Human sacrifice: దారుణం.. కరోనా పోవాలంటూ నరబలి ఇచ్చిన అర్చకుడు – priest performs ‘human sacrifice’ to ward off coronavirus


కరోనా వైరస్ కోసం ఓ వైపు ప్రపంచమంతా పోరాడుతుంటే.. కొందరు మాత్రం ఇంకా మూఢనమ్మకాల ముసుగులోనే ఉండిపోతున్నారు. ఈ వ్యాధిని నయం చేసే వ్యాక్సిన్ తయారీ కోసం సైంటిస్టులు, పరిశోధకులు రేయింబవళ్లు కష్టపడుతుంటే.. మరికొందరు మాత్రం ఇది చేస్తే కరోనా పోతుంది… అది తాగితే కరోనా రాదన్న భ్రమల్లో బతుకుతున్నారు. అయితే తాజాగా ఓ అర్చకుడు కరోనా వైరస్ పీడ పోవాలని నరబలి ఇచ్చిన ఘటన ఇప్పుడు కలకలం రేపుతోంది. ఈ దారుణ సంఘటన ఒరిస్సా రాష్ట్రంలో వెలుగు చూసింది. కటక్ జిల్లా నర్సింగ్ పూర్ లో బ్రాహ్మణిదేవి ఆలయంలో నరబలి ఇచ్చారు. కరోనా నుంచి ప్రజలకు విముక్తి కలగాలని ఆలయ అర్చకుడు ఈ దారుణానికి ఒడిగట్టాడు. ఈ ఘటన తెలిసి ప్రజలు తీవ్ర భయభ్రాంతులకు గురయ్యారు. అర్చకుడు సంసారి హోజాను పోలీసులు అరెస్ట్ చేశారు. పలు సెక్షన్ల కింద కేసులు నమోదు చేశారు.

వివరాలను పరిశీలిస్తే, ప్రపంచవ్యాప్తంగా చాలావరకు దేశాల్లో కరోనా వ్యాపించింది. దేశంలో అన్ని రాష్ట్రాలకు కరోనా వైరస్ వ్యాపించింది. దీంతో అన్ని రాష్ట్రాల్లో కరోనా కేసులు నమోదు అవుతూ వస్తున్నాయి.దీంతో కేంద్ర రాష్ట్ర ప్రభుత్వాలు సైతం పటిష్టంగా లాక్ డౌన్ అమలు చేస్తున్న విషయం కూడా తెలిసిందే. ఈ క్రమంలో కరోనా వైరస్ పోవాలంటూ ఒరిస్సా రాష్ట్రంలోని కటక్ జిల్లా నర్సింగ్ పూర్‌లో బ్రాహ్మణిదేవి ఆలయంలో ఓ అర్చకుడు నరబలి ఇచ్చారు. కరోనా నుంచి ప్రజలకు విముక్తి కలగాలని ఆలయ అర్చకుడు ఈ దారుణానికి ఒడిగట్టాడు. బంధ్ మా బుధ్ బ్రహ్మణి ఆలయం పరిసరాల్లో ఈ ఘటన జరిగింది. ఆలయ పరిసర ప్రాంతంలోనే పూజారి నరబలి ఇచ్చాడు. విషయం తెలుసుకున్న పోలీసులు అర్చకుడ్ని అదుపులోకి తీసుకున్నారు. అయితే అతడు ఎవర్ని నరబలి ఇచ్చాడన్న విషయాలు మాత్రం ఇంకా తెలియలేదు.

ఆ మధ్యాకాలంలో కరోనా విషయంలో లేని పోని ఫేక్ న్యూస్‌లు సైతం సోషల్ మీడియాలో పుకార్లు పుట్టిస్తున్నాయి. అలాంటివి నమ్మోద్దని అధికారులు, వైద్యులు సైతం ఎప్పటికప్పుడు హెచ్చరిస్తున్నారు. కరోనా కోసం అనేక గ్రామాల ప్రజలు పూజలు చేసి మొక్కులు చెల్లించారు. కొందరు అయితే గుండు కొట్టించుకుంటే కరోనా రాదని గుడ్డిగా గుండు కూడా గీయించుకుంటున్న ఘటనలు చోటు చేసుకున్నాయి.



Source link

Leave a Reply

Your email address will not be published. Required fields are marked *