icici bank deposit rates: SBI దారిలోనే మరో 2 బ్యాంకులు.. కస్టమర్లకు ఝలక్! – 2 more banks cut savings deposit rates, all you need to know


ప్రధానాంశాలు:

  • వడ్డీ రేట్లు తగ్గించిన బ్యాంకులు
  • బ్యాంక్ ఖాతాలపై తక్కువ రాబడి
  • ఇప్పటికే ఎస్‌బీఐ రేట్ల తగ్గింపు

దేశీ అతిపెద్ద బ్యాంక్ స్టేట్ బ్యాంక్ ఆఫ్ ఇండియా (SBI) దారిలోనే మరో రెండు బ్యాంకులు నడుస్తున్నాయి. తాజాగా ప్రైవేట్ రంగానికి ప్రముఖ బ్యాంకులైన ఐసీఐసీఐ బ్యాంక్, యాక్సిస్ బ్యాంకులు తాజాగా వడ్డీ రేట్లు తగ్గిస్తూ నిర్ణయం తీసుకున్నాయి. ఈ రెండు బ్యాంకులు సేవింగ్స్ బ్యాంక్ అకౌంట్ల వడ్డీ రేట్లలో కోత విధించాయి.

ఐసీఐసీఐ బ్యాంక్ సేవింగ్స్ అకౌంట్లపై వడ్డీ రేట్లను 25 బేసిస్ పాయింట్ల వరకు తగ్గించింది. రూ.50 లక్షలలోపు బ్యాలెన్స్ ఉన్న అకౌంట్లపై వడ్డీ రేటు 25 బేసిస్ పాయింట్లు తగ్గింది. దీంతో వడ్డీ రేటు 3 శాతానికి దిగొచ్చింది. రూ.50 లక్షలకు పైగా బ్యాలెన్స్ ఉన్న అకౌంట్లకు 3.5 శాతం వడ్డీ లభిస్తుంది. రేట్ల కోత నిర్ణయం రేపటి నుంచి అమలులోకి వస్తుంది. ఇకపోత యాక్సి్స్ బ్యాంక్ కూడా సేవింగ్స్ డిపాజిట్లపై వడ్డీ రేట్లను 25 బేసిస్ పాయింట్ల వరకు తగ్గించింది.

Also Read: SBI కస్టమర్లకు షాక్: బ్యాంక్ కీలక నిర్ణయం.. 44 కోట్ల మంది కస్టమర్లపై ఎఫెక్ట్!

ఇకపోతే ఎస్‌బీఐ తాజాగా సేవింగ్స్ బ్యాంక్ డిపాజిట్లపై వడ్డీ రేట్లలో 5 బేసిస్ పాయింట్ల మేర కోత విధించింది. దీంతో ఈ రేటు 2.7 శాతానికి దిగొచ్చింది. మే 31 నుంచే కొత్త రేట్లు అమలులోకి వచ్చాయని బ్యాంక్ తెలిపింది. స్టేట్ బ్యాంక్ తాజా నిర్ణయంతో బ్యాంక్ అకౌంట్‌లో ఉన్న డబ్బులపై ఇకపై తక్కువ రాబడి వస్తుంది. అన్ని రకాల బ్యాంక్ ఖాతాలకు వడ్డీ రేట్ల తగ్గింపు నిర్ణయం అమలులోకి వస్తుందని బ్యాంక్ తెలిపింది.

Also Read: గుడ్ న్యూస్.. భారీగా పడిపోయిన బంగారం ధర.. వెండి మాత్రం..

ఎస్‌బీఐ ఏప్రిల్ నెలలో కూడా సేవింగ్స్ అకౌంట్లపై వడ్డీ రేట్లను తగ్గించింది. అప్పుడు వడ్డీ రేట్లలో 25 బేసిస్ పాయింట్ల మేర కోత విధించింది. దీంతో అప్పుడు వడ్డీ రేటు 2.75 శాతానికి దిగొచ్చింది. అంతేకాకుండా ఎస్‌బీఐ మే 27 నుంచి టర్మ్ డిపాజిట్లపై కూడా వడ్డీ రేట్లను తగ్గించింది. వడ్డీ రేట్లలో 40 బేసిస్ పాయింట్ల వరకు కోత విధించింది. స్టేట్ బ్యాంక్ ఫిక్స్‌డ్ డిపాజిట్లపై వడ్డీ రేట్లను తగ్గించడం ఒక నెలలో ఇది రెండోసారి కావడం గమనార్హం.

ఎస్‌బీఐ రేట్ల కోత నిర్ణయంతో 7 రోజుల నుంచి 45 రోజుల వ్యవధిలోని ఎఫ్‌డీలపై 2.9 శాతం వడ్డీ వస్తుంది. 46 రోజుల నుంచి 179 రోజుల ఎఫ్‌డీలపై 3.9 శాతం, 180 రోజుల నుంచి 210 రోజుల ఎఫ్‌డీలపై 4.4 శాతం, 211 రోజుల నుంచి ఏడాదిలోపు ఎఫ్‌డీలపై 4.4 శాతం, ఏడాది నుంచి మూడేళ్లలోపు ఎఫ్‌డీలపై 5.1 శాతం, 3 ఏళ్ల నుంచి 5 ఏళ్లలోపు ఎఫ్‌డీలపై 5.3 శాతం, 5 ఏళ్లు నుంచి పదేళ్లలోపు ఎఫ్‌డీలపై 5.4 శాతం వడ్డీ వస్తుంది. ఇక సీనియర్ సిటిజన్స్‌కు 50 బేసిస్ పాయింట్ల అదనపు వడ్డీ లభిస్తుంది.



Source link

Leave a Reply

Your email address will not be published. Required fields are marked *