hyderabad woman cheater: ఎన్నారై నుంచి రూ.65లక్షలు కొట్టేసిన హైదరాాబాద్ మహిళ.. ఫేక్ ప్రొఫైల్‌తో వల – hyderabad woman arrested for cheating rs.65 lakhs from nri


అమెరికాలో సాఫ్ట్‌వేర్ ఇంజినీర్‌‌గా పనిచేస్తున్న యువకుడిని మోసం చేసిన కేసులో హైదరాబాద్ జూబ్లీహిల్స్ పోలీసులు మాళవిక అనే మహిళను అరెస్ట్ చేశారు. అందమైన అమ్మాయిల ఫోటోలతో ఫేక్ ఫ్రొఫైల్స్ క్రియేట్ చేసి ఇంగ్లీషులో అనర్గళంగా మాట్లాడగలిగే ఆమె ఇప్పటివరకు ఎందరో యువకులను వలలో వేసుకుని డబ్బులు దోచుకున్నట్లు పోలీసులు చెబుతున్నారు. భారత్ మ్యాట్రిమోనీ వెబ్‌సైట్లో పెళ్లి కోసం ప్రకటనలు ఇవ్వడం, ప్రొఫైల్ చూసి స్పందించిన వారికి మాయమాటలు చెప్పి మోసం చేయడం ఆమెకు వెన్నతో పెట్టిన విద్య. 2014లో నుంచి ఇలాంటి మోసాలకు పాల్పడుతున్న మాళవికను గతంలోనే అనేకసార్లు అరెస్టయి.. బెయిల్‌పై బయటకు వచ్చింది. అయినప్పటికీ ఇలాంటి మోసాలకు మాత్రం మానుకోలేదు.

Also Read: భార్య వేధింపులు తట్టుకోలేక భర్త ఆత్మహత్య… ఆస్తినంతా తల్లికి రాసిచ్చేసి

తాజాగా అమెరికాలో సాఫ్ట్‌వేర్ ఇంజినీర్‌గా పనిచేస్తున్న వరుణ్ అనే యువకుడి నుంచి ఏకంగా రూ.65లక్షలు కొట్టేసింది మాళవిక. మ్యాట్రిమోనీ వెబ్‌సైట్లో ప్రొఫైల్ చూసి స్పందించిన వరుణ్‌కు తాను హైదరాబాద్‌లో పెద్ద డాక్టర్‌ని అని, గతంలో కొంతకాలం అమెరికాలోనూ పనిచేశానని చెప్పింది. తన ఆస్తికి సంబంధించి ఏర్పడిన వివాదాలను పరిష్కరించుకునేందుకు డబ్బు అవసరం ఉందని చెప్పడంతో వరుణ్ అనేక విడతలుగా రూ.65లక్షల వరకు ఆమె అకౌంట్‌కు ట్రాన్స్‌ఫర్ చేశాడు. అయితే ఎంత కాలమైనా డబ్బు తిరిగి ఇవ్వకపోవడంతో నిలదీయగా కట్టుకథలు చెబుతూ వచ్చింది.

Also Read: తెలంగాణలో ప్రేమజంట ఆత్మహత్య.. విషాదాంతమైన ఐదేళ్ల ప్రేమ

దీంతో అనుమానం వచ్చిన వరుణ్ ఆమె ఫోటో, ప్రొఫైల్‌తో సోషల్‌మీడియాలో సెర్చ్ చేయగా ఆమె పెద్ద ఫ్రాడ్ అని తేలింది. దీంతో అతడు వెంటనే జూబ్లీహిల్స్ పోలీసులకు ఫిర్యాదు చేశాడు. ఆమె ఫోటో వివరాలు చూడగానే అసలు విషయం పసిగట్టిన పోలీసులు మాళవిక, ఆమె కుమారుడిని అదుపులోకి తీసుకున్నారు. కొన్ని ఘటనల్లో ఆమెకు భర్త, అత్త కూడా సాయం చేసినట్లు పోలీసులు అనుమానిస్తున్నారు. ఎన్నిసార్లు అరెస్టయి బయటకు వచ్చినా మాళవిక తీరు మారకపోవడంతో ఆమె విషయంలో ఏం చేయాలా? అని పోలీసులు సమాలోచనలు చేస్తున్నారు.

Also Read: ఫేస్‌బుక్ పరిచయంతో దోపిడీ.. రూ.38లక్షలు పోగొట్టుకున్న హైదరాబాదీ మహిళ



Source link

Leave a Reply

Your email address will not be published. Required fields are marked *