healthy breakfast: బ్రేక్‌ఫాస్ట్‌గా ఈ స్మూతీలు తీసుకుంటే చాలు.. తేడాని మీరే గమనిస్తారు.. – healthy fruit smoothie recipes preparint in telugu


గ్రీన్ స్మూతీ చేయ్డానికి ఒక ఫ్రోజెన్ బనానా, సగం చేసిన ఒక అవకాడో, ఒక టీ స్పూన్ మాచా, అవిసె గింజల పొడి, మూడు టేబుల్ స్పూన్ల పాలు తీసుకుని బ్లెండర్ లో మిక్స్ చేయండి. ఒక బౌల్‌లోకి తీసుకుని ముక్కలు చేసిన అరటిపండుని పైన ఉంచి కొన్ని చియా సీడ్స్ చల్లండి. మీ స్మూతీని ఎంజాయ్ చేయండి. అయితే, కొంత మందికి స్మూతీలు మంచివేనా అని ఒక సందేహం ఉంటుంది. స్మూతీలు ఎందుకు మంచివో, వాటి బెనిఫిట్స్ ఏమిటో ఇక్కడ చూడండి.

Also Read : ఇలా చేస్తే కిడ్నీస్టోన్స్ నుంచి రిలాక్స్ ..?

1. స్మూతీల వల్ల మీల్స్ స్కిప్ చేయవలసిన అవసరం లేకుండా బరువు తగ్గొచ్చు. స్మూతీల్లో ఉండే పండ్లలో ఉండే ఎంజైమ్స్ బాడీ ఫ్యాట్‌ని కరిగించి మీ సర్క్యులేటరీ సిస్టమ్‌ని క్లియర్ చేస్తాయి.
2. శరీరంలో డెబ్భై శాతం నీరే ఉంటుంది. అందుకని నీరు మనకి ముఖ్యావసరం. స్మూతీల వల్ల బాడీలో నీటి శాతం తగినంత ఉంటుంది.
3. చాలా మంది బరువు తగ్గడం కోసం బ్రేక్ ఫాస్ట్ మానేసి ఆకలికి ఆగలేక లంచ్‌లోపు హెవీగా స్నాక్స్ తినేస్తూ ఉంటారు. బ్రేక్ ఫాస్ట్‌లో స్మూతీ తాగడం వల్ల ఈ సమస్య ఉండదు. కడుపు నిండుగా ఉంటుంది.
4. స్మూతీల నిండుగా పోషకాలు ఉంటాయి. అందుకని బ్రేక్ ఫాస్ట్‌లో స్మూతీ తీసుకుంటే మంచి ఎనర్జీతో రోజుని మొదలు పెట్టొచ్చు. ఇందులో ఉండే ప్రోటీన్స్ వల్ల ఎలాంటి క్రేవింగ్స్ ఉండవు, జంక్ ఫుడ్ మీదకి మనసు పోదు.
5. గ్రీన్ స్మూతీల్లో ఉండే మినరల్స్, విటమిన్స్ వల్ల అరుగుదల బాగుంటుంది. ఇందులో ఉండే ఫైబర్ స్మూతీలు ఇంకా న్యూట్రిషస్ గా తయారవుతాయి.
6. మాచా గ్రీన్ టీ పౌడర్‌ని స్మూతీలకి యాడ్ చేసుకుంటే మీకు మంచి యాంటీ ఆక్సిడెంట్స్ లభించినట్లే. ఇదే కాక ద్రాక్ష పండ్లు, బెర్రీస్, చిలగడ దుంపల్లో కూడా యాంటీ ఆక్సిడెంట్స్ ఉంటాయి.

Also Read : గ్రీన్ టీ రాస్తే జుట్టు పెరుగుతుందా..

