hiv vaccine awareness day: హెచ్‌ఐవీ, ఎయిడ్స్ ఒకటేనా.. ఈ వ్యాధికి మందు ఉందా.. – what is the difference between hiv and aids know here vaccine myths and facts


హెచ్ ఐ వీ అనేది ఒక వైరస్. ఇది శరీరంలో ఇన్ ఫెక్షన్స్ తో పోరాడే సెల్స్ ని ఎటాక్ చెస్తుంది. అందువలన ఈ వైరస్ బారిన పడిన వ్యక్తికి రకరకాలా వ్యాధులు సోకే అవకాశముంది. ఈ వైరస్ సురక్షితం కాని సెక్స్ ద్వారా, ఇన్ జెక్షన్స్ ద్వారా ఎక్కువగా వ్యాపిస్తుంది. టాటూ ఎక్విప్మెంట్ వల్ల, ప్రసవ సమయంలో తల్లి నుంచి బిడ్డకీ కూడా వ్యాపించే అవకాశాలు ఉన్నాయి.

దోమల వల్ల సోకదు..

హెచ్ ఐవీ స్పర్శ ద్వారా, దోమలు లాంటి కీటకాల ద్వారా, వస్తువులు షేర్ చేసుకోడం ద్వారా వ్యాపించదు. ఈ వైరస్ కి ట్రీట్‌మెంట్ గనుక తీసుకోకపోతే అది ఎయిడ్స్ వ్యాధిని కలుగచేస్తుంది. హెచ్ఐవీకి మందు లేదు. అయితే, యాంటీ రిట్రోవైరల్ థెరపీ ద్వారా ఈ వైరస్ బారిన పడినవారు చాలాకాలం ఆరోగ్యంగా జీవించగలరు.

samayam telugu

aids day

ఈ వైరస్ ఫ్లూ లక్షణాలని పోలి ఉంటాయి. ఈ వైరస్ ఉందా లేదా అని తేల్చుకోడానికి ప్రత్యేకించి టెస్ట్ చేయించుకోవడం తప్ప వేరే రకంగా తెలుసుకునే అవకాశాలు లేవు.

Also Read: బాడీలో ఇమ్యూనిటీ పెంచి.. అందంగా కూడా మార్చే జ్యూస్ ఇదే…

హెచ్ఐవీ కి ట్రీట్మెంట్ తీసుకోకపోతే వచ్చే వ్యాధి ఎయిడ్స్. ఈ వ్యాధి హెచ్ ఐ వీ ఇంఫెక్షన్ కి చివరి దశ. ఎయిడ్స్ సోకిన రోగికి న్యుమోనియా నించి కాన్సర్ వరకూ ఏ వ్యాధైనా సోకవచ్చు. ఎయిడ్స్ వల్ల ఎవరూ చనిపోరు. కానీ, ఎయిడ్స్ వల్ల సోకే పలు రకాలా వ్యాధుల వల్ల చనిపోతారు.

ప్రపంచవ్యాప్తంగా 38 మిలియన్ల మంది ఎయిడ్స్‌తో జీవిస్తున్నారు. యాంటీ-వైరల్ ఏజెంట్లలో వీరి జీవితకాలాన్ని పెంచగలిగినా, ఏటా 1.7 మిలియన్ల మంది ఈ వ్యాధి బారిన పడుతున్నారు. సుమారుగా సంవత్సరానికి 7,70,000 మంది చనిపోతున్నారు.

రోగనిరోధక వ్యవస్థ ఈ వైరస్ ని గుర్తించేలాగా వ్యాక్సిన్స్ తయారు చేస్తారు. ఎప్పుడైతే, ఈ వ్యాధికారక సూక్ష్మజీవి శరీరంలోపలికి ప్రవేశించిందో, ఇమ్యూన్ సిస్టం వెంటనే దాన్ని టార్గెట్ చేస్తుంది.

samayam telugu

aids

Also Read: కరోనా వైరస్‌కి మందుగా పొగాకు పనిచేస్తుందా.. వ్యాక్సిన్ రెడీ చేస్తున్న శాస్త్రవేత్తలు..

అయితే, ఈ ఇమ్యూన్ సిస్టం రెండు రకాలుగా పని చేస్తుంది. వాటిని సీరం ఇమ్యూనిటీ, సెల్యులార్ ఇమ్యూనిటీ అంటారు. సీరం ఇమ్యూనిటీ లో బీ సెల్స్ యాంటిబాడీస్ ని విడుదల చేస్తాయి. అవి వైరస్ ని కట్టడి చేసి వాటి ప్రభావం శరీరం మీద లేకుండా చేస్తాయి. సెల్యులార్ ఇమ్యూనిటీలో టీ సెల్స్ శరీరమంతా తిరుగుతూ టిష్యూస్ ని పరీక్షిస్తూ ఉంటాయి. ఎక్కడైనా వైరస్ ఉన్న టిష్యూ కనపడితే ఆ వైరస్ ఉన్న సెల్స్ ని చంపేస్తూ ఉంటాయి.

వ్యాక్సీన్లు సాధారణంగా ఈ రెండు పద్ధతుల్లో ఒక దానిమీదే ఆధారపడుతూ ఉంటాయి. ఎక్కువగా సీరం ఇమ్యూనిటీ ని బేస్ చేస్కునే వ్యాక్సీన్లు తయారు చేస్తున్నారు. కానీ, ఈ రెండు రకాలా ఇమ్యూనిటీలనీ వాడుకోవడం ఎక్కువ ప్రభావం ఉంటుందని రీసెంట్ గా జరిగిన పరిశోధనలు నిరూపిస్తున్నాయి.

Also Read: బీపీ ఉన్నవారు స్వీట్స్ తినొచ్చా..

రీసస్ కోతుల మీద జరిపిన పరిశోధనల్లో ఈ రెండు రకాల ఇమ్యూనిటీ నీ ప్రేరేపించినప్పుడు ఫలితాలు పాజిటీవ్‌గా ఉన్నాయని తెలుస్తోంది. ఈ ఫలితాల ఆధారంగా కరోనా లాంటి మిగిలిన వైరస్ ల కోసం వ్యాక్సీన్ కనుక్కునే పరిశోధనలు కూడా విజయవంతమవుతాయని ఆశిస్తున్నారు.



Source link

Leave a Reply

Your email address will not be published. Required fields are marked *