hyderabad woman death: భార్యపై అనుమానంతో భర్త ఘాతుకం.. జీడిమెట్లలో దారుణం – woman killed husband in hyderabad’s jeedimetla


భార్య మరొకరితో వివాహేతర సంబంధం పెట్టుకుందన్న అనుమానంతో భర్త ఘాతుకానికి పాల్పడ్డాడు. భార్యను బండరాయితో మోది కిరాతకంగా హత్య చేశాడు. మద్యం మత్తులో భార్యను దారుణంగా చంపేశాడు. ఈ అమానుష ఘటన హైదరాబాద్‌లో జరిగింది. ఏపీకి చెందిన భార్యాభర్తలు సతీష్, జయలక్ష్మికి 16 ఏళ్ల కిందట వివాహమైంది. వారికి ఇద్దరు పిల్లలు సంతానం.

బతుకుదెరువు కోసం పదేళ్ల కిందట నగరానికి వలస వచ్చి జీడిమెట్ల పరిధిలోని రాజీవ్ గాంధీ నగర్‌లో నివాసముంటున్నారు. భర్త సతీష్ గోల్డ్ స్మిత్ పనిచేస్తుండగా.. భార్య నిజాంపేట్, హిల్ కౌంటీ కాలనీలో హౌస్ కీపింగ్ సూపర్ వైజర్‌‌గా పనిచేస్తోంది. కొద్దికాలంగా భార్యపై అనుమానం పెంచుకున్న సతీష్ నిత్యం వేధింపులకు గురిచేసేవాడు.

Also Read: ప్రాణాలు తీసిన వాట్సాప్ స్టేటస్.. యువకుడిని దారుణంగా నరికి..

మద్యం తాగొచ్చి వేధిస్తుండడంతో ఇద్దరి మధ్య గొడవలు జరుగుతున్నాయి. భార్యపై అనుమానం పెంచుకున్న భర్త రాత్రి మద్యం మత్తులో దారుణానికి పాల్పడ్డాడు. బంధువుల ఇంట్లో నిద్రిస్తున్న జయలక్ష్మి తలపై బండరాయితో బలంగా మోదాడు. తీవ్రగాయాలపాలైన భార్య అక్కడికక్కడే ప్రాణాలు విడిచింది. సమాచారం అందుకున్న బాచుపల్లి పోలీసులు కేసు నమోదు చేసి దర్యాప్తు చేస్తున్నారు.

Read Also:
చెల్లెలిపై కన్నేసిన కీచక అన్న.. అడవిలోకి తీసుకెళ్లి ఫ్రెండ్స్‌తో కలసి..



Source link

Leave a Reply

Your email address will not be published. Required fields are marked *