healthy food: వెజ్, నాన్‌వెజ్‌లలో ఆరోగ్యకరమైన ఆహారపదార్థాలు ఇవే.. – top healthful and nutrition foods know here all details


* నట్స్స్, పప్పులు, ధాన్యాలు..

వీటిలో అన్ని రకాలూ పోషకాలతో కూడుకున్నవే. మరి కొంచెం ఎక్కువ పోషక విలువలున్నవి ఇక్కడ ఇచ్చినవి.

1. ఆల్మండ్స్ లో మెగ్నీషియం, విటమిన్ ఈ, ఐరన్, కాల్షియం, ఫైబర్, రైబోఫ్లావిన్ ఉంటాయి. ఇవి కొలెస్ట్రాల్ లెవెల్స్ ని తగ్గించగలవని కూడా తెలుస్తోంది.
2. బ్రెజిల్ నట్స్ లో ప్రోటీన్, కార్బోహైడ్రేట్స్, మెగ్నీషియం, జింక్, విటమిన్స్ బీ1, ఈ ఉంటాయి. ఇందులో ఉండే సెలీనియం థరిరాయిడ్ ఫంక్షన్ ని మెయింటెయిన్ చేయడంలో సాయం చేస్తుంది. యాంటీ ఆక్సిడెంట్స్ కూడా ఇందులో ఎక్కువే.
3. పప్పుల్లో ఫైబర్ కంటెంట్ ఎక్కువగా ఉంటుంది. మెగ్నీషియం, పొటాషియం కూడా ఉంటాయి. ప్రోటీన్ కూడా ఎక్కువే.
4. ఓట్స్ లో ఉండే సాల్యుబుల్ ఫైబర్ వల్ల కొలెస్ట్రాల్ లెవెల్స్ తగ్గుతాయి, కార్డియో వాస్క్యులర్ ప్రాబ్లమ్స్ వచ్చే రిస్క్ కూడా గణనీయం గా తగ్గుతుంది. ఇందులో ఉండే కాంప్లెక్స్ కార్బ్స్ వల్ల నెమ్మదిగా అరుగుతాయి. ఇందు వల్ల బ్లడ్ గ్లూకోజ్ స్టేబుల్ గా ఉంటుంది. ఇందులో పొటాషియం, ఫోలేట్ కూడా ఉన్నాయి.
5. వీట్ జెర్మ్ లో ఫైబర్, విటమిన్ ఈ, ఫోలిక్ యాసిడ్, థయామిన్, జింక్, మెగ్నీషియం, ఫాస్ఫరస్, ఎస్సెన్షియల్ ఫ్యాటీ ఆసిడ్స్ ఉన్నాయి. ఇవి హోల్ గ్రెయిన్ లో లభిస్తాయి.

Also Read : బ్రతికి ఉన్నప్పుడే కళ్ళు దానం చేయొచ్చా..

పండ్లు, కూరగాయలు, బెర్రీస్..

తాజా పండ్లు, కూరగాయలు, బెర్రీస్ ని ఆహారం లో చేర్చుకోవడం చాలా తేలిక.
6. బ్రకోలీ లో ఫైబర్, కాల్షియం, పొటాషియం, ఫోలేట్, ఫైటో న్యూట్రియెంట్స్ ఉంటాయి. ఫైటో న్యూట్రియెంట్స్ వలన హార్ట్ డిసీజ్, డయాబెటీస్, కొన్ని రకాల కాన్సర్లు వచ్చే రిస్క్ తగ్గుతుంది. బ్రకోలీ లో విటమిన్ సీ, బీటా కెరోటిన్ కూడా పుష్కలం గా ఉన్నాయి. అయితే బ్రకోలీని పచ్చిగా కానీ, లైట్ గా స్టీమ్ చేసి కానీ తినాలి. అప్పుడే అందులో ఉన్న న్యూట్రియెంట్స్ మనకి అందుతాయి.
7. యాపిల్స్ లో ఫ్రీ రాడికల్స్ తో పోరాడే యాంటీ ఆక్సిడెంట్స్ ఉన్నాయి. కొన్ని పరిశోధనల ప్రకారం యాపిల్స్ వ్యక్తి యొక్క జీవిత కాలాన్ని కూడా పెంచగలవని తెలుస్తోంది.
8. కాలే లో విటమిన్ సీ, కే ఉన్నాయి. కాలే ని స్టీం చేయవచ్చు. స్మూతీస్ లా, జ్యూసెస్ లా కూడా తీసుకోవచ్చు.
9. బ్లూ బెర్రీస్ లో ఫైబర్, యాంటీ ఆక్సిడెంట్స్, ఫైటో న్యూట్రియెంట్స్ ఉన్నాయి. విటమిన్స్ మరియు మినరల్స్ లాగా ఫైటో న్యూట్రియెంట్స్ అత్యవసరం కాదు, కానీ అవి కొన్ని వ్యాధులు రాకుండా కాపాడగలవు. ఒక స్టడీ ప్రకారం అల్జైమర్స్ డిసీజ్ ని బ్లూ బెర్రీస్ ప్రివెంట్ చేయగలవి తెలుస్తోంది.
10. అవకాడో లో ఫ్యాట్ కంటెంట్ ఎక్కువ అని కొంత మంది అవకాడో ని అసలు తీసుకోరు. నిజానికి, అవకాడో లో ఉన్న ఫ్యాట్స్ హెల్దీ ఫ్యాట్స్. అంతే కాక, వీటిలో బీ విటమిన్స్, విటమిన్ కే, విటమిన్ ఈ ఉంటాయి. ఫైబర్ కూడా ఇందులో ఎక్కువే.
11. ఆకుకూరకు కార్డియో వాస్క్యులర్ డిసీజెస్ వచ్చే రిస్క్ ని బాగా తగ్గిస్తాయి.
12. చిలగడ దుంపల్లో డైటరీ ఫైబర్, విటమిన్స్ ఏ, సీ, బీ6, పొటాషియం ఉంటాయి. ఇంకా, ఐరన్, కాల్షియం, ప్రోటీన్ కూడా ఉంటాయి. ఇందులో ఉన్న కార్బ్స్ కాంప్లెక్స్ కార్బో హైడ్రేట్స్.

