Hyderabad police : టెక్నాలజీతో హైదరాబాద్ పోలీసుల చెక్.. బయటకొచ్చారో అంతే! – hyderabad police using cyient drone based technology to monitor lockdown


రోనా కట్టడి కోసం లాక్‌డౌన్ విధించినా.. కొంత మంది ఆ నిబంధనలను ఖాతరు చేయకుండా చిటికీ మాటికీ రోడ్లపైకి వస్తున్నారు. పోలీసులు లాఠీలు ఝుళిపిస్తున్నా, వాహనాలను సీజ్ చేస్తున్నా పరిస్థితిలో మార్పు రావడం లేదు. ఓ వైపు కరోనా వైరస్ కరాళనృత్యం చేస్తుంటే.. కొంత మంది యువకులు ఆకతాయి చేష్టలతో పోలీసులకు తలనొప్పిగా మారారు. అలాంటి వారిపై కన్నేసి ఉంచడానికి హైదరాబాద్ పోలీసులు అత్యాధునిక సాంకేతికను వాడుకుంటున్నారు. తద్వారా అత్యుత్తమ ఫలితాలను రాబడుతున్నారు.


డ్రోన్ల సాయంతో పోలీసులు పలు కాలనీలపై డేగ కన్ను వేశారు. ఇళ్లలోంచి బయటకి వస్తున్న వారిని గమనించడానికి సయంట్ డ్రోన్ బేస్‌డ్ టెక్నాలజీ వాడుతున్నట్లు సైబరాబాద్ పోలీసులు ట్వీట్ చేశారు. థెర్మల్ ఇమేజింగ్ టెక్నాలజీ విధానాన్ని కూడా ప్రభావవంతంగా వినియోగించుకుంటున్నట్లు వెల్లడించారు. ఐటీ మంత్రి కేటీఆర్‌ను ట్యాగ్ చేస్తూ ఈ ట్వీట్ చేయగా.. ఆయన స్పందించారు. సాంకేతికతను చాలా బాగా వాడుతున్నారంటూ కితాబిచ్చారు.

Must Read:
వలస కూలీలను చూసి చలించిన సీసీ మహేశ్ భగవత్

నిబంధనలను ఉల్లంఘిస్తున్న వారి పట్ల పోలీసులు కఠినంగా వ్యవహరిస్తున్నారు. జీహెచ్‌ఎంసీ పరిధిలో ఇప్పటికే 25 వేలకు పైగా వాహనాలను సీజ్ చేశారు. కేసులు నమోదు చేశారు. కంప్యూటర్ తెరలపై ఎప్పటికప్పుడు గమనిస్తూ కాలనీలలో వాలి పోతున్నారు. అలుపెరుగని సేవ చేస్తూ కరోనా కట్టడిలో తమ వంతు పాత్ర పోషిస్తున్నారు.

ఇదే సమయంలో అన్నార్థులు, కూలీలను ఆదుకోవడంలోనూ అంతే చొరవ తీసుకుంటున్నారు. పేదలకు భోజనం పెడుతూ వారి ఆకలి తీరుస్తున్నారు. ఇందుకోసం ప్రత్యేకంగా ఓ వాట్సాప్ నంబర్ ఇచ్చారు. ఎవరైనా పేదలను గుర్తిస్తే.. వాట్సాప్ నంబర్‌ ‘9490617523’కు సమాచారం ఇవ్వాలని సూచించారు. హైదరాబాద్ పోలీసుల సేవకు హ్యాట్సాప్ చెప్పాల్సిందేగా..

Also Read:
మెదక్: రోగి నుంచి భార్య, కోడలు, కుమార్తెకు కరోనా వైరస్





Source link

Leave a Reply

Your email address will not be published. Required fields are marked *