ICC Committee Ban On Saliva: సలైవా విని‌యోగంపై ఐసీసీ క‌మిటీ కీల‌క సూచ‌న‌లు – indian former captain anil kumble-led icc committee recommends ban on saliva


క‌రోనా వైర‌స్ వ్యాప్తి నేప‌థ్యంలో స‌లైవా (ఉమ్మి)ని బంతిపై రుద్ద‌డం విషయంలో ఐసీసీ క్రికెట్ క‌మిటీ కీల‌క సూచ‌న‌లు చేసింది. ప్ర‌స్తుత ప‌రిస్థితుల్లో బంతిపై సలైవా వాడ‌కాన్ని నిషేధించాల‌ని సూచించింది. త్వ‌ర‌లో జ‌రిగే ఐసీసీ స‌మావేశంలో ఈ సూచ‌న‌ల‌పై చర్చించ‌నున్నారు. సోమ‌వారం భార‌త మాజీ కెప్టెన్ అనిల్ కుంబ్లే నేతృత్వంలోని ఐసీసీ క్రికెట్ క‌మిటీ.. వీడియో కాన్ఫ‌రెన్స్‌లో ఈ మేర‌కే స‌మావేశ‌మైంది. అనంత‌రం తాము తీసుకున్న చ‌ర్య‌ల గురించి మీడియా స‌మావేశంలో కుంబ్లే వివ‌రించాడు.


ప్ర‌స్తుతం మ‌న‌మంతా అసాధార‌ణ ప‌రిస్థితుల్లో జీవిస్తున్నామ‌ని, ఈ నేప‌థ్యంలో ఈ నిర్ణ‌యం ద్వారా సుర‌క్షిత వాతావ‌ర‌ణంలో క్రికెట్ కార్య‌క‌లాపాలు జ‌రుగుతాయని కుంబ్లే ఆశాభావం వ్య‌క్తం చేశాడు. నిజానికి స‌లైవాను నిషేధించాల‌ని ఇప్ప‌టికే ఐసీసీ పెద్ద‌లు యోచిస్తున్నారు. తాజాగా ఐసీసీ క‌మిటీ సూచ‌న‌ల‌తో ఈ ప్ర‌తిపాద‌న‌కు ఆమోద‌ముద్ర ప‌డ‌నుంద‌ని తెలుస్తోంది. సాధార‌ణంగా టెస్టు మ్యాచ్‌ల్లో బంతి మెరుపు కోసం సలైవాను వాడుతారు. క‌రోనా వైర‌స్ నేప‌థ్యంలో ఇక నుంచి ఈ ప్రాక్టీస్‌కు తెర‌ప‌డ‌నుంది.



Source link

Leave a Reply

Your email address will not be published. Required fields are marked *