heat rashes: చెమట కాయల సమస్య? ఈ చిట్కాలు పాటిస్తే.. ఫుల్ రిలీఫ్! – summer heat rashes and itches? here’s how to stay skin happy


చెమట అంటేనే చికాకు… అలాంటిది శరీరంపై చెమట కాయలు వస్తే పరిస్థితి ఎలా ఉంటుందో తెలిసిందే. చిరు చిరులాడే చెమట కాయల మంట వల్ల ఏ పని చేయాలన్నా ఇబ్బందే. వేసవిలో ప్రజలు ఎండలకు భయపడతారో లేదో గానీ.. చెమట కాయలకు మాత్రం వణికిపోతారు. మరి ఈ చెమట కాయలను ఎలా ఎదుర్కోవాలి? ఏం చేస్తే వీటి నుంచి ఉపశమనం లభిస్తుంది? తదితర వివరాలను, చిట్కాలను తెలుసుకుందాం.

చెమట ఎందుకు పడుతుంది?: వేసవిలో చెమట పట్టడం మంచిదే. ఎండల్లో శరీర ఉష్ణోగ్రతను నియంత్రించేందుకు చెమట సహకరిస్తుంది. చెమటను వైద్య పరిభాషలో ‘మిలీరియా రుబ్రా’ అంటారు. చెమట ఎక్కువ సేపు శరీరంపై ఉండటమే మంచిది కాదు. చర్మంలోని స్వేద గ్రంథుల్లో తయారయ్యే చెమటలో యురియా వంటి మలినాలు ఉంటాయి. చెమటకు శరీరంపై ఉండే ప్రాపియోనీ అనే బ్యాక్టరీయా తోడైతే దుర్వాసన వస్తుంది. ఈ ప్రక్రియను ‘బ్రమ్‌హిడరోసిస్’ అని అంటారు. పిల్లల్లో శ్వేద గ్రంథులు పూర్తిగా తయారు కావు. దాని వల్ల పిల్లలకు ఎక్కువగా చెమట కాయల సమస్యలు వస్తాయి. శరీరంపై ఉండే స్వేద గ్రంథులు మూసుకుపోయినట్లయితే అవి చెమట పొక్కుల్లా మరతాయి. అయితే, వాటిని చిదిమితే సమస్య మరింత పెద్దవుతుంది.

Also Read: వేసవిలో చలవ చేసే 8 బెస్ట్ ఫుడ్స్ ఇవే!

చెమట కాయలు రాకుండా ఉండాలంటే ఏం చేయాలి?:
✺ శరీరానికి చెమట ఎక్కువ పడితే చెమట కాయలు వచ్చే అవకాశాలు ఉన్నాయి. చెమట పడ్డకుండా చల్లటి వాతావరణంలో ఉండేందుకు ప్రయత్నించండి.
✺ రోజూ చన్నీటి స్నానమే చేయండి. రోజుకు మూడు, నాలుగు సార్లు స్నానం చేసినా పర్వాలేదు. కానీ, ఎండ నుంచి వచ్చిన వెంటనే స్నానం చేస్తే.. చెమట కాయలు వచ్చే అవకాశం ఉంది. అలాగే స్నానం చేసేప్పుడు సబ్బును తక్కువగా వాడాలి.
✺ పిల్లలను ఎండలో ఆడనివ్వకండి. చెమట ఎక్కువ పట్టకుండా జాగ్రత్తగా చూసుకోండి.
✺ చెమట పట్టడం వల్ల శరీరంలో నీరు తగ్గిపోతుంది. కాబట్టి నీళ్లు ఎక్కువగా తాగండి.
✺ ఉక్కపోత, వేడి వాతావరణంలో ఉన్నట్లయితే చెమట కాయలు రావచ్చు.
✺ కేవలం పలచగా ఉండే నూలు దుస్తులు ధరించడం మంచిది. మందంగా, శరీరానికి అంటుకుపోయే వస్త్రాలు ధరించకూడదు.
✺ బయటకు వెళ్లేప్పుడు సన్‌స్క్రీన్ లోషన్లు రాసుకోండి.
✺ చెమట కాయలు ఏర్పడినట్లయితే క్యాలమిన్‌ లోషన్‌ లేదా జింక్ ఆక్సైడ్ వాడండి. ట్రోపికల్ కార్టికోస్టెరాయిడ్స్ లేదా
ట్రోపికల్ యాంటీబయాటిక్స్ ద్వారా కూడా చెమట కాయలను తగ్గించవచ్చు. అయితే, వీటిని వైద్యులు సూచిస్తేనే వాడాలి.
చెమట కాయల సమస్య తగ్గకపోతే వెంటనే వైద్యుడిని సంప్రదించండి.

Also Read: ఈమె పాదాలకు భలే గిరాకీ.. లక్షల్లో సంపాదన, ఆ కోరికలే పెట్టుబడి!

ఈ చిట్కాలతోనూ చెమట కాయలను మాయం చేయొచ్చు:
❂ చల్లటి పాలలో దూదిని ముంచి చెమటకాయలపై రాస్తే మంట తగ్గుతుంది.
❂ కలబంద గుజ్జును చెమట కాయలపై రాస్తే సమస్య తగ్గుతుంది. కలబందలోని ఆస్ట్రిజెంట్.. చెమట కాయలను నిర్మూలించడంలో మెరుగ్గా పనిచేస్తుంది.
❂ ఆముదంలో యాంటీసెప్టిక్ గుణాలు ఎక్కువ. ఆముదంలో దూది ముంచి చెమట కాయలకు రాస్తే చెమట కాయల నుంచి ఉపశమనం లభిస్తుంది.
❂ జీలకర్ర పొడిలో నీళ్లు పోసి పేస్టులా చేసుకుని చెమట కాయలపై రాస్తే త్వరగా ఉపశమనం లభిస్తుంది.
❂ వెనిగర్‌లోని అసిటిక్ యాసిడ్‌కు చర్మాన్ని సంరక్షిస్తుంది. కాబట్టి వెనిగర్‌లో కాస్త దూదిని ముంచి చెమట కాయలు ఉన్న చోట రాయండి. కొద్ది రోజుల్లోనే ఫలితం కనిపిస్తుంది.
❂ ఓట్స్‌ను పొడిగా చేసుకుని గోరు వెచ్చని నీటిలో కలపడండి. దాన్ని చెమట కాయలపై రాసి, 20-30 నిమిషాల తర్వాత కడిగేస్తే ఫలితం ఉంటుంది.
❂ గంధంలో రోజ్ వాటర్ కలిపి చెమటకాయలకు చాలా రీలీఫ్‌గా ఉంటుంది. చెమటకాయలు ఉన్నచోట రాయాలి. అనంతరం పది నిమిషాల తర్వాత కడిగేస్తే మంచి ఫలితం ఉంటుంది.
❂ బ్లాక్ టీ, లవంగ నూనె రాయడం ద్వారా కూడా ఉపశమనం పొందవచ్చు.
❂ శరీరానికి చలవ చేసే మజ్జిగ, సబ్జా, బార్లీ నీళ్లు, బార్లీ నీళ్లను తాగడం వల్ల కూడా చెమట కాయలు తగ్గుముఖం పడతాయి.
❂ కొన్ని ఐస్‌ ముక్కలను శుభ్రమైన బట్టలో వేసి చెమట కాయలపై రుద్దితే మంచి ఫలితం కనిపిస్తుంది.

Also Read: మంగు మచ్చల సమస్య? ఈ ఐదు చిట్కాలతో అందంగా మారిపోండి!



Source link

Leave a Reply

Your email address will not be published. Required fields are marked *