Hockey India : క‌రోనా ఫైట్‌: హాకీ ఇండియా భారీ విరాళం – hockey india donates rs.75 lakhs to govt on saturday


క‌రోనా వైరస్ కారణంగా ప్రపంచ వ్యాప్తంగా అల్లాడుతున్న సంగతి తెలిసిందే. ఇప్పటికే ప్రపంచవ్యాప్తంగా 11 లక్షలకు పైగా పాజిటివ్ కేసులు నమోదయ్యాయి. మరోవైపు 40 వేల మంది మరణించినట్లు తెలుస్తోంది. ఇక‌ భారత్‌లోకూడా ఈ వ్యాధి చాపకింద నీరులా విస్తరిస్తోంది. మరోవైపు ఈ వ్యాధిపై పోరాటం చేసేందుకు ప్రభుత్వానికి అండగా నిలిచేందుకు, కొంత మంది ముందుకు వస్తున్నారు. ఈ నేపధ్యంలో తాజాగా హాకీ ఇండియా భారీ విరాళాన్ని ప్రకటించింది. శనివారం 75 లక్షల రూపాయలను విరాళంగా ప్రకటించింది.


Read Also: ఐపీఎల్‌: ఈ రికార్డుల్ని బ్రేక్ చేయ‌డం అసాధ్యమే!


ఇంతకు ముందే 25 లక్ష రూపాయలను హాకీ ఇండియా ప్రకటించింది. తాజాగా ఈ మొత్తానికి మరో 75 లక్షలు అదనంగా జోడించి, మొత్తం ఒక కోటి రూపాయలను అందించనున్న‌ట్లు పేర్కొంది. గతంలో ఆటలో త‌మ‌కు ఎన్నో సవాళ్లు ఎదురైనప్పుడు, ప్రజలు అండగా నిలిచారని గుర్తు చేసుకుంది. ఇప్పుడు వాళ్లకు తిరిగి ఏమైనా చేయడానికి, ఇదే సరైన సమయం అని పేర్కొంది. మరోవైపు హాకీ ఎగ్జిక్యూటివ్ బోర్డు తీసుకున్న నిర్ణ‌యంపై ప్రధాన కార్యదర్శి రాజేందర్ సింగ్ హర్షం వ్యక్తం చేశారు.

Read Also: సింధు జాక్‌పాట్‌..2022 వరకు వరల్డ్ ఛాంపియన్!


మరోవైపు కరోనా వైరస్ పై పోరాటానికి ప్రభుత్వానికి చేయూత అందించేందుకు ప్ర‌ముఖ గోల్ఫ‌ర్ అనిర్బ‌న్ లాహిరి ముందుకొచ్చారు. ఏడు లక్షల రూపాయలను ప్రభుత్వం విరాళంగా ప్రకటించారు. మ‌రోవైపు ప్రాణాంత‌క వైరస్ మన దేశంలో మెల్లమెల్ల‌గా విస్తరిస్తోంది. ఇప్పటి వరకు మూడు వేలకు పైగా పాజిటివ్ కేసులు నమోదయ్యాయి. దాదాపు 70 మంది మరణించినట్లు తెలుస్తోంది.





Source link

Leave a Reply

Your email address will not be published. Required fields are marked *