7. శరీరానికి ఉండే వ్యాధులు రాకుండా అడ్డుకునే శక్తిని ఇమ్యూనిటీ అంటారు. రకరకాల కారణాల వల్ల ఈ శక్తి తగ్గిపోతూ ఉంటుంది. బీటా కెరోటిన్ ఉన్న వాటితో తయారు చేసిన స్మూతీల వల్ల ఇమ్యూనిటీ పెరుగుతుంది.
8. ప్రస్తుతం పిల్లా పెద్దా తేడా లేకుండా నిద్ర లేమి సమస్య తో బాధపడుతున్నారు. బనానా, కివీ, ఓట్స్ తో తయారు చేసిన స్మూతీలో కాల్షియం, మెగ్నీషియం ఉంటాయి. ఇవి చక్కని నిద్ర పట్టేలా చేస్తాయి.
9. గుమ్మడి పండు, మామిడి పండు వంటి కెరోటినాయిడ్స్ ఉన్న పండ్లతో చేసిన స్మూతీ స్కిన్ కీ, కాంప్లెక్షన్ కీ ఎంతో హెల్ప్ చేస్తుంది.
10. లిక్విడ్ ఫుడ్ ఎప్పుడూ డైజెషన్ కి హెల్ప్ చేస్తుంది. స్మూతీల్లో పండ్లు, కూరగాయలు లిక్విడ్ ఫార్మ్ లో ఉంటాయి. శరీరానికి వీటిని అరిగించుకోవడం తేలిక.
11. బాడీ టిష్యూల్లో పేరుకుపోయిన టాక్సిన్స్ ని బయటకు పంపించడానికీ, బ్లడ్ ని క్లెన్స్ చేయడానికీ వెల్లుల్లి, బొప్పాయి, బీట్రూట్ తో చేసిన స్మూతీలు హెల్ప్ చేస్తాయి. ఈ డీటాక్స్ డ్రింక్స్ ని బ్రేక్ ఫాస్ట్ లో భాగం చేసుకోవడం ఎంతో మేలు చేస్తుంది.
12. కొన్ని పండ్లు, కూరగాయల వలన జ్ఞాపక శక్తి, బ్రెయిన్ పవర్ ఇంక్రీజ్ అవుతాయి. కాన్‌సంట్రేషన్ బాగా పెరుగుతుంది. బ్లూ బెర్రీస్, బ్లాక్ కరెంట్స్ వంటి వాటితో చేసిన స్మూతీలు ఈ విషయం లో హెల్ప్ చేస్తాయి.
13. తాజా పండ్లు, కూరగాయలతో చేసిన స్మూతీల వల్ల ఒత్తిడి తగ్గి హ్యాపీ గా హెల్దీగా ఉంటారు.
14. బ్రకోలీ, పాల కూర, అరటి పండ్లు వంటి వాటిలో ఉండే ఫోలిక్ ఆసిడ్ వలన డిప్రెషన్ కి లోనవకుండా ఉంటారు.
15. రెగ్యులర్ గా సరైన మోతాదు లో తీసుకునే కాల్షియం వలన ఎముకలు, పళ్ళు బలంగా తయారవుతాయి. అంతే కాక, జుట్టు బాగా పెరగడానికీ, గుండె ఆరోగ్యం బాగుండడానికీ కూడా కాల్షియం అవసరం. మీ స్మూతీల్లో పాలు కలుపుకుంటే కాల్షియం అందుతుంది.

Also Read : మౌత్ ఫ్రెషనర్ ఇంట్లోనే చేసుకోండిలా..

16. ఫ్రీ రాడికల్స్ వల్ల బాడీలో కార్సినోజెన్స్, అంటే క్యాన్సర్ కారకాలు, పెరుగుతాయి. స్ట్రా బెర్రీస్, బ్లూ బెర్రీస్, గ్రేప్స్ తో చేసిన స్మూతీల్లో ఉండే యాంటీ ఆక్సిడెంట్స్ ఈ ఫ్రీ రాడికల్స్ తో పోరాడుతాయి.
17. ప్రస్తుతం చాలా మంది కాన్‌స్టిపేషన్ వంటి సమస్యలతో బాధ పడుతున్నారు. తాజా పండ్లు, కూరగాయలతో చేసిన స్మూతీల్లో ఉండే ఫైబర్ ఇలాంటి సమస్యలకి చెక్ పెడుతుంది.
18. ఎముకలు బలంగా ఉండాలంటే కాల్షియం, విటమిన్ డీ3, విటమిన్ కే ఉండాలి. పాల కూర, సిట్రస్ ఫ్రూట్, గ్రీన్ వెజిటబుల్స్ తో చేసిన స్మూతీలు ఎముకలు బలంగా ఉండేందుకు సహాయం చేస్తాయి.
19. రెగ్యులర్ ఎక్సర్సైజ్, ప్రాపర్ మెడికేషన్ తో పాటూ బ్లూ బెర్రీస్, రాస్ప్ బెర్రీస్, బ్లాక్ బెర్రీస్, స్ట్రా బెర్రీస్ వంటి వాటితో చేసిన స్మూతీలు గుండె ఆరోగ్యాన్ని పదిలంగా కాపాడతాయి.
20. యాపిల్స్, అవకాడోలు, బెర్రీలు, కివీ, ఆరెంజెస్ వంటి పండ్లు డయాబెటీస్ పేషెంట్స్ కి ఎంతో మంచివి. వీటితో చేసిన స్మూతీలని వారు బ్రేక్ ఫాస్ట్ లో భాగం చేసుకోవచ్చు.

గమనిక: ఆరోగ్య నిపుణులు, అధ్యయనాల ప్రకారం ఈ వివరాలను అందించాం. ఈ కథనం కేవలం మీ అవగాహన కోసమే. ఆరోగ్యానికి సంబంధించిన ఏ చిన్న సమస్య ఉన్నా వైద్యులను సంప్రదించడమే ఉత్తమ మార్గం. గమనించగలరు.



Source link

Leave a Reply

Your email address will not be published. Required fields are marked *