ICC Test Championship: కరోనా వేళ రూల్స్ మార్చిన ఐసీసీ.. టీమిండియాకి చేజారిన నెం.1 ర్యాంక్ – team india slip to 2nd as icc tweaks test championship rules


అంతర్జాతీయ క్రికెట్ కౌన్సిల్ (ఐసీసీ) రూల్స్ మార్చిన కారణంగా ఐసీసీ టెస్టు ఛాంపియన్‌షిప్‌లో నెం.1 స్థానాన్ని భారత్ చేజార్చుకుంది. కరోనా వైరస్ వ్యాప్తి నేపథ్యంలో.. గత మార్చి నుంచి టెస్టు ఛాంపియన్‌షిప్‌లో పూర్తి స్థాయి మ్యాచ్‌లు జరగడం లేదు. దాంతో.. కుంబ్లే నాయకత్వంలోని క్రికెట్ కమిటీ సలహా, సూచనల ప్రకారం.. పాయింట్ల కేటాయింపులో ఐసీసీ మార్పులు చేసింది. దెబ్బకి 296 పాయింట్లతో ఉన్న ఆస్ట్రేలియా అగ్రస్థానానికి ఎగబాకగా.. 360 పాయింట్లతో ఉన్న టీమిండియా రెండో స్థానానికి పడిపోయింది. దానికి కారణం.. టీమ్స్ సాధించిన పాయింట్ల శాతం ఆధారంగా ర్యాంక్‌లు కేటాయించడమే.

2019, ఆగస్టు నుంచి వరల్డ్‌ టెస్టు ఛాంపియన్‌షిప్ ప్రారంభమవగా.. ఇప్పటి వరకూ నాలుగు టెస్టు సిరీస్‌లను టీమిండియా ఆడింది. ఇందులో 9 మ్యాచ్‌లు ఉండగా.. ఏడింట్లో గెలిచి.. రెండింటిలో ఓడిపోయింది. మొత్తంగా చూసుకుంటే 480 పాయింట్లకిగానూ భారత్ సాధించిన పాయింట్లు 360. అంటే.. 75 శాతం పాయింట్లు దక్కించుకుందన్నమాట. మరోవైపు ఆస్ట్రేలియా మూడు సిరీస్‌ల రూపంలో మొత్తం 10 మ్యాచ్‌లు ఆడగా.. ఏడింట్లో గెలుపొంది.. రెండింట్లో ఓడిపోయి.. ఒక మ్యాచ్‌ని డ్రాగా ముగించింది. మొత్తంగా 360 పాయింట్లకిగానూ 296 పాయింట్లు సాధించింది. అంటే.. దాదాపు 82 శాతం పాయింట్లని దక్కించుకుంది. దాంతో.. ఆస్ట్రేలియా నెం.1 స్థానానికి ఎగబాకింది. ఆస్ట్రేలియా, భారత్ తర్వాత.. ఇంగ్లాండ్ 60 శాతం, న్యూజిలాండ్ 50 శాతంలో టాప్-4లో కొనసాగుతోంది.

ఐసీసీ గత నిబంధనల ప్రకారం.. ఛాంపియన్‌షిప్ మ్యాచ్‌ ఏదైనా కారణంతో నిర్వహించలేకపోతే.. దాన్ని డ్రాగా పరిగణించి పాయింట్లని రెండు జట్లకీ సమానం కేటాయించేవారు. కరోనా వైరస్ కారణంగా మ్యాచ్‌లు రద్దవడంతో కొన్ని జట్లకి ఆయాచితంగా లబ్ధి చేకూరింది. దాంతో.. ఆ రూల్‌ని ఐసీసీ మార్చింది. పాయింట్ల పట్టికలో టాప్-2లో నిలిచిన జట్ల మధ్య వచ్చే ఏడాది జూన్‌లో ఛాంపియన్‌షిప్ ఫైనల్ మ్యాచ్ జరగనుంది.



Source link

Leave a Reply

Your email address will not be published. Required fields are marked *