Hockey India : జూన్ వరకూ ఇంటర్నేషనల్ హాకీ వాయిదా – no international hockey events for india till june


కరోనా వైరస్ వ్యాప్తి కారణంగా అన్ని స్పోర్ట్స్ ఈవెంట్స్ వాయిదా పడటం లేదా రద్దవుతున్నాయి. జులైలో జరగాల్సిన 2020 టోక్యో ఒలింపిక్స్ ఇప్పటికే వచ్చే ఏడాదికి వాయిదాపడగా.. మార్చి 29 నుంచి ప్రారంభంకావాల్సిన ఐపీఎల్ 2020 సీజన్ ఏప్రిల్ 15కి వాయిదాపడింది. అలానే భారత్‌ తొలిసారి ఆతిథ్యమివ్వనున్న ఫిఫా అండర్-17 ఉమెన్స్ ప్రపంచకప్‌‌ కూడా వాయిపడగా.. ఇప్పుడు అంతర్జాతీయ హాకీ ఈవెంట్స్ కూడా జూన్ వరకూ రద్దయ్యాయి.


Read More:
భార‌త్‌లో జ‌ర‌గాల్సిన షూటింగ్ ప్ర‌పంచ‌క‌ప్ ర‌ద్దు

ఏప్రిల్ 6 నుంచి 12 వరకూ జపాన్ వేదికగా జూనియర్స్ ఉమెన్ ఆసియా కప్ జరగాల్సి ఉండగా.. తొలుత ఈ టోర్నీని వాయిదా వేశారు. ఆ తర్వాత జూనియర్ మెన్ ఆసియా కప్‌కి బంగ్లాదేశ్‌ ఆతిథ్యమివ్వనుండగా.. ఉమెన్స్ ఆసియా ఛాంపియన్స్ ట్రోఫీ కొరియా వేదికగా జరగాల్సి ఉంది. ఈ రెండు టోర్నీలు జూన్ నెలలో జరిగేలా ఇప్పటికే షెడ్యూల్ ప్రకటించారు. కానీ.. కరోనా కారణంగా ఇవీ వాయిదా పడ్డాయి.

Read More:
కరోనా ఎఫెక్ట్‌తో వింబుల్డన్ టోర్నీ రద్దు


భారత్‌లో మంగళవారం నాటికి కరోనా వైరస్ పాజిటివ్ కేసుల సంఖ్య 5,035కి చేరుకోగా.. 143 మంది చనిపోయారు. దీంతో.. ఇప్పటికే 21 రోజులు దేశంలో లాక్‌డౌన్ విధించిన కేంద్ర ప్రభుత్వం.. దాన్ని ఇంకా కొన్ని రోజులు పొడిగించే సూచనలు కనిపిస్తున్నాయి. దీంతో.. విదేశీ ప్రయాణాలపై మరికొన్ని రోజులు ఆంక్షలు పొడిగించే అవకాశం ఉంది.





Source link

Leave a Reply

Your email address will not be published. Required fields are marked *