honey business: అదిరిపోయే బిజినెస్ ఐడియా.. నెలకు రూ.లక్షకు పైన సంపాదించొచ్చు! – money making ideas: earn more than rs 1 lakh per month with this business


ప్రధానాంశాలు:

  • కొత్తగా బిజినెస్ స్టార్ట్ చేయాలా?
  • అయితే మీకోసం బిజినెస్ ఐడియా
  • దీంతో నెలకు రూ.లక్షకుపైనే ఆదాయం

ప్రపంచంలో తేనెను ఎక్కువగా ఉత్పత్తి చేస్తున్న టాప్ 5 దేశాల్లో భారత్ కూడా ఒకటి. 2005-06 నుంచి చూస్తే దేశంలో తేనె ఉత్పత్తి ఏకంగా 242 శాతం పెరిగింది. కేంద్ర ప్రభుత్వం తేనె ఉత్పత్తికి అధిక ప్రాధాన్యం ఇస్తోంది. రూ.500 కోట్లు కేటాయించింది. మీరు కూడా తేనె ఉత్పత్తిని ప్రారంభించొచ్చు. దీని కోసం హనీ ప్రాసెసింగ్ ప్లాంటు ఏర్పాటు చేసుకోవాల్సి ఉంటుంది.

మీరు హనీ ప్రాసెసింగ్ ప్లాంటును ఏర్పాటు చేసుకోవాలని భావిస్తే.. కేంద్ర ప్రభుత్వం సాయం చేస్తుంది. ఖాదీ గ్రామోద్యోగ్ స్కీమ్ కింద ఆర్థిక తోడ్పాటు అందిస్తుంది. కేవీఐసీ కింద 65 శాతం వరకు మొత్తాన్ని రుణం కింద పొందొచ్చు. అలాగే మీకు 25 శాతం సబ్సిడీ కూడా లభిస్తుంది. అంటే మీరు ప్రాజెక్ట్ వ్యయంలో 10 శాతం భరిస్తే సరిపోతుంది.

Also Read: 5 నిమిషాల్లో ఉచితంగానే పాన్ కార్డు.. ఇలా అప్లై చేసుకోండి!

కేవీఐసీ ప్రకారం.. సంవత్సరానికి 20 వేల కిలోల తేనెను ఉత్పత్తి చేయడానికి మీరు ప్లాంటు ఏర్పాటు చేసుకోవాలని భావిస్తే.. ఖర్చు దాదాపు రూ.24.5 లక్షలు అవుతుంది. ఇక్కడ మీకు రూ.16 లక్షలు రుణం కింద లభిస్తాయి. అలాగే మార్జిన్ మనీ కింద మరో రూ.6.15 లక్షలు పొందొచ్చు. మీరు సొంతంగా రూ.2.35 లక్షలు పెట్టుకుంటే సరిపోతుంది.

మీరు ప్లాంటు ఏర్పాటు చేసి ఏడాదికి 20 వేల కిలోల తేనెను ఉత్పత్తి చేస్తే.. ఆదాయం ఎలా ఉంటుంతో చూద్దాం. కేజీ తేనె ధర రూ.250 పరిగణలోకి తీసుకుంద్దాం. అప్పుడు రూ.50 లక్షలు వస్తాయి. ఇందులో 4 శాతం వర్కింగ్ లాస్‌ను పరిగణలోకి తీసుకుంటే.. సంవత్సరానికి రూ.48 లక్షలు లభిస్తాయి. ఇందులో అన్ని ఖర్చులు తీసేస్తే.. రూ.14 లక్షల వరకు మిగులుతుంది. అంటే మీరు నెలకు రూ.లక్షకు పైగా సంపాదించినట్లు అవుతుంది.



Source link

Leave a Reply

Your email address will not be published. Required fields are marked *