hong kong security bill: అమెరికా ఒత్తిడి పెంచుతున్నా.. హాంకాంగ్ భద్రత చట్టానికి చైనా పార్లమెంట్ ఆమోదం – china approves hong kong security bill as tensions with us rise


అమెరికా సహా పలు దేశాల నుంచి అభ్యంతరం వ్యక్తమవుతున్నా హాంకాంగ్‌లో ‘జాతీయ భద్రతా చట్టాన్ని’ చైనా పార్లమెంటు గురువారం ఆమోదించింది. హాంకాంగ్‌లో వేర్పాటువాదుల అణచివేత, ఉగ్రవాదం, విదేశీ జోక్యాన్ని నివారించే లక్ష్యంతో ఈ చట్టాన్ని తీసుకొచ్చినట్టు చైనా పేర్కొంది. బీజింగ్‌లోని గ్రేట్ హాల్ ఆఫ్ పీపుల్‌లో హాంకాంగ్ జాతీయ భద్రతపై చర్చ సందర్బంగా పార్లమెంటు సభ్యులు, నేషనల్ పీపుల్స్ కాంగ్రెస్, దీర్ఘకాల ప్రసంగాలు సాగాయి. ఈ బిల్లుకు అనుకూలంగా ఓటువేసిన వారి సంఖ్య 2,878గా పేర్కొన్నారు.

అయితే గతవారం చైనా పార్లమెంట్‌లో ప్రవేశపెట్టిన ఈ బిల్లుపై హాంకాంగ్‌లో మరోసారి పెద్ద ఎత్తున నిరసనలు వ్యక్తమవుతున్నాయి. చైనా జాతీయ గీతాన్ని అగౌరవపరిచే నేరపూరిత బిల్లుపై చైనా చట్టసభలో చర్చించడంతో అల్లర్లు మొదలు కాగా.. స్వయంప్రతిపత్తిని కాపాడటానికి ఉద్దేశించిన ఆందోళనలను అమెరికా పోగుచేసింది. ఈ బిల్లు సహా, చైనా ప్రతిపాదించిన జాతీయ భద్రతా చట్టంపై కోపంతో వేలాది మంది వీధుల్లోకి వచ్చిన నినాదాలు చేశారు. అమెరికా నుంచి తీవ్ర ఒత్తిడి ఎదురవుతున్నా చైనా మాత్రం హాంకాంగ్ జాతీయ భద్రతా చట్టాన్ని అమోదించింది.

మరోవైపు, హాంకాంగ్‌లో ప్రజాస్వామ్య ఉద్యమకారులకు తమ మద్దతు ఉంటుందని అమెరికా బహిరంగంగానే ప్రకటించింది. దీనికి తగ్గట్లే ‘సైనో-బ్రిటీష్‌’ ఒప్పందం ఉల్లంఘిస్తే చైనాపై ఆంక్షలు విధించేలా ‘శాంక్షన్స్‌ బిల్‌ టు డిఫెండ్‌ హాంకాంగ్స్‌ అటానమీ’పై డెమొక్రాటిక్‌ సెనెటర్‌ క్రిస్‌ వాన్‌ హాలెన్‌, రిపబ్లికన్‌ సెనెటర్‌ పాట్‌ టూమెలు కసరత్తు చేస్తున్నారు. దీనిపై అమెరికా విదేశాంగ శాఖ సెక్రటరీ మైక్‌ పాంపియో కూడా స్పందించారు. చైనా ఆధీనంలో హాంకాంగ్‌ స్వతంత్రంగా ఉన్నట్లు ఇక అమెరికా స్టేట్‌ డిపార్ట్‌మెంట్‌ ఏమాత్రం పరిగణనలోకి తీసుకోదని ప్రకటించారు.

ఇది ఓ రకంగా చైనాకు పెద్ద ఎదురు దెబ్బ. ఎందుకంటే అమెరికాతో వ్యాపారానికి హాంకాంగ్‌కు చాలా రాయితీలు లభిస్తాయి. చైనా వీటిని వినియోగించుకొని భారీగా వ్యాపార లావాదేవీలను నిర్వహిస్తుంది. ఇప్పుడు వాటికి కష్టమైపోయే పరిస్థితి నెలకొంది.



Source link

Leave a Reply

Your email address will not be published. Required fields are marked *