hyderabad rain: హైదరాబాద్‌లో భారీ వర్షం.. విరిగిపడిన చెట్లు, రోడ్లన్నీ జలమయం – many parts of hyderabad city witness heavy rainfall


హైదరాబాద్‌లో పలు చోట్ల కుండపోత వర్షం కురిసింది. క్యుములో నింబస్ మేఘాల ప్రభావంతో శనివారం మధ్యాహ్నం నగరంలో ఈదరుగాలులతో కూడిన వర్షం కురిసింది. నల్లటి మేఘాలు కమ్ముకోవడంతోపాటు పట్టపగలే చీకట్లు ఆవరించాయి. బంజారాహిల్స్, కోఠి, అబిడ్స్, హిమాయత్‌నగర్, మెహదీపట్నం, లంగర్‌హౌస్, మూసాపేట తదితర ప్రాంతాల్లో భారీగా వర్షం కురిసింది. పలు ప్రాంతాల్లో ఉరుములు, మెరుపులతో కూడిన వర్షం కురిసింది. గాలుల తీవ్రతకు రోడ్లపై చెట్లు విరిగిపడటంతో పలు చోట్ల వాహనదారులు ఇబ్బందులు పడ్డారు. నగరంలో గంటసేపు వర్షం ఆగకుండా కురవడంతో.. రోడ్లపై నీరు నిలిచిపోయి ట్రాఫిక్ జామ్ అయ్యింది.

లాక్‌డౌన్ విధులను నిర్వర్తించడం కోసం పోలీసుల కోసం ఏర్పాటు చేసిన తాత్కాలిక చెక్‌పోస్టులు దెబ్బతిన్నాయి. తెలంగాణ భవన్ పరిసర ప్రాంతాలు, పంజాగుట్టలో భారీగా నీరు నిలిచింది. రోడ్ల మీద నిలిచిపోయిన నీరు, కూలిపోయిన చెట్లను తొలగించడానికి ట్రాఫిక్ పోలీసులు శ్రమిస్తున్నారు.

ఒక్క భారీ వర్షంతోనే రోడ్లపై వరద నీరు చెరువును తలపించేలా చేరింది. దీంతో వాహనదారులు అసౌకర్యానికి గురయ్యారు. లాక్‌డౌన్ కారణంగా వాహనాలు అరకొరగా రోడ్డెక్కినప్పటికీ.. ట్రాఫిక్ జామ్ అయ్యింది. ఆదివారం కూడా నగరంలో ఉరుములు, మెరుపులతో కూడిన వర్షం కురిసే అవకాశం ఉంది.



Source link

Leave a Reply

Your email address will not be published. Required fields are marked *