harish rao birthday: KTR: బావా అంటూ.. హరీశ్ రావుకు కేటీఆర్ బర్త్ డే విషెస్.. ఏడాదిలో ఎంత తేడా! – ktr birthday wishes to finance minister harish rao on his birthday


తెలంగాణ ఆర్థిక మంత్రి హరీశ్ రావుకు, మంత్రి కేటీఆర్ బర్త్ డే విషెస్ చెప్పారు. ‘ఆర్థిక మంత్రి గారూ.. మీరు ఇలాంటి పుట్టిన రోజులను మరెన్నో జరుపుకోవాలి. మీరు చిరకాలం ఆరోగ్యంగా, ఆనందంగా, ప్రశాంతంగా జీవించాల’ని కేటీఆర్ ఆకాంక్షించారు. బావా.. మీరు సుదీర్ఘ కాలం ప్రజా జీవితంలో ఉండాలని కేటీఆర్ ట్వీట్ చేశారు. ప్రభుత్వంలో, పార్టీలో మీతో కలిసి పని చేయడం ఎంతో ఆనందాన్ని ఇస్తుందంటూ హరీశ్ రావుపై కేటీఆర్ ప్రశంసల వర్షం కురిపించారు. డైనమిక్ లీడర్, నిరంతరం శ్రమించే వ్యక్తి అంటూ తన మేన బావను ఆకాశానికి ఎత్తారు.

ప్రతి ఏడాది హరీశ్ రావు పుట్టిన రోజు సందర్భంగా కేటీఆర్ ట్విట్టర్ ద్వారా శుభాకాంక్షలు తెలుపుతారు. మిగతా టీఆర్ఎస్ నేతలకు కూడా కేటీఆర్ బర్త్ డే విషెస్ చెబుతారు. గత ఏడాది కూడా కేటీఆర్ తన బావకు బర్త్ డే విషెస్ చెప్పారు. హరీశ్, కేటీఆర్ ఇద్దరికీ కేసీఆర్ కేబినెట్‌లో చోటు దక్కలేదు. కేటీఆర్‌ను టీఆర్ఎస్ వర్కింగ్ ప్రెసిడెంట్ చేసి హరీశ్ రావును పక్కనబెట్టారని గుసగుసలు వినిపించాయి. కానీ వాటికి చెక్ చెబుతూ హరీశ్ రావు పట్ల తనకున్న ప్రేమను కేటీఆర్ చాటుకున్నారు.

మరోవైపు హరీశ్ అభిమానులు మాత్రం తమ ప్రియతమ నేతకు ప్రాధాన్యం తగ్గిస్తున్నారని మండిపడ్డారు. కేటీఆర్ కోసం హరీశ్‌ను పక్కనబెడుతున్నారని విమర్శించారు. హరీశ్ అన్నకు మంత్రి పదవి ఇవ్వాలని డిమాండ్ చేశారు. తర్వాత కొన్నాళ్లకే కేసీఆర్ కేబినెట్‌లో హరీశ్‌కు చోటు దక్కడంతో పాటు కీలకమైన ఆర్థిక శాఖ ఆయన్ను వరించింది.

గత ఏడాది పుట్టిన రోజు వేడుకలకు దూరంగా ఉన్న హరీశ్ రావు.. ప్రస్తుతం కరోనా వైరస్ నేపథ్యంలో ఈ ఏడాది కూడా బర్త్ డే సెలబ్రేషన్స్‌కు దూరంగా ఉంటున్నట్లు ప్రకటించారు. స్వీయ నియంత్రణ పాటించాలని, ఎలాంటి వేడుకలు నిర్వహించొద్దని అభిమానులకు హరీశ్ విజ్ఙప్తి చేశారు.

Read Also: జగన్‌కు ఝలక్ ఇచ్చేందుకు కేసీఆర్ స్కెచ్



Source link

Leave a Reply

Your email address will not be published. Required fields are marked *