ఇబ్బందుల్లో పడటం బాధించింది. అప్పుడే నాకు అర్థమైంది.. తప్పులు ఒప్పుకోవాలి..ఆ తర్వాత వాటి సరిదిద్దుకోవాలని. ఫ్యామిలీ నాకు వెన్నెముక.. వారు లేకపోతే నేను లేను’’ అని హార్దిక్ పాండ్యా వెల్లడించాడు.



Source link

Leave a Reply

Your email address will not be published. Required fields are marked *