ICICI Bank కస్టమర్లకు శుభవార్త.. కొత్త సర్వీసులు అందుబాటులోకి..



ప్రైవేట్ రంగ ప్రముఖ బ్యాంక్ ఐసీఐసీఐ బ్యాంక్ తాజాగా వాయిస్ బ్యాంకింగ్ సర్వీసులు అందుబాటులోకి తీసుకువచ్చింది. దీని పేరు ఐపాల్. ఇది ఒక ఇంటిగ్రేటెడ్ ఏఐ ఆధారిత మల్టీ ఛానల్ చాట్‌బాట్. ఐపాల్ సర్వీసులు అమెజాన్ అలెక్సా, గూగుల్ అసిస్టెంట్ యాప్స్ ద్వారా పనిచేస్తుంది. ఇది రెండూ మోస్ట్ పాపులర్ వాయిస్ అసిస్టెంట్ యాప్స్.

ఐసీఐసీఐ బ్యాంక్ తన డిజిటల్ సర్వీసుల్లో భాగంగానే ఈ వాయిస్ బ్యాంకింగ్ సేవలను లాంచ్ చేసింది. ఇకపోతే బ్యాంక్ ఐసీఐసీఐ స్టాక్ పేరుతో వాట్సాప్ బ్యాంకింగ్ సర్వీసులు అందిస్తున్న విషయం తెలిసిందే. ఐసీఐసీఐ బ్యాంక్ కస్టమర్లు వాయిస్ బ్యాంకింగ్ సర్వీసులు పొందాలంటే అలెక్సా లేదా గూగుల్ అసిస్టెంట్ యాప్‌ను డౌన్‌లోడ్ చేసుకోవాలి. తర్వాత ఐసీఐసీఐ బ్యాంక్ అకౌంట్‌ను వీటితో లింక్ చేసుకోవాలి.

Also Read:

అకౌంట్‌ను లింక్ చేసుకున్న తర్వాత గూగుల్ అసిస్టెంట్, అమెజాన్ అలెక్సా డివైస్‌ల ద్వారా సేవింగ్స్ అకౌంట్ బ్యాలెన్స్, క్రెడిట్ కార్డు వివరాలు వంటివి వినొచ్చు. డ్యూ డేట్, డ్యూ అమౌంట్, చివరి ఐదు ట్రాన్సాక్షన్ల సమాచారం పొందొచ్చు.

Also Read:

ఉదాహరణకు కస్టమర్లు.. అలెక్సా, నా అకౌంట్‌లో డబ్బు ఎంత ఉంది? అని అడిగితే.. అప్పుడు బ్యాంక్ మీ అకౌంట్ బ్యాలెన్స్ వివరాలను రిజిస్టర్డ్ మొబైల్ నెంబర్‌కు ఎస్ఎంఎస్ రూపంలో మీకు పంపిస్తుంది. అంతేకాకుండా బ్యాంక్ ప్రొడక్ట్స్, సర్వీసుల వివరాలు కూడా పొందొచ్చు. వీటికి సంబంధించి ఐపాల్ అలెక్సా, గూగుల్ అసిస్టెంట్ డివైస్‌ ద్వారా గట్టిగా చదివి వినిపిస్తుంది

అంతేకాకుండా బ్యాంక్ కస్టమర్లు వారి క్రెడిట్ కార్డు సమాచారం కూడా పొందొచ్చు. అలెక్సా, క్రెడిట్ కార్డు బిల్లు అమౌంట్ ఎంత? అని అడిగితే.. అప్పుడు బ్యాంకు మీ రిజిస్టర్డ్ మొబైల్ నెంబర్‌కు వివరాలను ఎస్ఎంఎస్ చేస్తుంది. ఐసీఐసీఐ బ్యాంక్ టెక్నాలజీ వినియోగంతో దూసుకెళ్తోందని చెప్పొచ్చు. ఇతర బ్యాంకులు కూడా ఐసీఐసీఐ దారిలో నడిచే అవకాశముంది.



Source link

Leave a Reply

Your email address will not be published. Required fields are marked *