home loan rates: Home Loan: తక్కువ వడ్డీకే రుణాలు అందిస్తున్న టాప్-15 బ్యాంకులు ఇవే! – home loan interest rates compared: sbi vs pnb vs hdfc vs icici bank


ప్రధానాంశాలు:

  • హోమ్ లోన్‌పై తక్కువ వడ్డీ రేట్లు
  • 6.7 శాతం నుంచి ఆరంభం
  • 0.23 శాతం నుంచి ప్రాసెసింగ్ ఫీజు

సొంతింటి కల సాకారం చేసుకోవాలని చూస్తున్నారా? అయితే చాలా మంది కొత్తింటి కోసం దాదాపుగా రుణ తీసుకుంటూ ఉంటారు. లోన్ తీసుకొని కొత్త ఇల్లు కట్టుకోవడమో లేదా ఫ్లాట్ కొనుగోలు చేయడమో చేస్తుంటారు. హోమ్ లోన్ తీసుకోవడం అంత సులభమైన పని కాదు. పెద్ద మొత్తంతో కూడుకున్న వ్యవహారం. అందుకే హోల్ లోన్ తీసుకునే ముందు ఒకటికి రెండు సార్లు ఆలోచించాలి.

అన్ని విషయాలను తెలుసుకున్న తర్వాతనే హోమ్ లోన్ తీసుకోవాలి. మరీముఖ్యంగా హోమ్ లోన వడ్డీ రేటు విషయంలో జాగ్రత్తగా వ్యవహరించాలి. వడ్డీ రేటు కొంచెం తగ్గినా కూడా లోన్ టెన్యూర్ పరంగా చూస్తే మీకు చాలా లాభం కలుగుతుంది. అలాగే ప్రాసెసింగ్ ఫీజు, ఇతర చార్జీలు, ప్రిపేమెంట్ వంటి వాటి విషయాలపై కూడా కన్నేసి ఉంచాలి. ఏ ఏ బ్యాంకుల్లో వడ్డీ రేట్లు ఎలా ఉన్నాయో చూద్దాం..

Also Read: గుడ్ న్యూస్.. భారీగా దిగొచ్చిన బంగారం ధర.. పతనమైన వెండి!

యూనియన్ బ్యాంక్, పంజాబ్ నేషనల్ బ్యాంకుల్లో హోమ్ లోన్‌పై వడ్డీ రేటు 6.7 శాతం నుంచి ప్రారంభమౌతోంది. బ్యాంక్ ఆఫ్ బరోడా, సెంట్రల్ బ్యాంక్ ఆఫ్ ఇండియా, బ్యాంక్ ఆఫ్ ఇండియాలో వడ్డీ రేటు 6.85 శాతం నుంచి ఆరంభమౌతుంది. పంజాబ్ అండ్ సింద్ బ్యాంక్‌లో వడ్డీ రేటు 6.9 శాతం నుంచి ప్రారంభమౌతోంది. ఇండియన్ బ్యాంక్‌లో వడ్డీ రేటు 7 శాతం నుంచి స్టార్ట్ అవుతోంది.

ఇండియన్ ఓవర్సీస్ బ్యాంక్‌లో వడ్డీ రేటు 7.05 శాతం నుంచి, కెనరా బ్యాంక్‌లో 7.3 శాతం నుంచి, స్టేట్ బ్యాంక్ ఆఫ్ ఇండియా (SBI)లో 7.35 శాతం నుంచి, బ్యాంక్ ఆఫ్ మహరాష్ట్రలో 7.45 శాతం నుంచి, సిటీ బ్యాంక్‌లో 7.5 శాతం నుంచి వడ్డీ రేట్లు ప్రారంభమౌతున్నాయి. హెచ్‌డీఎఫ్‌సీ బ్యాంక్‌లో 7.5 శాతం నుంచి, ఐసీఐసీఐ బ్యాంక్‌లో 7.7 శాతం నుంచి, యాక్సిస్ బ్యాంక్‌లో 7.75 శాతం నుంచి వడ్డీ రేట్లు ఆరంభమౌతున్నాయి. ఇక అన్ని బ్యాంకుల్లోనూ ప్రాసెసింగ్ ఫీజు 0.23 శాతం నుంచి 1 శాతం మధ్యలో ఉంటుంది. ఉంటుంది.



Source link

Leave a Reply

Your email address will not be published. Required fields are marked *