how to pick menstrual cup: మెన్స్ట్రువల్ కప్ ఎలా ఎంచుకోవాలి.. – how to choose perfect menstrual cup know here all details


శానిటరీ న్యాప్కిన్స్, టాంపాన్స్ పక్కన పడేసీ మెన్స్ట్రువల్ కప్ వాడదామని ఆలోచిస్తున్నారా? ఆలోచన ఎంతకీ తెగకపోతే ఇది మీరు చదివి తీరాలి. పీరియడ్స్ అన్‌కంఫర్టబుల్ గా ఉంటాయి. ఆ టైమ్ లో యూజ్ చేసేందుకు ఒక పద్ధతికి అలవాటు పడి ఉంటారు. ఆ పద్ధతిని మీకు సౌకర్యంగా మీ పీరియడ్ ఫ్లో కి అనుకూలంగా ఎలా మార్చుకోవాలో మీకు ఒక ఐడియా వచ్చేసి ఉంటుంది. అందుకని కప్‌కి మారాలంటే మీరు కొంచెం వెనుకడుగు వేస్తుంటే మాత్రం మెన్స్ట్రువల్ కప్ ఇచ్చే ఫీలింగే వేరని చెప్పగలం. మెన్స్ట్రువల్ కప్స్ రెండు సైజుల్లో లభిస్తాయి – స్మాల్, లార్జ్. ముప్ఫై ఏళ్ళ కంటే తక్కువ వయసు ఉండి, ఇంకా పిల్లలు పుట్టని వారికి స్మాల్ కప్స్ పర్ఫెక్ట్ గా ఉంటాయి. ముప్ఫై ఏళ్ళ కంటే ఎక్కువ వయసు ఉండి, ఒకరో ఇద్దరో పిల్లలు పుట్టి ఉంటే లార్జ్ కప్ ఎంచుకోండి. మీ పీరియడ్ ఫ్లో ని బట్టి కప్ తీసుకోవద్దు, మీ వయసుని బట్టే తీసుకోండి. స్మాల్ కప్ 35-43 మిల్లీ మీటర్ల రిమ్ తో ఉంటే లార్జ్ కప్ 43-48 మిల్లీ మీటర్ల రిమ్ తో ఉంటుంది.

Also Read : షుగర్ పేషెంట్స్ ఆపిల్స్ తినొచ్చా..

ఎలా వాడాలి..

సరైన సైజ్ కప్ కొనుక్కున్నాక నెక్స్ట్ స్టెప్ ఈ కప్ ని సరిగ్గా వాడడం. స్క్వాట్ చేసి కానీ, టాయిలెట్ సీట్ మీద ఒక కాలు పెట్టి కానీ, లేదా, టాయిలెట్ మీద కూర్చుని రెండు కాళ్ళూ బాగా వెడల్పుగా పెట్టి కానీ దీన్ని ఇన్సర్ట్ చేసుకోవచ్చు. అయితే, పీరియడ్స్ టైమ్ కానప్పుడు ప్రాక్టీస్ చేయండి. మీకు కొంచెం అలవాటయ్యే వరకూ ప్యాడ్ కూడా వాడచ్చు.

కప్ ని ఇన్సర్ట్ చేసే ముందు దగ్గరకి మడిచి నొక్కండి. ఇలా చేస్తే ఈజీగా ఇన్సర్ట్ చేసుకోవచ్చు. ప్రతి ఆరు గంటలకి ఒకసారీ కప్ ని ఖాళీ చేసి మరుగుతున్న నీటిలో వేసి స్టెరిలైజ్ చేయాలి. ఇలా చేస్తేనే కప్ సరిగ్గా క్లీన్ అవుతుంది.

Also Read : మెడ నొప్పి ఎక్కువగా ఉందా.. తగ్గేందుకు ఇలా చేయండి..

సౌకర్యంగానే ఉంటుందా..

కప్ ని సరిగ్గానే ఇన్సర్ట్ చేసుకుని ఉంటే మీకు కప్ పెట్టుకున్న ఫీలింగ్ కూడా ఉండదు. మీరు స్విమ్మింగ్, రన్నింగ్ కూడా చేయవచ్చు. అయితే, మీరు ఎడ్జస్ట్ అవ్వడానికి కొంత టైమ్ పడుతుంది. అయితే, ఈ కప్ ని ఇన్సర్ట్ చేసుకుంటున్నప్పుడు, యూజ్ చేస్తున్నప్పుడు నొప్పి కానీ, అసౌకర్యం కానీ అనిపిస్తే వెంటనే మీ గైనకాలజిస్ట్ ని కన్సల్ట్ చేయండి.

Also Read : ఎంత ట్రై చేసినా బరువు తగ్గట్లేదా.. కారణం ఇదే అయి ఉండొచ్చు..

కొన్ని ముఖ్యమైన విషయాలు..

1. శానిటరీ ప్యాడ్స్ ని ప్రతి నాలుగు గంటలకీ ఒకసారి మార్చాలి. టాంపాన్స్ ని నాలుగు నుండీ ఎనిమిది గంటల లోపు మార్చాలి. మెన్స్ట్రువల్ కప్ ని పన్నెండు గంటల వరకూ ఉంచవచ్చు. మీ పీరియడ్ హెవీగా ఉంటే ముందే మార్చుకోవాలి, అంతే.
2. టాంపాన్ ని లైట్ ఫ్లో ఉన్న రోజుల్లో వాడకూడదు. కానీ ఈ కప్ ని ఎప్పుడైనా వాడవచ్చు.
3. మెన్స్ట్రువల్ కప్స్ ఒకసారి కొన్నాక చాలా ఏళ్ళు వాడవచ్చు. హోల్స్ ఉన్నా, చిరిగినా వెంటనే కొత్తది తీసుకోవాలి.
4. మెన్స్ట్రువల్ కప్ వాడుతున్నప్పుడు సెక్స్ లో పాల్గొనకూడదు.
5. కొంత మందికి లేటెక్స్ ఎలర్జీ ఉంటుంది, వారు సిలికాన్ తో తయారు చేసిన కప్ వాడవచ్చు.
6. పన్నెండు గంటలకి ఒక సారి మర్చిపోకుండా కప్ తీసేసి కొత్తది ఇన్సర్ట్ చేసుకోవాలి.

గమనిక: ఆరోగ్య నిపుణులు, అధ్యయనాల ప్రకారం ఈ వివరాలను అందించాం. ఈ కథనం కేవలం మీ అవగాహన కోసమే. ఆరోగ్యానికి సంబంధించిన ఏ చిన్న సమస్య ఉన్నా వైద్యులను సంప్రదించడమే ఉత్తమ మార్గం. గమనించగలరు.



Source link

Leave a Reply

Your email address will not be published. Required fields are marked *