ICC T20 World Cup: టీ20 ప్ర‌పంచ‌క‌ప్‌పై ఐసీసీ నిర్ణ‌యం వాయిదా – icc board defers the decision on the fate of the t20 worldcup


అంద‌రూ ఉత్కంఠగా ఎదురూచూసిన ఐసీసీ స‌మావేశం దుబాయ్‌లో గురువారం జ‌రిగింది. ఈ స‌మావేశంలో టీ20 ప్రపంచ‌క‌ప్ టోర్నీపై ఐసీసీ నిర్ణ‌యం ప్ర‌క‌టిస్తుంద‌ని అంద‌రూ భావించారు. అయితే నిర్ణ‌యాన్ని వ‌చ్చేనెల 10కి వాయిదా వేస్తున్నట్లు ఐసీసీ తెలిపింది. క‌రోనా వైర‌స్ కార‌ణంగా ప్ర‌పంచ‌వ్యాప్తంగా క్రికెట్ కార్య‌క‌లాపాలన్నీ వాయిదా ప‌డిన సంగ‌తి తెలిసిందే. ఈ నేప‌థ్యంలో వ‌ర‌ల్డ్‌క‌ప్ అనుకున్న‌స‌మ‌యానికి నిర్ణ‌యంపై సందిగ్ధం నెల‌కొంది. తాజాగా స‌భ్య‌దేశాల‌తో చ‌ర్చించిన ఐసీసీ ఈ టోర్నీపై నిర్ణ‌యం వాయిదా వేసింది.

ఈ టోర్నీ వ‌చ్చే అక్టోబ‌ర్ నుంచి జ‌ర‌గాల్సి ఉంది. అయితే క‌రోనా వ్యాప్తి నేప‌థ్యంలో ఖాళీ స్టేడియాల‌లో ఈ టోర్నీని నిర్వ‌హించాల్సిన ప‌రిస్థితులుంటాయ‌ని విశ్లేష‌కులు భావిస్తున్నారు. దీంతో టోర్నీని వాయిదా వేయాలా లేక‌పోతే వ‌చ్చే ఏడాదికి పోస్ట్‌పోన్ చేయాలా అనే దానిపై చ‌ర్చించారు. అయితే ఏకాభిప్రాయం రాక‌పోవ‌డంతో నిర్ణ‌యాన్ని వాయిదా వేశారు. మ‌రోవైపు అంత‌ర్గ‌త విష‌యాల‌పై ఎథిక్స్ ఆఫీస‌ర్ నేతృత్వంలో ఒక క‌మిటీని వేయ‌నున్న‌ట్లు ఐసీసీ తెలిపింది. మ‌రోవైపు త్వ‌రలో దిగిపోనున్న ఐసీసీ చైర్మ‌న్ శ‌శాంక్ మ‌నోహ‌ర్ వార‌సుడి ఎంపిక‌పైనా చ‌ర్చ‌లు జ‌రిగిన‌ట్లు తెలుస్తోంది. ఈ ప‌ద‌వికి ఈసీబీ మాజీ చీఫ్ కొలిన్ గ్రోవర్ పోటీప‌డుతుండ‌గా.. భార‌త మాజీ కెప్టెన్, బీసీసీఐ ప్ర‌స్తుత చీఫ్ సౌర‌వ్ గంగూలీ ఈ ప‌ద‌విని చేప‌డితే బాగుంటుంద‌ని చాలామంది మాజీలు వ్యాఖ్యానించారు.



Source link

Leave a Reply

Your email address will not be published. Required fields are marked *