hyderabad wife murder attempt: మద్యం మత్తులో భార్యపై పెట్రోల్ పోసి నిప్పు… హైదరాబాద్‌లో వ్యక్తి దురాగతం – woman set ablaze by husband in hyderabad


తాగిన మైకంలో భార్యతో గొడవపడిన ఓ వ్యక్తి ఆమెపై పెట్రోల్‌ పోసి నిప్పంటించి పరారైన ఘటన హైదరాబాద్‌లోని మూసాపేటలో జరిగింది. మూసాపేట పరిధి సఫ్దర్‌నగర్‌లో ఉంటున్న ఎస్‌.కె.ఆలీపాషా, రేష్మ(30) దంపతులకు ఐదుగురు సంతానం. ఆలీపాషా గూడ్స్‌ షెడ్‌ రోడ్డులో హామాలీగా.. భార్య రేష్మ ఇళ్లలో పనులు చేస్తూ పిల్లలను పోషిస్తున్నారు. మద్యానికి బానిసైన ఆలీ నిత్యం మద్యం తాగి భార్యను వేధిస్తుండేవాడు. ఈ క్రమంలో ఆమె ఇంట్లో దాచిపెట్టుకున్న రూ.1,500 నగదు ఈ నెల 22న ఎత్తుకెళ్లి మద్యం తాగి ఇంటికొచ్చాడు. దీంతో డబ్బెందుకు తీశావంటూ రేష్మ తన భర్తను నిలదీసింది.

Also Read: పెళ్లి పేరుతో లైంగిక వాంఛలు తీర్చుకుని.. బిడ్డకు పుట్టాక పరారైన ప్రియుడు

దీంతో ఆలీ తన వెంట తెచ్చుకున్న పెట్రోల్‌ను భార్యపై పోసి నిప్పు పెట్టి పరారయ్యాడు. మంట్లో కాలిపోతున్న తల్లిని కాపాడేందకు ఆమె కుమారులు షన్వాజ్, సర్దార్ రాజ్‌ ప్రయత్నించి గాయాలపాలయ్యారు. స్థానికులు రేష్మను రక్షించి సమీపంలోని ఓ ఆస్పత్రికి తరలించారు. కాలిన గాయాలతో ఆమె ప్రస్తుతం చికిత్స పొందుతోంది. పరారీలో ఉన్న నిందితుడి కోసం పోలీసులు గాలిస్తున్నారు.

Also Read: తెలంగాణ బాలికపై ప్రియుడు, అతడి ఫ్రెండ్స్ గ్యాంగ్ రేప్.. ఏపీలో దారుణం



Source link

Leave a Reply

Your email address will not be published. Required fields are marked *