Also Read : మలేరియా వచ్చాక ఈ ఫుడ్ తింటే త్వరగా కోలుకుంటారట..

ఫిష్, మీట్, ఎగ్స్

చేపలు, మాంసం, ఎగ్స్ దగ్గరకి వచ్చేప్పటికి చక్కని ఆరోగ్యకరమైన ఆప్షన్స్ అందుబాటులో ఉన్నాయి.
13.సాల్మన్, ట్రౌట్, మాకరెల్, సార్డీన్స్ వంటివి ఆయిలీ ఫిష్ కి ఉదాహరణలు. వీటిలో ఒమేగా-3 ఫ్యాటీ ఆసిడ్స్ హై లెవెల్స్ లో ఉంటాయి. ఇవి ఆర్థ్రైటిస్ వంటి హెల్త్ కండిషన్స్ లో ఎంతో హెల్ప్ చేస్తాయి. విటమిన్స్ ఏ, డీ కూడా ఈ ఫిష్ లో ఎక్కువే.
14. చికెన్ ని హెల్దీ మీల్ అని చెప్పుకోవచ్చు. అయితే, చికెన్ ని ఎలా వండారన్న దాని మీద చికెన్ యొక్క న్యూట్రియెంట్స్ అందడం ఆధారపడి ఉంటుంది. డీప్ ఫ్రైడ్ చికెన్ ని కొద్ది మోతాదు లోనే తీసుకోవాలి. అలాగే, తినే ముందు స్కిన్ తీసేసి తినాలి.
15. బాలెన్స్డ్ డైట్ లో ఈజీగా చేర్చుకోగలిగే ఫుడ్స్ లో ఎగ్స్ కూడా ఉంటాయి. ఎగ్స్ లో విటమిన్స్ బీ2, బీ12 ఉంటాయి. ఇవి రెడ్ బ్లడ్ సెల్స్ జెనరేట్ అవ్వడానికీ, ఎనర్జీ ప్రిజర్వేషన్ కీ ఎంతో అవసరం. అయితే, డయాబెటీస్, కార్డియో వాస్క్యులర్ డిసీజెస్ ఉన్న వారు డాక్టర్ కన్సల్టేషన్ తరువాతే ఎగ్స్ ని తీసుకోవడం మంచిది.

ఈ పదిహేను ఆహార పదార్ధాలనీ రెగ్యులర్ గా డైట్ లో చేర్చుకుంటే వాటి హెల్త్ బెనిఫిట్స్ ని పొందవచ్చు. ఒక రకమైన ఫుడ్ మీద ఫోకస్ చేయకుండా బాలెన్స్డ్ డైట్ తీసుకోవడం అవసరం.

Also Read : ఈ రాశి వారిని పెళ్ళి చేసుకుంటే ఎలాంటి గొడవలు రావట..

గమనిక: ఆరోగ్య నిపుణులు, అధ్యయనాల ప్రకారం ఈ వివరాలను అందించాం. ఈ కథనం కేవలం మీ అవగాహన కోసమే. ఆరోగ్యానికి సంబంధించిన ఏ చిన్న సమస్య ఉన్నా వైద్యులను సంప్రదించడమే ఉత్తమ మార్గం. గమనించగలరు.



Source link

Leave a Reply

Your email address will not be published. Required fields are marked *