hyderabad nurse corona positive: నర్సుకు కరోనా.. పట్టించుకోని యంత్రాంగం.. పిల్లల ఆకలి తీర్చలేక దీనావస్థ! – nurse working in private hospital tests positive for coronavirus


హైదరాబాద్‌లోని ఓ ప్రయివేట్‌ ఆస్పత్రిలో పని చేస్తున్న నర్సుకు కరోనా రావడంతో ఆమె ఇంటి చుట్టూ బారికేడ్లు పెట్టిన అధికారులు అటు వెళ్లడం మానేశారు. దీంతో ఆమె భర్త, ఇంట్లోని ఇద్దరు చంటి బిడ్డలు తీవ్రంగా ఇబ్బందులు పడుతున్నారు. వివరాల్లోకి వెళ్తే.. ఫిలింనగర్‌లోని దుర్గాభవానీనగర్‌ బస్తీలోని ఓ ప్రయివేట్ హాస్పిటల్‌లో పని చేస్తున్న నర్సుకు కరోనా పాజిటివ్‌ వచ్చినట్లు నిర్ధారణ అయింది. ఈ విషయం తెలుసుకున్న ఆశా వర్కర్లు వెంటనే అక్కడికి చేరుకొని అధికారులకు సమాచారం ఇచ్చారు. వాస్తవానికి ఆమెను హాస్పిటల్‌కు తరలించి చికిత్స అందించాల్సి ఉండగా.. అంబులెన్స్‌కు ఫోన్ చేసినా రాలేదని సమాచారం.

దీంతో జీహెచ్‌ఎంసీ అధికారులు బారికేడ్లు తీసుకొచ్చి ఇంటి చుట్టూ అడ్డుపెట్టారు. ఆమె భర్త, ఏడాదిన్నర వయసున్న బాబు, నాలుగేళ్ల కుమార్తె కూడా అదే నివాసంలో ఉంటున్నారు. పిల్లలు పాల కోసం ఏడుస్తున్నా.. వారి ఆకలి తీర్చలేని స్థితిలో ఆ తల్లి ఉంది. ఇంట్లో నుంచి బయటకు వెళ్లే వీలు లేకపోవడంతో ఆమె భర్త కూడా నిస్సహాయ స్థితిలో ఉండిపోయారు. ఈ విషయం తెలుసుకున్న ఆశా వర్కర్లు కొంత డబ్బు పోగు చేసి.. ఆ పిల్లల కోసం పాలు, ఇతర నిత్యావసరాలు పంపించారు.

ఇంటికి ఎవరూ వెళ్లొద్దని బారికేడ్లు పెట్టడం.. బాధితురాల్ని హాస్పిటల్‌కు తీసుకెళ్లకపోవడమే కాదు.. ఏ మందులు వేసుకోవాలో కూడా సూచించలేదని బాధిత కుటుంబం వాపోతోంది. నర్సుగా పని చేస్తూ.. రోగులకు సేవకు అందించిన ఆమెకే ఇలాంటి ఇబ్బంది తలెత్తడం బాధాకరం.



Source link

Leave a Reply

Your email address will not be published. Required fields are marked *