hyderabad woman murder: కట్టుకున్న భార్యని కడతేర్చిన కసాయి భర్త.. కుషాయిగూడలో దారుణం – man brutally kills wife in kushaiguda of hyderabad


జీతం డబ్బుల గురించి నీలదీసిందని కట్టుకున్న భార్యను దారుణంగా హత్య చేశాడో కసాయి భర్త. ఈ దారుణ ఘటన హైదరాబాద్ నగరంలోని కుషాయిగూడలో చోటుచేసుకుంది. అస్సాంలోని తేజ్‌పూర్‌కి చెందిన సంతోష్ చౌహాన్(35), దీపాలి(26) దంపతులు బతుకుదెరువు కోసం మూడేళ్ల కిందట నగరానికి వలసొచ్చి కుషాయిగూడ పరిధిలో వెంకటరెడ్డినగర్‌లో నివాసం ఉంటున్నారు. భర్త సంతోష్ చర్లపల్లిలోని ఓ కంపెనీలో ఉద్యోగం చేస్తున్నాడు.

ఉదయాన్నే కంపెనీకి వెళ్లిన సంతోష్ సాయంత్రం 8 గంటల సమయంలో ఇంటికి వచ్చాడు. జీతం విషయంలో భార్యాభర్తల మధ్య తలెత్తిన వివాదం చినికిచినికి గాలివానగా మారింది. కోపంతో ఊగిపోయిన సంతోష్ భార్యని గదిలోకి తీసుకెళ్లి ఐరన్ రాడ్‌తో బలంగా కొట్టాడు. కసితీరక గొంతునులిమి ఊపిరాడకుండా చేసి హత్య చేశాడు. పిల్లల ముందే భార్య దీపాలిని లోపలికి తీసుకెళ్లి అంతమొందించాడు.

Also Read: బాలికను పొలాల్లోకి లాక్కెళ్లి గ్యాంగ్ రేప్.. క్వారంటైన్ సెంటర్ గోడ దూకొచ్చి మరీ..

అనంతరం హైడ్రామాకు తెరతీశాడు. ఆత్మహత్య చేసుకుందని నమ్మించేందుకు భార్య మెడకు చున్నీ కట్టి ఫ్యాన్‌కి వేలాడదీశాడు. ఇంటి నుంచి బయటికొచ్చి ఏమీ ఎరగనట్టు తాను మందలించానని తన భార్య ఆత్మహత్య చేసుకుందంటూ నమ్మించే ప్రయత్నం చేశాడు. పోలీసులు సీన్‌లోకి ఎంటరవడంతో అసలు విషయం బయటపడింది. నిందితుడిని అదుపులోకి తీసుకుని పోలీసులు విచారిస్తున్నారు.

Read Also: సొంత అక్కతో ఆ సంబంధం.! తమ్ముడిని చంపేసిన బావ.. ప్రకాశంలో దారుణం



Source link

Leave a Reply

Your email address will not be published. Required fields are marked *