ICICI ఎఫ్‌డీ అకౌంట్ తెరిస్తే ఉచితంగానే క్రెడిట్ కార్డు.. ఇంటి నుంచే క్షణాల్లో ఓపెన్ చేయొచ్చు!



ప్రైవేట్ రంగ దిగ్గజ బ్యాంకుల్లో ఒకటైన ఐసీఐసీఐ బ్యాంక్ కస్టమర్ల కోసం ఐసీఐసీఐ ఇన్‌స్టా సేవ్ అకౌంట్ సేవలు అందిస్తోంది. ఆధార్ ఆధారిత ఇన్‌స్టంట్ డిజిటల్ సేవింగ్స్ అకౌంట్ ఇది. ఆన్‌లైన్‌లోనే బ్యాంక్ అకౌంట్ తెరవొచ్చు. 18 ఏళ్ల వయసు ఉంటే సరిపోతుంది. ఇంట్లో నుంచే ఐసీఐసీఐ ఇన్‌స్టా సేవింగ్స్ అకౌంట్ ఓపెన్ చేయొచ్చు.

ఇందులో రెండు రకాల సేవింగ్స్ ఖాతాలు ఉంటాయి. ఒకటేమో ఇన్‌స్టా సేవ్ అకౌంట్. రెండోదేమో ఇన్‌స్టా సేవ్ ఎఫ్‌డీ అకౌంట్. ఇన్‌స్టా సేవ్ అకౌంట్‌కు మంత్లీ మినిమమ్ బ్యాలెన్స్ రూ.10,000 ఉండాలి. అదే ఇన్‌స్టా సేవ్ ఎఫ్‌డీ అకౌంట్ విషయానికి వస్తే.. దీనికి ఎలాంటి మినిమమ్ బ్యాలెన్స్ అవసరం లేదు. కానీ దీని కింద రూ.10 వేలు ఏడాది కాల పరిమితితో ఎఫ్‌డీ చేయాల్సి ఉంటుంది.

Also Read:

ఐసీఐసీఐ ఎఫ్‌డీ సేవింగ్స్ అకౌంట్ తెరిస్తే.. కస్టమర్లకు ఉచితంగానే క్రెడిట్ కార్డు సేవలు కూడా లభిస్తాయి. ఇందులో కస్టమర్ ఫిక్స్‌డ్ డిపాజిట్ చేసిన మొత్తంలో 90 శాతం వరకు లిమిట్‌తో క్రెడిట్ కార్డు పొందొచ్చు. దీంతో రోజూవారి ఖర్చుకు కార్డును ఉపయోగించుకోవచ్చు. ఇక ఇన్‌‌స్టా సేవ్ అకౌంట్ అనేది సింగిల్ యూజర్లు లక్ష్యంగా బ్యాంక్ తీసుకువచ్చింది. జాయింట్‌గా అకౌంట్ తెరవడం సాధ్యం కాదు.

Also Read:

బ్యాంక్ వెబ్‌సైట్ లేదా ఐమొబైల్ యాప్ ద్వారా సేవింగ్స్ ఖాతా తెరవొచ్చు. అకౌంట్ ఓపెన్ అయిన వెంటనే దాని నుంచి ట్రాన్సాక్షన్లు నిర్వహించొచ్చు. అయితే ఖాతా తెరిచేందుకు ఆధార్ కార్డ్, పాన్ నెంబర్ వంటివి అవసరం అవుతాయి. ఇకపోతే ఆన్‌లైన్‌లో అకౌంట్ ఓపెన్ చేసిన తర్వాత వీలునప్పుడు బ్యాంక్‌కు వెళ్లి తగిన డాక్యుమెంట్లు అందించి అకౌంట్‌ కేవైసీ పూర్తి చేసుకోవాలి.

ఇక ఇన్‌స్టా సేవ్ ఎఫ్‌డీ అకౌంట్‌ను కేవలం కొత్త బ్యాంక్ కస్టమర్లు మాత్రమే ఓపెన్ చేయడానికి వీలుంటుంది. ఇప్పటికే మీరు ఐసీఐసీఐ బ్యాంక్ కస్టమర్‌గా కొనసాగుతూ ఉంటే.. ఈ ఎఫ్‌డీ ఖాతాను తెరవడం సాధ్యపడదు. కరోనా వైరస్ నేపథ్యంలో ఇంట్లో నుంచి బయటకు వెళ్లకుండానే బ్యాంక్ అకౌంట్, ఎఫ్‌డీ సర్వీసులు పొందాలనుకునే వారు ఐసీఐసీఐ బ్యాంక్ ఆప్షన్ ఉపయోగించుకోవచ్చు.



Source link

Leave a Reply

Your email address will not be published. Required fields are marked *