Hyderabad girl murder: హైదరాబాద్‌లో బాలిక అనుమానాస్పద మృతి.. ఇంటి యజమానిపై కేసు – east godavari girl suspicious death in hyderabad


కుటుంబ పోషణ కోసం చిన్నతనంలోనే ఓ ఇంట్లో పనికి కుదిరిన 16ఏళ్ల బాలిక అనుమానాస్పద స్థితిలో మృతిచెందిన ఘటన హైదరాబాద్‌లో కలకలం రేపింది. ఇతర కారణాలతోనే బాలిక చనిపోయిందని ఇంటి యజమాని చెబుతుండగా.. యజమానే తన కూతురి మృతికి కారణమని బాలిక తల్లి ఆరోపిస్తోంది. దీంతో పోలీసులు అనుమానాస్పద మృతిగా కేసు నమోదు చేసుకుని దర్యాప్తు చేపట్టారు. ఏపీలోని తూర్పుగోదావరి జిల్లా పోతులూరుకు చెందిన మహిళకు ఇద్దరు కూతుళ్లు, ఓ కుమారుడు ఉన్నారు. భర్త చనిపోవడంతో కుటుంబ పోషణ అంతా ఆమెపైనే పడింది. దీంతో పెద్ద కూతురు అపర్ణ(16)ను హైదరాబాద్ కూకట్‌పల్లిలోని ప్రగతినగర్‌లో నివాసముండే ఫర్నీచర్ వ్యాపారి ప్రసాద్‌ ఇంట్లో కొంతకాలం క్రితం పనిలో పెట్టింది.

Also Read: మాయ‘లేడీ’ లీలలు ఎన్నో.. పెళ్లి పేరుతో ముగ్గురికి రూ.5కోట్లు టోకరా

మూడురోజుల క్రితం అపర్ణ వాచ్‌మెన్ ఫోన్ నుంచి తల్లితో మాట్లాడింది. తాను ఇక్కడ ఉండలేకపోతున్నానని వచ్చి ఇంటికి తీసుకెళ్లిపోవాలని తల్లిని కోరగా.. లాక్‌డౌన్ వల్ల ఆమె రాలేకపోతున్నానని చెప్పింది. ఈ క్రమంలోనే ఒకటో తేదీ ఉదయం ఇంట్లో అపస్మారకస్థితిలో పడివున్న అపర్ణను చూసిన యజమాని ప్రసాద్ కూకట్‌పల్లిలోని ఓ ఆస్పత్రికి తరలించాడు. అక్కడ పరిస్థితి విషమించడంతో ఉస్మానియా ఆస్పత్రికి తరలించగా చికిత్స పొందుతూ చనిపోయింది. ఈ విషయం తెలుసుకున్న అపర్ణ తల్లి మంగళవారం నగరానికి చేరుకుని కూతురి మృతదేహాన్ని చూసి కన్నీరుమున్నీరైంది. ఉస్మానియా ఆస్పత్రిలో పోస్ట్‌మార్టం అనంతరం అపర్ణ మృతదేహాన్ని పోతులూరుకు తరలించి అంత్యక్రియలు నిర్వహించారు.

Also Read: బంధువుతో అఫైర్.. భర్త హత్యకు రెండుసార్లు స్కెచ్.. చిత్తూరులో దారుణం

తన కూతురు మరణానికి ఇంటి యజమాని ప్రసాదే కారణమని అపర్ణ తల్లి పోలీసులకు ఫిర్యాదు చేసింది. తన కూతురు 2016 నుంచి ప్రసాద్‌ ఇంట్లో పని చేస్తున్నట్లు పోలీసులకు తెలిపింది. దీంతో బాచుపల్లి పోలీసులు ప్రసాద్‌పై కేసు నమోదు చేశారు. మరోవైపు అపర్ణ తన చివరి కాల్‌ను తల్లితో పాటు మరో వ్యక్తికి కూడా చేసింది. అతడు ఎవరనేది దర్యాప్తు తేలాల్సి ఉందని పోలీసులు చెబుతున్నారు. ప్రసాద్‌ ఇంట్లో లభించిన మూత తీసిన పురుగుల మందు డబ్బా పోలీసులు స్వాధీనం చేసుకున్నారు. అపర్ణ మరణించిన సమయంలో నోట్లోంచి నురగ వచ్చిందని, దీంతో ఆమె పురుగుల మందే తాగి ఉంటుందని భావిస్తున్నట్లు పోలీసులు చెబుతున్నారు. పోస్ట్‌మార్టం రిపోర్ట్‌ ఆధారంగా ఈ కేసులో ముందుకెళ్తామని పోలీసులు తెలిపారు.

Also Read: మాయ‘లేడీ’ లీలలు ఎన్నో.. పెళ్లి పేరుతో ముగ్గురికి రూ.5కోట్లు టోకరా



Source link

Leave a Reply

Your email address will not be published. Required fields are marked *