hyderabad selfie death: Hyd: మహిళను కాపాడబోతూ యువకుడి సెల్ఫీ, నీటమునిగి మృతి.. ఆమె ప్రియుడి ట్విస్ట్ – man drowned while taking selfie rescuing a woman in hyderabad


సెల్ఫీ సరదా యువకుడి ప్రాణాలు తీసింది. ఆపదలో ఉన్న మహిళను కాపాడబోతూ సెల్ఫీ తీసుకునేందుకు ప్రయత్నించి ప్రాణాలు పోగొట్టుకున్నాడు. మద్యం మత్తులో ఉండడంతో నీళ్లలో మునిగిపోయి మరుసటి రోజు శవమై తేలాడు. అయితే తన కొడుకు మృతికి అతని స్నేహితుడే కారణమని కుటుంబ సభ్యులు అనుమానం వ్యక్తం చేయడంతో పోలీసులు విచారణ చేపట్టారు. ఇంతలో చెరువులో దూకిన వివాహిత ప్రియుడు ఎంట్రీతో ఊహించని ట్విస్ట్ చోటుచేసుకుంది. ఈ షాకింగ్ ఘటన హైదరాబాద్‌లో జరిగింది.

జూబ్లీహిల్స్ ప్రాంతానికి చెందిన వివాహిత భర్తను వదిలేసి ఉప్పల్ పీఎస్ పరిధిలోని చిలకా నగర్‌కి చెందిన ఆటోడ్రైవర్ సాయికుమార్‌తో సహజీవనం చేస్తోంది. ఈ నెల 20వ తేదీన ప్రియుడితో గొడవపడిన వివాహిత ఆత్మహత్య చేసుకునేందుకు చిలకా నగర్ చెరువు వద్దకు వచ్చింది. ఆమె అమాంతం చెరువులో దూకేసింది. అప్పటికే చెరువు గట్టు వద్ద వినీష్(25), అతని స్నేహితుడు అభిషేక్ మద్యం తాగుతున్నారు. వివాహిత చెరువులో దూకడం గమనించిన వినీష్ ఆమెను కాపాడేందుకు నీళ్లలోకి దూకాడు.

ఆపదలో ఉన్న మహిళను కాపాడబోతూ సెల్ఫీ దిగాలన్న పిచ్చి కోరిక పుట్టింది. ఆమెను కాపాడుతూ సెల్ఫీ దిగేందుకు యత్నించాడు. మద్యం మత్తులో ఉండడంతో నీళ్లలో మునిగిపోయి మరుసటి రోజు శవమై తేలాడు. తని స్నేహితుడు అభిషేక్ 108 సిబ్బందికి, మృతుడు వినీష్ తల్లికి ఫోన్ చేసి విషయం చెప్పాడు. అయితే తన కొడుకుతో కలసి మద్యం తాగిన స్నేహితుడు అభిషేక్‌పైనే వినీష్‌ తల్లి అనుమానం వ్యక్తం చేస్తూ పోలీసులకు ఫిర్యాదు చేసింది.

Also Read: Guntur: భార్య న్యూడ్ వీడియోలు యూట్యూబ్‌లో పెట్టిన భర్త.. దారుణం

అభిషేక్‌ని స్టేషన్‌కి పిలిపించి పోలీసులు విచారణ జరుపుతున్న సమయంలో ఊహించని ట్విస్ట్ చోటుచేసుకుంది. ఆత్మహత్య చేసుకునేందుకు చెరువులో దూకిన వివాహిత ప్రియుడు సాయికుమార్ స్టేషన్‌కి రావడంతో కథ అడ్డం తిరిగింది. ఆటోడ్రైవర్ సాయికుమార్ అసలు విషయం చెప్పడంతో అంతా షాక్‌కి గురయ్యారు. అప్రమత్తమైన పోలీసులు వివాహిత డెడ్ బాడీ కోసం చెరువులో గాలింపు చర్యలు చేపట్టారు.

Read Also: ఒంగోలు బైపాస్‌లో ఘోర ప్రమాదం.. తిరుపతిలో పెళ్లి చేసుకుని వస్తుండగా.!



Source link

Leave a Reply

Your email address will not be published. Required fields are marked *