icici bank fd rates : SBI దారిలో ఐసీఐసీఐ బ్యాంక్.. కస్టమర్లకు భారీ షాక్! – private sector icici bank fd interest rates slashed, check latest rates here


ప్రముఖ ప్రైవేట్ రంగ బ్యాంక్ ఐసీఐసీఐ బ్యాంక్ తాజాగా తన కస్టమర్లకు ఝలక్ ఇచ్చింది. దేశీ దిగ్గజ బ్యాంక్ స్టేట్ బ్యాంక్ ఆఫ్ ఇండియా (ఎస్‌బీఐ) దారిలోనే నడిచింది. ఫిక్స్‌డ్ డిపాజిట్లపై వడ్డీ రేట్లను తగ్గించింది. 50 బేసిస్ పాయింట్ల మేర కోత విధించింది. ఎఫ్‌డీ రేట్ల తగ్గింపు నిర్ణయం ఏప్రిల్ 3 నుంచే అమలులోకి వచ్చింది.


రేట్ల కోత నిర్ణయం తర్వాత.. ఐసీఐసీఐ బ్యాంక్ ఫిక్స్‌డ్ డిపాజిట్ల వడ్డీ రేట్లను గమనిస్తే.. ఏడాది ఎఫ్‌డీలపై 5.8 శాతం వడ్డీ లభిస్తోంది. ఇది వరకు ఈ కాల పరిమితిలోని ఎఫ్‌డీలపై 6.2 శాతం వడ్డీ వచ్చేది. ఇక ఐదేళ్ల ఎఫ్‌డీలపై కూడా వడ్డీ రేటు 6.4 శాతం నుంచి 6 శాతానికి దిగొచ్చింది.

Also Read: షాక్.. ఒకే రోజులో భారీగా పెరిగిన బంగారం ధర.. వెండి పైపైకి.. లేటెస్ట్ రేట్లు ఇలా!

అంతేకాకుండా ఐసీఐసీఐ బ్యాంక్ సేవింగ్స్ అకౌంట్లపై కూడా వడ్డీ రేట్లను తగ్గించింది. 25 బేసిస్ పాయింట్ల మేర కోత విధించింది. కొత్త రేట్ల కోత నిర్ణయం తర్వాత ఐసీఐసీఐ బ్యాంక్ సేవింగ్స్ అకౌంట్‌పై ఇప్పుడు వడ్డీ రేటు 3.25 శాతానికి తగ్గింది. రూ.50 లక్షలలోపు బ్యాలెన్స్‌కు ఇది వస్తుంది. అదే అకౌంట్‌లో రూ.50 లక్షలకు పైన బ్యాలెన్స్ ఉంటే 3.75 శాతం వడ్డీ వస్తుంది. వడ్డీ రేట్ల కోత ఏప్రిల్ 9 నుంచి అమలులోకి వస్తుంది.

Also Read: LIC పాలసీ అదిరింది.. రూ.100తో రూ.70,000!

ఇకపోతే రిజర్వు బ్యాంక్ ఆఫ్ ఇండియా (ఆర్‌బీఐ) ఇటీవలనే కీలక రెపో రేటును ఏకంగా 75 బేసిస్ పాయింట్ల మేర తగ్గించిన విషయం తెలిసిందే. కరోనా వైరస్ లాక్ డౌన్ పరిస్థితులు ఇందుకు ప్రధాన కారణం. ఆర్‌బీఐ రేట్ల కోత వెంటనే ఎస్‌బీఐ కూడా ఎఫ్‌డీ, సేవింగ్స్ ఖాతా వడ్డీ రేట్లను తగ్గించింది.

కాగా కేంద్ర ప్రభుత్వం ఇటీవలనే స్మాల్ సేవింగ్ స్కీమ్స్‌పై కూడా వడ్డీ రేట్లను భారీగానే తగ్గించేసింది. ఏకంగా 1.4 శాతం వరకు కోత విధించింది. దీంతో పీపీఎఫ్, సుకన్య అకౌంట్, సీనియర్ సిటిజన్ సేవింగ్స్ స్కీమ్, పోస్టాఫీస్ సేవింగ్ స్కీమ్స్, కేవీపీ వంటి పలు పథకాలపై వడ్డీ రేట్లు దిగొచ్చాయి.





Source link

Leave a Reply

Your email address will not be published. Required fields are marked *