Hardik Pandya Love Story: ఈ వింత మనిషి ఎవరు..? హార్దిక్‌పై నటాషా ఫస్ట్ ఇంప్రెషన్ – team india all rounder hardik pandya reveals how he first met natasa stankovic


టీమిండియా స్టార్ ఆల్‌రౌండర్ హార్దిక్ పాండ్యా చాలా ఫాస్ట్‌గా ఫ్యామిలీ లైఫ్‌ని స్టార్క్ చేసేశాడు. ఈ ఏడాది జనవరి 1న సెర్బియన్ నటి నటాషా స్టాంకోవిచ్‌‌తో నిశ్చితార్థం చేసుకున్న హార్దిక్ పాండ్యా.. మే 31న తాను తండ్రి కాబోతున్నట్లు ప్రకటించి అందర్నీ ఆశ్చర్యపరిచాడు.

పెళ్లి కాకుండానే పిల్లలేంటి..? అని కొందరు సోషల్ మీడియాలో ప్రశ్నించగా.. నీ పెళ్లిలో నీ పిల్లలే డ్యాన్స్ చేస్తారంటూ మరికొందరు సెటైర్లు పేల్చారు. మొత్తంగా.. హార్దిక్ పాండ్యా తండ్రి కాబోతుండటంపై పెద్ద ఎత్తున చర్చ జరిగింది. ఈ క్రమంలో అసలు నటాషాతో హార్దిక్ తొలి పరిచయం ఎక్కడ జరిగింది..? వీళ్ల ప్రేమ వ్యవహారం ఏంటి..? అని చాలా మంది నెట్‌లో శోధించడం మొదలెట్టారు. దాంతో.. హార్దిక్ స్వయంగా తమ ప్రేమ వ్యవహారాన్ని తాజాగా ఓ ఇంటర్వ్యూలో వెల్లడించాడు.

‘‘నేను ఎవరో అప్పటి వరకూ నటాషాకి తెలియదు. అర్ధరాత్రి ఒంటి గంట సమయంలో నేను టోపీ, చైన్, వాచ్‌తో కనిపించడాన్ని చూసి.. ఈ వింత మనిషి ఎవరు..? ఎక్కడ నుంచి వచ్చాడు..? అనుకుందట. అయితే.. నేను తనతో మాట్లాడిన తర్వాతే.. ఒకరి గురించి మరొకరం తెలుసుకున్నాం. ఆ వెంటనే డేటింగ్, ఎంగేజ్‌మెంట్ జరిగిపోయాయి’’ అని హార్దిక్ పాండ్యా వెల్లడించాడు.

2016, జనవరిలో ఆస్ట్రేలియాతో జరిగిన టీ20 సిరీస్‌తో అంతర్జాతీయ క్రికెట్‌లోకి ఎంట్రీ ఇచ్చిన హార్దిక్ పాండ్యా.. ఇప్పటి వరకూ 11 టెస్టులు, 54 వన్డేలు, 40 టీ20 మ్యాచ్‌లాడాడు. ఈ క్రమంలో ఇప్పటికే 1,799 పరుగులు, 109 వికెట్లు పడగొట్టిన ఈ ఆల్‌రౌండర్.. స్లాగ్ ఓవర్లలో స్కోరు బోర్డుని అమాంతం పెంచడంలో సిద్ధహస్తుడు.



Source link

Leave a Reply

Your email address will not be published. Required fields are marked *