icici bank golden years fd: HDFC Bank, ఎస్‌బీఐలకు ఐసీఐసీఐ బ్యాంక్ ఝలక్.. కస్టమర్లకు అదిరిపోయే గుడ్ న్యూస్! – private lender icici bank launches special fd scheme with higher rate for senior citizens. check features


ప్రధానాంశాలు:

  • కొత్త ఎఫ్‌డీ స్కీమ్ లాంచ్ చేసిన బ్యాంక్
  • ఇందులో డబ్బులు పెడితే అధిక వడ్డీ
  • సెప్టెంబర్ చివరి వరకు ఈ పథకం అందుబాటులో

బ్యాంకులు కస్టమర్లను ఆకర్షించేందుకు ఒకదాని తర్వాత మరొకటి వినూత్నమైన స్కీమ్స్‌ను ఆవిష్కరిస్తూ వస్తున్నాయి. తొలిగా దేశీ దిగ్గజ బ్యాంక్ స్టేట్ బ్యాంక్ ఆఫ్ ఇండియా (SBI) ప్రత్యేకమైన ఫిక్స్‌డ్ డిపాజిట్ స్కీమ్‌ను లాంచ్ చేసింది. తర్వాత ప్రైవేట్ రంగానికి చెందిన దిగ్గజ బ్యాంక్ హెచ్‌డీఎఫ్‌సీ కూడా ఎస్‌బీఐ దారిలోనే నడిచింది. ప్రత్యేకమైన ఎఫ్‌డీ స్కీమ్‌ను తీసుకువచ్చింది. ఇప్పుడు ఐసీఐసీఐ బ్యాంక్ కూడా సరికొత్త ఎఫ్‌డీ పథకాన్ని ఆవిష్కరించింది. ఇవ్వన్నీ సీనియర్ సిటిజన్స్‌కు మాత్రమే అందుబాటులో ఉంటాయి.

ఐసీఐసీఐ బ్యాంక్ లాంచ్ చేసిన స్కీమ్ పేరు ఐసీఐసీఐ బ్యాంక్ గోల్డెన్ ఇయర్స్ ఎఫ్‌డీ. ఈ స్కీమ్‌లో చేరిన వారికి ఎక్కువ వడ్డీ లభిస్తుంది. 6.55 శాతం వరకు వడ్డీ పొందొచ్చు. రూ.2 కోట్ల వరకు డిపాజిట్లకు ఇది వర్తిస్తుంది. అలాగే 5 ఏళ్ల నుంచి 10 ఏళ్లలోపు కాల పరిమితిలోని ఫిక్స్‌డ్ డిపాజిట్లకే ఇది వర్తిస్తుంది. సాధారణ కస్టమర్ల కన్నా ఈ స్కీమ్‌లో చేరిన వారికి 80 బేసిస్ పాయింట్ల మేర ఎక్కువ వడ్డీ వస్తుంది. సెప్టెంబర్ 30 వరకు ఈ పథకం అందుబాటులో ఉంటుంది.

Also Read: గుడ్ న్యూస్.. దిగొచ్చిన బంగారం ధర.. వెండి పతనం!

ఐసీఐసీఐ గోల్డెన్ ఇయర్స్ ఎఫ్‌డీలో డబ్బులు ఇన్వెస్ట్ చేసిన వారు లోన్ సదుపాయం కూడా పొందొచ్చు. ఎఫ్‌డీ చేసిన డబ్బుల్లో 90 శాతం వరకు రుణ సదుపాయం లభిస్తుంది. బ్యాంక్ బ్రాంచుకు వెళ్లి లేదంటే ఆన్‌లైన్‌లో ఇంటర్నెట్ బ్యాంకింగ్, మొబైల్ బ్యాంకింగ్ సాయంతో ఈ ఎఫ్‌డీ అకౌంట్‌ను తెరవొచ్చు.

Also Read: మోదీ గుడ్ న్యూస్.. ఈ స్కీమ్‌తో నెలకు రూ.10,000!

హెచ్‌డీఎఫ్‌సీ బ్యాంక్ సీనియర్ సిటిజన్స్ కోసం కొత్త ఎఫ్‌డీ స్కీమ్‌ను లాంచ్ చేసింది. దీని పేరు సీనియర్ సిటిజన్స్ కేర్ ఎఫ్‌డీ. హెచ్‌డీఎఫ్‌సీ బ్యాంక్ వెబ్‌పైట్ ప్రకారం.. హెచ్‌డీఎఫ్‌సీ బ్యాంక్ సీనియర్ సిటిజన్స్ 75 బేసిస్ పాయింట్ల మేర ఎక్కువ వడ్డీని అందిస్తోంది. అంటే 6.5 శాతం వడ్డీ వస్తుంది. ఐదేళ్లకు పైన కాల పరిమితిలోని డిపాజిట్లకు ఇది వర్తిస్తుంది.

ఇక స్టేట్ బ్యాంక్ విషయానికి వస్తే.. ఎస్‌బీఐ ఇటీవలనే సీనియర్ సిటిజన్స్ కోసం ప్రత్యేక ఎఫ్‌డీ స్కీమ్‌ను తీసుకువచ్చింది. దీని పేరు ఎస్‌బీఐ ఉయ్ కేర్ డిపాజిట్. ఇందులో చేరితో సీనియర్ సిటిజన్స్ అదనంగా 30 బేసిస్ పాయింట్ల మేర వడ్డీ పొందొచ్చు. అంటే ఈ స్కీమ్‌లో సీనియర్ సిటిజన్స్‌కు 6.5 శాతం వడ్డీ వస్తుంది.



Source link

Leave a Reply

Your email address will not be published. Required fields are marked *