ICC T20 World Cup: టీ20 వ‌ర‌ల్డ్‌క‌ప్‌ను వాయిదా వేయ‌డానికి ఇదే మంచి స‌మ‌యం: గ‌్రేమ్ స్మిత్‌ – south africa former captain graeme smith says postponing the icc t20 world cup 2020 to next year


క‌రోనా వైర‌స్ విస్త‌ర‌ణ కార‌ణంగా దాదాపు రెండునెల‌ల‌పాటు క్రికెట్ కార్య‌క‌లాపాలు వాయిదా ప‌డిన సంగ‌తి తెలిసిందే. ఈ నేప‌థ్యంలో ప్ర‌తిష్టాత్మ‌క టీ20 ప్ర‌పంచ‌క‌ప్‌ను వాయిదా వేయ‌డానికి ఇదే స‌రైన స‌మ‌య‌మ‌ని ద‌క్షిణాఫ్రికా మాజీ కెప్టెన్‌, క్రికెట్ సౌతాఫ్రికా డైరెక్ట‌ర్ గ్రేమ్ స్మిత్ వ్యాఖ్యానించాడు. ఈ టోర్నీని వ‌చ్చే ఏడాది ప్ర‌థ‌మార్థానికి వాయిదా వేస్తే బాగుంటుంద‌ని తెలిపాడు. నిజానికి ఈ టోర్నీ ఈ ఏడాది అక్టోబ‌ర్‌లో ఆస్ట్రేలియాలో జ‌ర‌గాల్సి ఉంది.


ప్ర‌పంచ‌క‌ప్‌న‌కు ముందు తాము దాదాపు 14 టీ20లు ఆడాల్సి ఉంద‌ని, ప్ర‌స్తుత ప‌రిస్థితుల్లో ఈ మ్యాచ్‌లను సరైన సమయంలో నిర్వ‌హించ‌డం అనుమానంగా మారింద‌ని స్మిత్ అన్నాడు. స‌రైన స‌న్నాహ‌కాలు లేకుండా మేటి జ‌ట్టును టోర్నీ కోసం నిర్ధారించ‌లేని తెలిపాడు. స‌రైన స‌న్న‌ద్ధ‌త లేకుండా ప్ర‌పంచ‌క‌ప్‌లో బ‌రిలోకి దిగ‌డం స‌రికాద‌ని వ్యాఖ్యానించాడు. ఈక్రమంలో టోర్నీని వాయిదా వేయ‌డ‌మే స‌రైన‌ద‌ని తెలిపాడు.


దాదాపు అన్ని దేశాల క్రికెట‌ర్లు, కోచ్‌లు టోర్నీ వాయిదా గురించే ఆలోచిస్తూ ఉంటార‌ని స్మిత్ వ్యాఖ్యానించాడు. ప్ర‌స్తుత ప‌రిస్థితుల్లో ఐసీసీ టోర్నీని నిర్వ‌హించ‌డం లాభ‌దాయ‌కం కాద‌ని అన్నాడు. ఈ టోర్నీని వ‌చ్చే ఏడాది ప్ర‌థ‌మార్థంలో నిర్వ‌హించ‌డం వ‌ల్ల ఐసీసీకి వ‌చ్చే న‌ష్టమేమీ లేద‌ని తెలిపాడు. ఐసీసీ టీ 20 ప్ర‌పంచ‌క‌ప్ చివ‌రిసారిగా 2016లో భార‌త్‌లో జ‌రిగింది. ఆ టోర్నీని వెస్టిండీస్ సాధించింది.



Source link

Leave a Reply

Your email address will not be published. Required fields are marked *